Koroboki Aika Tabu
Reirei ao Berita aika Tabu 56


Mwakoro 56

Kaotioti ae kaotaki rinanon Iotebwa Timiti te Burabeti, i Kirtland, Ohio, n Tuun 15, 1831. E boaaki Ezra Thayre ibukina bwa e aki ongeaba nakon te kaotioti are mai i mwaaina (te “tua” are e taekinaki n kibu 8), are e karekea Iotebwa Timiti ibukina, are e reiakinaki iai Thayre ibukin tabena i aon ana tabo ni man Frederick G. Williams, are e maeka iai. Te kaotioti ae kaotaki ikai e kamaunai naba wetean Thayre bwa e na mwananga nako Missouri ma Thomas B. Marsh (taraa mwakoro 52:22).

1–2, A riai Aomata aika Itiaki n uota aia kaibangaki ao n ira te Uea ni karekea te kamaiuaki; 3–13, E tua te Uea ao e kamaunai, ao taan aki ongeaba a na teweaki nako; 14–17, A na reke kaiia akana kaubwai ake a aki buokiia kainnano, ao a na reke kaiia ake a kainnano ake a aki uruaki nanoia ibukin aia bure; 18–20, A kakabwaiaki kainnano ake a itiaki nanoia, bwa aia bwai te aba.

1 Ongora, O ngkami aomata ake a akakoaua arau, e taku te Uea ae Atuami; bwa nooria, e kauraaki uniu nakoia taan kakaitara, ao a na ataa baiu ao uniu, n te bong are N na bkawariia iai ma te un i aoia botanaomata.

2 Ao ane e aki uota ana akaibangaki ao n birai, ao ni kawakini au tua, te aomata anne e na bon aki kamaiuaki.

3 Nooria, Ngai, te Uea, I tuangkami; ao ane e aki aongeaba e na bon bkamaunaaki ni bon oin au tai, i mwin are I a tia n tuangkami ao e uruakaki te tua.

4 Mangaia are Ngai, te Uea, I tua ao I akamaunai, n aron nooran raoiroina irou; ao ni kabane aikai a na kaekaaki i aon atuia taan bkakaitara, e taku te Uea.

5 Mangaia are, I kamauna te tua are a tia n anganaki au tia mwakuri aika aThomas B. Marsh ao Ezra Thayre, ao n anga te tua ae boou nakon au tia mwakuri ae Thomas, bwa e na mwananga ni katawe nakon te aba ae Missouri, ao au tia mwakuri ae Selah J. Griffin e na nako naba ma ngaia.

6 Bwa nooria, I kamauna te tua are a tia n anganaki au tia mwakuri aika Selah J. Griffin ao Newel Knight, ibukin imanonoia au aomata ake i Thompson, ao aia kakaitara.

7 Mangaia are, e riai au tia mwakuri ae Newel Knight n tiku ma ngaiia; ao ni kabane ake a kan nako a kona n nako, ake a raraoma imatau, ao ni kairaki irouna nakon te aba are I a tia n rineia.

8 Ao e koaua ae I a manga tuangkami, bwa au tia mwakuri ae Ezra Thayre e riai n raira nanona man ana akamoamoa, ao man ana tinanikubeka, ao n ongeaaba nakon te tua are mai i mwaaina are I a tia n anganna ni kaineti ma te tabo are e maeka iai.

9 Ao ngkana e karaoa aei, kioina ngkai e na akea te tibwatibwa ae e na karaoaki i aon te aba, e na bon rineaki naba bwa e na nako nakon te aba ae Missouri;

10 Ngkana e aki ao e na anganaki te mwane are e a tia ni kabwaka, ao e na kitana te tabo, ao e na akamaunaki man au ekaretia, e taku te Atua ae aia Uea taanga ni buaka;

11 Ao e ngae ni mauna karawa ma aonaba, taeka aikai a na bon aki amauna, ma a na koro bukiia.

12 Ao ngkana au tia mwakuri ae Iotebwa Timiti te Ataei e riai ni kabwaka te mwane, nooria, Ngai, te Uea, N na manga kabwaka nakoina n te aba ae Missouri, bwa aonga naake e karekea te mwane mai irouia n anganaki naba kanuangaia ni kaineti nakon te bwai are a karaoia;

13 Bwa a na anganaki ni kaineti nakon te bwai are a karaoia, n aron aaba ibukin abaia ni bwaibwai.

14 Nooria, e taku te Uea nakoia au aomata—a mwaiti bwaai ae kam na riai ni karaoia ao n raira nanomi mai iai; bwa nooria, a waerake ami bure nakoiu, ao a aki kabwaraaki, ibukina bwa kam ukoukori oin ami areirei.

15 Ao a aki rauaki nanomi. Ao kam aki ongeaba nakon te koaua, ma kam akukurei n te buakaka.

16 A na reke kaia aomata ake a akaubwai, ake aki banga aia bwai nakoia ckainnano, bwa dkaubwaimi e na kabareka tamneimi; ao e na riki aio bwa ami bwaebwaeti n te bong are N na kawaringkami iai, ao te motikitaeka, ao te un: E a nako etain te tai, e a toki tain te kabuebue, ao e aki kamaiuaki tamneiu!

17 A na reke kaimi aomata aika a akainnano, aika a aki uruaki nanomi, aika a aki raraoma tamneimi, ao aika a aki rauaki biritomi, ao aika kam aki kona n taua baimi man anakin aia bwai tabeman, aika a onrake matami n te bmataai, ao aika kam rawa ni mwakuri n oin baimi!

18 Ma a na kakabwaiaki ake a akainnano ake a itiaki nanoia, ake a buruaki nanoia, ao ake a raraoma tamneia, bwa a na noora cuean te Atua ae roko ma te mwaaka ao te mimitong ae korakora ni kamaiuia; bwa aia bwai dnenean te aba.

19 Bwa nooria, e na roko te Uea, ao ana akanuanga e na raonna, ao e na anga te kanuanga nakoia aomata ni kabane, ao a na kimwareirei kainnano;

20 Ao aia kariki a na abwaina te aba man te roro teuana nakon teuana, n aki tootoki. Ao ngkai I a katoka au taetae nakoim. Eng. Amen.