Tusitusiga Paia
Mataupu Faavae ma Feagaiga 57


Vaega 57

Faaaliga na tuuina mai e ala mai ia Iosefa Samita le Perofeta, i Siona, Itumalo o Siakisone, Misuri, i le aso 20 o Iulai, 1831. I le usiusitai i le poloaiga a le Alii e malaga atu i Misuri, lea o le a Ia faaali mai ai “le laueleele o lou tofi” (vaega 52), sa malaga atu ai toeaina mai Ohaio e agai atu i le tuaoi i sisifo o Misuri. Sa manatunatu ifo Iosefa Samita i le tulaga o sa Lamanā ma le ofo tele “O afea e fuga mai ai le toafa e pei o le rosa? O afea e faatuina ai Siona i lona mamalu, ma o fea e faatuina ai Lou malumalu, lea o le a o mai i ai atunuu uma i aso e gata ai?” O se taimi mulimuli ane na maua ai e ia le faaaliga lenei.

1–3, O Initipene, Misuri, o le nofoaga lea mo le Aai o Siona ma le malumalu; 4–7, Ia faatau mai e le au paia fanua ma maua ni tofi i le eria lena; 8–16, Ia faatuina e Sini Gilbert se faleoloa, ia avea Viliamu V. Phelps o se lomitusi, ma ia faatonutonu e Oliva Kaotui tusitusiga mo le faasalalauga.

1 Faalogo mai ia, outou e toeaina o la’u ekalesia, ua fetalai mai ai le Alii lo outou Atua, o e ua outou faapotopoto faatasi outou lava, e tusa ma a’u poloaiga, i lenei laueleele, le laueleele lea o aMisuri, le elaueleele lea ua Ou tofia ma ifaapaiaina mo le ofaapotopotoina o le au paia.

2 O le mea lea, o le laueleele lea o le folafolaga, ma o le anofoaga lea mo le aai o eSiona.

3 Ma ua faapea ona fetalai mai o le Alii lo outou Atua, afai tou te fia maua le poto, o le poto lenei. Faauta, o le nofoaga ua ta’ua nei o Initipene o le nofoaga tutotonu lea; ma o le tulaga mo le amalumalu o loo taoto i le itu i sisifo, i luga o se fasi fanua e lē mamao ese mai le falefaamasino.

4 O le mea lea, o se mea poto le tatau ona afaatau o le laueleele e le au paia, ma fasi fanua uma foi o taooto i le itu i sisifo, e oo atu lava i le laina tuaoi o loo sosolo tonu atu i le va o eIutaia ma Nuuese;

5 Ma fasi fanua uma foi e tuaoi i tafatafa ane o fanua lauvao, e tusa ai ma le gafatia e o’u soo ona afaatau mai o fanua. Faauta, o le poto lenei, ina ia mafai ai ona latou emaua o fanua mo se tofi e faavavau.

6 Ma ia tuu atu i la’u auauna o Sini Gilbert ia tulai i le tofi na Ou tofia i ai o ia, e talia tupe, e avea o se asui mo le ekalesia, e faatau mai fanua i nofoaga uma o faataamilo ai, e tusa ai ma le mafai ona faia i le amiotonu, ma taitaia ai e le poto.

7 Ma ia tuu atu i la’u auauna o aEteuati Paterika ia tulai i le tofi na Ou tofia i ai o ia, ma evaevae atu i le au paia o latou tofi, e pei lava ona Ou poloaiina; ma i latou foi o e ua ia tofia e fesoasoani ia te ia.

8 O lenei foi, e moni Ou te fai atu ia te outou, ia tuu atu i la’u auauna o Sini Gilbert ia faamautuina o ia lava i lenei nofoaga, ma faatuina se faleoloa, ina ia mafai ona ia faatau atu oloa e aunoa ma le faasese, ina ia mafai ona ia maua o tupe e faatau mai ai fanua mo le lelei o le au paia, ma ina ia mafai ona ia maua o soo se mea atonu e manaomia e soo e faamautu ai i latou i o latou tofi.

9 Ma ia tuu atu foi i la’u auauna o Sini Gilbert ia maua e ia se laisene—faauta, o le poto lenei, ma ai se e faitau, ia malamalama o ia—ina ia mafai e ia ona auina atu foi oloa i tagata, e ala atu lava i e e faafaigaluegaina e ia o ni failautusi i lana auaunaga;

10 Ma e faapea ona faia ai o mea mo la’u au paia, ina ia mafai ona talai atu la’u talalelei ia i latou o e ua nonofo i le apouliuli ma i le itulagi ma le eata o le oti.

11 O lenei foi, e moni Ou te fai atu ia te outou, ia tuu atu i la’u auauna o aViliamu W. Phelps e faamautu i lenei nofoaga, ma faia o se elomitusi mo le ekalesia.

12 Ma faauta, afai e talia e le lalolagi ana tusitusiga—faauta o le poto lenei—ia tuu atu ia te ia ia ona maua soo se mea e mafai ona ia maua i le amiotonu, mo le lelei o le au paia.

13 Ma ia tuu atu i la’u auauna o aOliva Kaotui e fesoasoani ia te ia, e pei ona Ou poloaiina ai, i soo se mea lava Ou te tofia i ai o ia, e kopi, ma faasao, ma filifili, ina ia mafai ona sa’o o mea uma i o’u luma, e pei ona o le a faamaonia ai e le Agaga e ala atu ia te ia.

14 Ma ia faapea ona tuu atu i e ua Ou tautala atu ai ia faamautuina i le laueleele o Siona, i le vave e mafai ai, faatasi ma o latou aiga, e fai mea na e pei lava ona Ou tautala atu ai.

15 Ma o lenei, e faatatau i le faapotopotoina—Ia tuu atu i le epikopo ma le sui e fai sauniuniga mo aiga na poloaiina e o mai i le laueleele lenei, i le vave e mafai ai, ma faamautu i latou i o latou tofi.

16 Ma mo e na totoe o toeaina ma tagata o le ekalesia, o le a tuuina atu i ai ni isi faatonuga i se taimi o mulimuli mai. E faapea lava. Amene.