Vaega 46

Faaaliga na tuuina mai e ala mai ia Iosefa Samita le Perofeta, i le Ekalesia, i Katelani, Ohaio, 8 Mati 1831 (History of the Church, 1:163–165). I le taimi popofou lea o le Ekalesia, sa lei i ai se ala fuafuaina e tasi mo le taitaiga o sauniga o le Ekalesia sa faatuina. E ui i lea, sa i ai se tu masani mo le faatagaina i sauniga faamanatuga ma isi faapotopotoga a le Ekalesia nao tagata o le Ekalesia ma tagata sailiili faamaoni, sa faaaoga lautele teisi. Ua taʼu mai i le faaaliga lenei le finagalo o le Alii e faatatau i le pulea ma le taitaiga o sauniga.

1–2, O toeaina e taitaia sauniga e pei ona taitai ai e le Agaga Paia; 3–6, E lē tatau ona taofia tagata sailiili faamaoni mai sauniga faamanatuga; 7–12, Ole atu i le Atua ma saili meaalofa a le Agaga; 13–26, Ua tuuina mai se lisi o ni isi o ia meaalofa; 27–33, Ua tuuina mai i taitai o le Ekalesia le mana e iloa ai meaalofa a le Agaga.

 Faalogo mai ia, outou e tagata o laʼu ekalesia; aua e moni Ou te fai atu ia te outou, sa tautala atu ia te outou i nei mea mo lo outou alelei ma aoaoga.

 Ae e ui i na mea ua tusia, sa tuu atu pea i taimi uma i atoeaina o laʼu ekalesia mai le amataga, ma o le a faapea lava e faavavau, e etaitai sauniga uma e pei ona faatonu ma taitaia ai i latou e le Agaga Paia.

 E ui i lea ua poloaiina outou ia aua lava neʼi atulia ese soo se tasi mai ia outou sauniga faitele, e fai i luma o le lalolagi.

 Ua poloaiina foi outou ia lē tulia ese i fafo soo se tasi e auai i le aekalesia mai ia outou sauniga faamanatuga; e ui i lea, afai ua agasala se tasi, eʼaua neʼi taumafa o ia seia faia e ia se faaleleiga.

 Ma Ou te toe fai atu ia te outou, aua tou te tuli ese i fafo o a outou sauniga faamanatuga soo se tasi o e o loo saili ma le faamaoni le malo—ua Ou tautala atu lenei mea e faatatau ia i latou o e ua lē o le ekalesia.

 Ma Ou te toe fai atu ia te outou, e faatatau ia outou asauniga faamauga o papatisoga, afai e i ai ni isi e lē o le ekalesia, o loo saili ma le faamaoni i le malo, aua tou te tutulia i latou i fafo.

 Ae ua poloaiina outou i mea uma ia aole atu i le Atua, o lē na te foai tele mai; ma o mea e molimau atu ai le Agaga ia te outou ua faapea lava ona ou loto ia outou faia i le epaia atoatoa o le loto, ma savavali saʼo i oʼu luma, ma imanatunatu i le iuga o lo outou olataga, ma faia mea uma faatasi ma le tatalo ma le ofaafetai, ina ia lē ufaaseseina outou e agaga leaga, po o mataupu faavae a ftiapolo, po o gpoloaiga a tagata; aua o ni isi e ā tagata, ma o isi e ā tiapolo.

 O le mea lea, ia faaeteete neʼi faaseseina outou; ma ina ia lē faaseseina outou, ia outou asaili ma le faamaoni meaalofa silisili ona lelei, ma manatua pea le pogai ua tuuina mai ai;

 Aua e moni ou te fai atu ia te outou, ua tuuina mai ia meaalofa mo le lelei o i latou o e e alolofa mai ia te aʼu ma tausi i aʼu poloaiga uma, ma ia o lē ua saili na te faia faapea; ina ia aoga ia i latou uma o e e saili pe ole mai ia te aʼu, o e e ole mai ae lē mo se afaailoga ina ia mafai ona latou efaaaogaina i lo latou tuinanau.

