iVolanikalou
Vunau kei na Veiyalayalati 54


Wase 54

Na veika sa vakatakilai yani mai vei Josefa Simici na Parofita me tukuni vei Niueli Naiti, mai Katiladi, Oaio, ena 10 ni June, 1831. Sa basika na duidui vei ira na lewe ni Lotu era tiko mai Tomuseni e Oaio, ena vuku ni kena vakatabui na iyau. Sa kune votu na nanumi koya ga kei na yalokocokoco. Ni oti nona kaulotu vei ira na Seka (raica na ulutaga ni wase 49), sa voroka na nona yalayala ko Limeni Kopeli me baleta na kena vakatabui na nona qele ni teitei levu me ra tawana na Yalododonu era sa qai toki tiko mai Kolosivili, e Niu Ioka. A ka oqo sa cabe kina ko Niueli Naiti (nodra iliuliu na lewenilotu era tiko mai Tomuseni) kei ira na italatala qase eso vua na Parofita ka taroga na ka me caka. A sa taroga na Turaga ko koya na Parofita ka ciqoma kina na ivakatakila oqo, era sa vakaroti kina na lewenilotu mai Tomuseni me ra biuta na qele ni teitei nei Limeni Kopeli ka lako ki Misuri.

1–6, Sa dodonu me ra muria tiko na Yalododonu na veiyalayalati ni kosipeli me ra rawata kina na loloma cecere; 7–10, Me ra vosota ena gauna ni rarawa.

1 Raica, sa kaya vakaoqo na Turaga, io na aAlifa kei na Omeka, na ivakatekivu kei na ivakataotioti, io ko koya a bvakamatei ena kauveilatai ena vuku ni ivalavala ca ni vuravura—

2 Raica, e dina, e dina au sa kaya vei iko Niueli Naiti na noqu tamata, mo tudei sara ena itavi au sa lesia vei iko.

3 Ia kevaka era sa vinakata na wekamu me kakua ni rawai ira ko ira na nodra meca, me ra veivutunitaka sara na nodra ivalavala ca, io me ra ayalomalumalumu ka yaloraramusumusu e mataqu.

4 Ia me vaka ni sa voroki na aveiyalayalati era a cakava vei au, sa yaco kina me btawayaga ka sega na betena.

5 Ia ena ca sara vei koya sa vakavuna na aka oqo, ni sa vinaka cake vua me a vakalutudromutaki ki na wasaliwa titobu.

6 Ia sa kalougata ko ira sa dei tu ena nodra veiyalayalati ka muria na ivakaro, ni ra na rawata na aloloma cecere.

7 Ia mo dou cavutu ka dro tani ena vanua oqo, de ra rawai kemudou na nomudou meca; io dou cavutu ka lako yani, dou lesia e dua dou vinakata me nomudou iliuliu me lewa tale ga na vakayagataki ni nomudou ilavo.

8 Raica mo dou sasaga yani ki na veiyasana ena ra, ki na vanua ko aMisuri, io ki na iyalayala ni nodra vanua na Leimanaiti.

9 Ia ni dou sa vakacavara na ilakolako, raica, au sa kaya vei kemudou, mo dou rawata ga na nomudou abula me vakataki ira na tamata tale e so, me yacova na gauna au na qai vakarautaka kina e dua na vanua me nomudou.

10 Kei na dua tale, mo dou avosota sara na veika rarawa me yacova ni’u sa blesu tale mai; ka raica, au na lesu kusarawa mai, io au na kauta mai na icocovi, ia ko ira sa cqarai au taudonu, era na kunea na dvakacegu ni yalodra. Io ena vakakina. Emeni.