Magwaro Matsvene
Dzidziso neZvibvumirano 58


Chikamu 58

Zvakazarurwa zvakapihwa kuburikidza naJoseph Smith Muporofita, muZioni, Ruwa rweJackson, Missouri, 1 Nyamavhuvhu 1831 (History of the Church, 1:190–195). Pamusi weSabata rekutanga mushure mekusvika kweMuporofita nevamwe vake muRuwa rweJackson, Missouri kwakaitwa ungano yechinamato, uye nhengo mbiri dzikagashira rubhabhatidzo. Mukati mevhiki iroro, vamwe veVatendi veColesville veBazi reThompson uye nevamwewo vakasvika (ona chikamu 54). Vazhinji vaive neshungu dzekuda kuziva chido chaIshe maererano navo munzvimbo itsva iyi yekuungana.

1–5, Avo vanotsungirira mudambudziko vachashongedzwa nekubwinya; 6–12, Vatendi vanofanira kugadzirira tsvitsa yeGwayana uye nokudya kwemanheru kwaIshe; 13–18, Mabhishopi ndivo vatongi vemuIsraeri; 19–23, Vatendi vanofanira kuteerera mitemo yenyika; 24–29, Vanhu vanofanira kushandisa kusununguka kwavo kuita zvakanaka; 30–33, Ishe vanotaura uye vanodzora; 34–43, Kutendeuka, vanhu vanofanira kureurura nekusiya zvitadzo zvavo; 44–58, Vatendi vanofanira kutenga nhaka yavo uye voungana muMissouri; 59–65, Vhangeri rinofanira kuparidzwa kuchisikwa chose.

1 Teererai, imi magosa echechi yangu, uye mupe nzeve kushoko rangu, uye mudzidze nezvangu kuti chii chandinoda pamusoro penyu, uyewo nepamusoro penyika aino kwandakutumirai.

2 Nokuti zvirokwazvo ndinoti kwamuri, akaropafadzwa uyo aanochengeta mirairo yangu, muupenyu kana bmurufu; uye neuyo cakatendeka dmukutambudzika, mubairo waiyeyo mukuru chaizvo muumambo hwekudenga.

3 Hamukwanise kuona nemaziso enyu enyama, kwenguva ino, kuronga akwaMwari venyu pamusoro pezvinhu izvo zvichauya mushure, uye bnokubwinya kuchatevera mushure mekutambudzika kukuru.

4 Nokuti mushure amekutambudzika kukuru kunouya bmaropafadzo. Nokudaro zuva riri kuuya iro cramuchagadzwa dnekubwinya kukuru; nguva yacho haisati yasvika, asi yave pedyo.

5 Rangarirai izvi, zvandinombokutaurirai, kuti amuzviise mumwoyo, uye mogashira izvo zvichatevera.

6 Tarisai, zvirokwazvo ndinoti kwamuri, nechikonzero ichi ndakutumirai—kuti muve munoteerera, uye nokuti mwoyo yenyu aigadzirire kupa buchapupu hwezvinhu zvichauya;

7 Uye nekutiwo mukudzwe mukuhwarika hwaro, uye nemukutakura zvinyorwa zvenyika iyo ichamiswa aZioni yaMwari.

8 Uyewo kuti mabiko ezvinhu zvemafuta agadzirirwe avarombo; hongu, mabiko ezvinhu zvamafuta newaini byakanyatsogadzana, kuti pasi pagoziva kuti miromo yevaporofita haiwire pasi;

9 Hongu, kudya kwemanheru kwemba yaIshe, kwakagadzirwa zvakanaka, uko kuchakokerwa marudzi ose.

10 Kutanga, vapfumi nevakadzidza, vazivi nevano remekedzwa;

11 Uye mushure mezvo kunouya zuva resimba rangu; zvino pachati varombo, vakaremara, nemapofu, nematsi, vopinda akutsvitsa yeGwayana, uye kunodya bkudya kwemanheru kwaIshe, kwakagadzirirwa zuva guru richauya.

12 Tarisai, ini Ishe, ndazvitaura.

13 Uye kuti auchapupu huende huchibva kuZioni, hongu, kubva mumuromo weguta renhaka yaMwari—

14 Hongu, nechikonzero ichi ndakutumirai ikoko, uye ndasarudza muranda wangu aEdward Partridge, uye ndikadoma basa rake munyika ino.

15 Asi kana asina kutendeuka kubva muzvitadzo zvake, izvo zviri kusatenda uye nehupofu hwemwoyo, regai azvichenjerere potse aangapunzike.

