Benneg 47
Paltiing a naited babaen ni Joseph Smith a Propeta, iti Kirtland, Ohio, idi 8 ti Marso 1831 (History of the Church, 1:166). Nagpaay ni Oliver Cowdery a mannalaysay ken para surat ti Simbaan sakbay daytoy a panawen. Saan a ginamgam ni John Whitmer ti matudingan a mannalaysay, ngem, iti pannakaidawat kenkuana nga agpaay iti daytoy a takem, imbagana a tungpalenna ti pagayatan ti Apo iti dayta a banag. Nagserbi idin a sekretario ti Propeta iti panagisurat iti adu a paltiing a naawat iti Fayette, Nueva York, a disso.
1–4, Napusgan ni John Whitmer a mangaramid iti pakasaritaan ti Simbaan ken agsurat para iti Propeta.
1 Adtoy, kasapulan para kaniak nga agsurat ken di agsarday ti panagsurat ti katulongak a ni John iti apakasaritaan, ken tarabayennaka, katulongak a Joseph, a mangisurat kadagiti amin a banag a maited kenka, agingga a maikkan iti ad-adu pay a pagrebbengan.
2 Manen, pudno kunak kadakayo a mabalinna met ti agtimek iti napigsa kadagiti miting, iti kanito a kasapulan.
3 Ket manen, kunak kadakayo a maituding kenkuana a mangisurat iti kasuratan ti simbaan ken iti pakasaritaan nga awan ressatna; ta inikkak ni Oliver Cowdery iti sabali a takem.
4 Gapuna, maited kenkuana, no la ketdi napudno, babaen ti aMangliwliwa, a mangisurat kadagitoy a banag. Pudno a kasta. Amen.