 10 O lenei foi, e moni ou te fai atu ia te outou, ou te manao ia outou manatua pea, ma taofi pea i o outou amafaufau po o a ia emeaalofa, ua tuu atu i le ekalesia.

 11 Aua ua lē tuʼuina atu i tagata uma meaalofa uma; ona e tele meaalofa, ma e tuu atu e le Agaga o le Atua i tagata ataitoatasi se meaalofa.

 12 I ni isi ua tuuina mai i ai se tasi, ma i isi ua tuuina atu i ai se isi, ina ia mafai ona manuia ai o tagata uma.

 13 I ni isi ua tuuina mai i ai e le Agaga Paia ia latou ailoa o Iesu Keriso o le Alo o le Atua, ma sa faasatauroina o ia mo agasala a le lalolagi.

 14 I ni isi ua tuuina mai i ai ia atalitonu ia latou upu, ina ia mafai foi ona latou maua o le ola e faavavau pe afai latou te faamaoni pea.

 15 O lenei foi, ua tuuina mai i ni isi e le Agaga Paia ia latou iloa le aeseesega o pulega, e pei ona finagalo malie i ai le Alii lava e tasi, e tusa ai ma le finagalo o le Alii, i le faatatau o ona alofa mutimutivale e tusa ma tulaga o le fanauga a tagata.

 16 O lenei foi, ua tuuina mai e le Agaga Paia i ni isi ia latou iloa le eseesega o faiga, pe mai le Atua, ina ia mafai ona tuuina mai o faaaliga a le Agaga i tagata taitoatasi ina ia manuia ai.

 17 O lenei foi, e moni ou te fai atu ia te outou, ua tuuina mai e le Agaga o le Atua i ni isi, le upu o le apoto.

 18 I se tasi ua tuuina mai i ai le upu o le amalamalama, ina ia mafai ona aʼoaoina o tagata uma ia atamamai ma ia latou maua le malamalama.

 19 O lenei foi, ua tuuina mai i ni isi ia latou maua le afaatuatua e faamalolo ai;

 20 Ma i isi ua tuuina mai i ai ia latou maua le faatuatua e afaamalolo atu ai.

 21 O lenei foi, ua tuuina mai i ni isi le faia o avavega;

 22 Ma i isi ua tuuina mai i ai e avavalo;

 23 Ma i isi le ailoaina o agaga.

 24 O lenei foi, ua tuuina mai i ni isi e tautala i agagana;

 25 Ma i le tasi ua tuuina mai i ai le faaliliuga o gagana.

 26 Ma o nei ameaalofa uma ua mai i le Atua, mo le manuia o efanau a le Atua.

 27 Ma i le aepikopo o le ekalesia, ma ia i latou faapena e tofia ma faauu e le Atua e leoleo i le ekalesia ma avea ma toeaina i le ekalesia, o le a tuuina atu ia te i latou ia latou eiloa ia meaalofa uma neʼi i ai se tasi i totonu o outou e fai mai ua ia te ia ia mea ae ua lē ā le Atua.

 28 Ma o le a oo mai o le a maua i le Agaga o ia o lē e ole atu i le aAgaga;

 29 Ina ia mafai ona tuuina mai o ia meaalofa uma i ni isi, ina ia mafai ona i ai o se ulu, ina ia mafai ona manuia ai tagata uma.

 30 O ia o lē e aole atu i le eAgaga, e ole atu o ia e tusa ai ma le ifinagalo o le Atua; o lea e faia ai e pei lava ona ole atu ai o ia.

 31 O lenei foi, ou te fai atu ia te outou, e ao ona faia o mea uma o soo se mea lava tou te faia i le Agaga, i le suafa o Keriso;

 32 Ma e ao ina outou afaafetai atu i le Atua i le Agaga mo soo se faamanuiaga ua faamanuiaina ai outou.

 33 Ma e ao ina outou faia e lē aunoa le aamiomama ma le epaia i oʼu luma. Ia faapea lava. Amene.