16 Tarisai hushumiri hwake hwakapiwa kwaari, hauzopihwa zvakare.

17 Uye ani zvake achamira muhushumiri uhwu anodomwa kuti ave amutongi muIsraeri, sezvakange zvakaita mumazuva akare, kugovanisa nyika dzenhaka yaMwari bkuvana vavo;

18 Uye nokutonga vanhu vavo neuchapupu hwekuenzanisa, uye neruyamuro rwevabatsiri vavo, maererano nemitemo yeumambo iyo inopihwa anevaporofita vaMwari.

19 Nokuti zvirokwazvo ndinoti kwamuri, mutemo wangu uchachengetwa munyika ino.

20 Ngakurege kuve nemunhu anofunga kuti mutongi, asi regai Mwari vamutonge ivavo vanotonga, maererano nekuraira kwavanoda ivo pachavo, kana nemamwe mazwi, ivo vanoraira kana vanogara pachigaro chekutonga.

21 Hapana munhu anofanira akutyora mitemo yenyika, nokuti uyo anochengeta mitemo yaMwari haana chaanotyorera mitemo yenyika.

22 Nokudaro, ivai pasi pemasimba aripo, kudakara avatonga avo vane mvumo yekutonga, uye vagokurira dzose mhandu dziri pasi petsoka dzavo.

23 Tarisai, amitemo yamakatambira kubva mumaoko angu mitemo yechechi, uye muchiyedza ichi. Tarisai, houno ungwaru.

24 Uye zvino, sezvo ndichitaura pamusoro pemuranda wangu Edward Partridge, nyika ino inyika yake yokugara, uye neavo vaakadoma sevabatsiri vake; uye ndiyowo nyika yekugara yeuyo wandakadoma kuti achengete aimba yangu yekuchengetera;

25 Nokudaro, regai vaunze mhuri dzavo kunyika ino, sekurangana kwavachaita pakati pavo neni.

26 Nokuti tarisai, hazvina kunaka kuti ndiraire muzvinhu zvose; nokuti uyo anomanikidzwa muzvinhu zvose, iyeyo ane anungo haazi muranda akachenjera; nokudaro haagashire mubairo.

27 Zvirokwazvo ndinoti, vanhu vakafanira kubata anechido mabasa akanaka, uye vaite zvinhu zvakawanda nekuda kwavo ivo vakasununguka, uye vagounza kururama kwakanyanya;

28 Nokuti simba riri mavari, naizvozvo avanozvimiririra pachavo. Uye kana vanhu varikuita zvakanaka hakuna chingaite kuti varasikirwe nemubairo wavo.

29 Asi uyo asina chaanoita kudakara arairwa, uye ogashira murairo nemwoyo unokahadzika, uye achiuchengeta nenungo, iyeyo aanotongwa.

30 Ko ini ndiri ani andakasika munhu, vanodaro Ishe, anoti haana mhosva uyo asinga teerere mirairo yangu?

31 Ko ini ndiri ani, vanodaro Ishe, andakavimbisa asi ndorega kuzadzikisa?

32 Ndinoraira uye vanhu havateerere; andinopfudza uye havazogashira maropafadzo.

33 Zvino vanoti mumwoyo mavo: Iri harisi basa raIshe, nokuti zvivimbiso zvavo hazvina kuzadzikiswa. Asi nhamo kune vakadaro, nokuti mubairo wavo wakahwandira apasi, uye kwete kumusoro.

34 Uye zvino ndinokupai mimwe mirairo pamusoro penyika ino.

35 Ungwaru mandiri kuti muranda wangu Martin Harris anofanira kuve mufananidzo kuchechi, amukuisa mari yake pamberi pabhishopi wechechi.

36 Uye zvakare, uyu mutemo kumunhu wose anouya munyika muno kuzogashira nhaka; uye achiita nemari yake maererano nezvinotaura mutemo.

37 Uye ungwaruwo zvakare kuti kuve nenzvimbo dzinotengwa muIndependence, kuitira nzvimbo yeimba yekuchengetera, uyewo nemba ayekudhindira.

38 Uye nemimwe mirairo pamusoro pemuranda wangu Martin Harris ichapihwa kwaari neMweya, kuti agogashira nhaka yake sezvaanoda iye;

39 Uye regai atendeuke kuzvitadzo zvake, nokuti ari kutsvaka akurumbidzwa nenyika.

40 Uyewo regai muranda wangu aWilliam W. Phelps amire mubasa randamudomera, uye agotambira nhaka yake munyika;

41 Uye naiyewo anofanira kutendeuka, nokuti ini Ishe, handizi kunyatsofadzwa naye, nokuti anotsvaka kubudirira, uye haana kunyatsonyorova pamberi pangu.

42 Tarisai, uyo aakatendeuka pazvitadzo zvake, iyeyo banoregererwa, uye ini Ishe, chandizozviyeuka nariini.

43 Nezvizvi muchaziva kana munhu atendeuka kuzvitadzo zvake—tarisai, aanozvireurura uye bozvisiya.

44 Uye zvino, zvirokwazvo, ndinoti maererano nevakasara vemagosa echechi yangu, nguva haisati yasvika, kwemakore mazhinji, yekuti vagashire nhaka yavo munyika ino, kunze kwekunge vazvida kuburikidza nemunamato werutendo, sekudomwa chete kwazvichaitwa kwavari naIshe.

45 Nokuti tarisai, avachasaidzira vanhu pamwechete kubva kumiganhu yenyika.

46 Nokudaro, unganai pamwechete; uye vasina kudomwa kuti vagare munyika muno, regai vaparidze vhangeri mumaruwa akatenderedza; uye mushure mezvo regai vadzokere kumisha yavo.

47 Regai vaparidze nemunzira, uye avape uchapupu hwezvechokwadi munzvimbo dzose, uye vadaidzire kuvapfumi, vari pamusoro nevaripasi, uye nevarombo kuti vatendeuke.

48 Uye regai vavake amachechi, maererano nekutendeuka kuchaita vagari vepasi.

49 Uye regai pave nemumiririri anodomwa nezwi rechechi, kuchechi yekuOhio, kuti agotambira mari yekutengesa nzvimbo amuZioni.

50 Uye ndinopa kumuranda wangu Sidney Rigdon murairo, kuti aanyore tsananguro yenyika yeZioni, uye nemazwi echido chaMwari, sekuziviswa kwaachaitwa neMweya;

51 Uye tsamba nechiziviso, zvinoiswa kumachechi ose kuti awane mari, inofanira kuiswa mumaoko abhishopi, iye kana mumiririri, sekuona kwaanenge achiita kana sezvaanenge ataura, kutenga nzvimbo yenhaka yevana vaMwari.

52 Nokuti tarisai, zvirokwazvo ndinoti kwamuri, Ishe vanoda kuti vadzidzi nevana vevanhu vavhure mwoyo yavo, kunyangwe kutenga dunhu rose rino renyika, nokukurumidza zviri maererano nezvinotenderwa nenguva.

53 Tarisai, houno ungwaru. Regai vaite izvi potse vangazotadza kugashira anhaka, kunze kwekunge kwatodeurwa ropa.

54 Uye zvakare, sezvo nzvimbo ichinge yawanikwa, regai kugove nevashandi vechirume vakasiyana-siyana vanotumirwa kunyika ino, kuzoshandira vatendi vaMwari.

55 Regai zvinhu zvose izvi zviitwe netsika kwayo; uye itai kuti kodzero dzenzvimbo dzizivikanwe nguva nenguva, nabhishopi kana mumiririri wechechi.

56 Uye regai basa rekuungana risaitwe nekukurumbidza, kana nekumhanyidzana; asi regai riitwe sekurairwa kwazvinenge zvaitwa nemagosa echechi mumisangano, maererano neruzivo rwavanowana nguva nenguva.

57 Uye regai muranda wangu Sidney Rigdon apire nokukumikidza nyika ino, uye nepanzvimbo ayetemberi, kuna Ishe.

58 Uye regai kudaidzwe muchechi; uye mushure mezvo regai varanda vangu Sidney Rigdon naJoseph Smith, Mwana, vadzokere, uyewo naOliver Cowdery navo, kunopedzisa basa rakasara iro randakavadomera munyika mavo, uye nezvakasara asekutonga kuchaitwa nemisangano.

59 Uye ngakurege kuva nemunhu anodzokera achibva munyika ino kunze kwekunge aachipupura munzira, neizvo zvaanoziva uye zvaanotenda zvechokwadi.

60 Regai izvo zvakapihwa kuna Ziba Peterson zvitorwe kubva kwaari; uye regai amire senhengo muchechi, uye ashande nemaoko ake, nehama, kudakara aarangwa zvakakwana maererano nezvitadzo zvake zvose; nokuti haazvireurure, uye anofunga kuzvivanza.

61 Regai vakasara vemagosa echechi ino, avo varikuuya munyika muno, vamwe vacho vakaropafadzwa zvikuru kunyangwe zvinotopfuura mwero, vaitewo musangano munyika muno.

62 Uye regai muranda wangu Edward Partridge atungamire musangano wavachaita.

63 Uye regai naivowo vadzokere, vachiparidza munzira, vachipa uchapupu hwezvinhu zvinoratidzwa kwavari.

64 Nokuti, zvirokwazvo, ruzha rwakafanira kubva panzvimbo ino rwuchienda pasi pose, uye nekumativi ose enyika—vhangeri rinofanira akuparidzwa kuchisikwa chose, uye bnezviratidzo zvichitevera avo vanotenda.

65 Uye tarisai Mwanakomana weMunhu aanouya. Ameni.