Mwakoro 59
Kaotioti ae kaotaki rinanon Iotebwa Timiti te Burabeti, i Tion, Aono ae Jackson, Missouri, n Aokati 7, 1831. I mwain te kaotioti aei, te Burabeti e katabua te aba, n aron are e bon baireia te Uea, ao e katabuaki te tabo ibukin te tembora nakon tai aika na roko. Te Uea e karaoi tua aikai ni kaineti riki nakoia Aomata aika Itiaki i Tion. N te bong are e reke iai te kaotioti aei, Polly Knight, buun Joseph Knight te Ikawai, e mate, kaain te Ekaretia ae te moan ni mate i Tion. Moan kaain te Ekaretia a kabwarabwara te kaotioti bwa e “reiakinia Aomata aika Itiaki aroia ni kawakina te tabati ao a na kanga n aki mamatam ao n tataro.”
1–4, Aomata aika a Itiaki aika a kakaonimaki i Tion a na bon kakabwaiaki; 5–8, A riai n tangira ao ni beku ibukin te Uea ao ni kawakini Ana tua; 9–19, Man kawakinan Ana bong te Uea ae tabu, Aomata aika a Itiaki a na bon kakabwaiaaki n te maiu n rabwata ao te maiu n tamnei; 20–24, Anganaki te berita aomata aika a raraoi bwa e na reke irouia te rau n te aonaba aei ao n te maiu ae akea tokina n te aonaba ae e na roko.
1 Nooria, a kakabwaiaaki, e taku te Uea, ake a roko nakon te aba aei ni amata teuana nakon mimitongiu, ni kaineti ma au tua.
2 Bwa naake a maiu a na bon aabaaba n te aonaba, ao naake a bmate a na bon motirawa man aia mwakuri nako, ao aia mwakuri a na bon iriia; ao a na boni karekea te cbaunuea n ana dnne ni maeka Tamau, are I a tia ni katauraoia ibukiia.
3 Eng, a kakabwaiaaki ake a tei waeia i aon te aba ae Tion, ake a ongeaba nakon au euangkerio; bwa a na karekea bwa kanuangaia bwaai aika raraoi n te aba, ao e na kariki bwaai aika a amwaiti.
4 Ao a na bon baunaki naba ma te kakabwaia mai eta, eng, ao ma tua aika tiaki ti tabeua, ao ma akaotioti i nanon taia—naake a bkakaonimaki ao ni cbotumwaaka i matau.
5 Mangaia are, I anganiia te tua, ae e kangai; Ko na atangira te Uea ae Atuam ma bnanom ni kabanea, ma marurungim, am iango, ao korakoram ni kabane; ao ko na cbeku ibukina n aran Iesu Kristo.
6 Ko na tangira araom n ai aron tangiram i bon iroum. Ko na tai bira; ke ni cwenenibure, ke n dtiritiri, ke ni karaoi bwaai ae aekakiia nako.
7 Ko na akakaaitaua te Uea ae Atuam ni bwaai ni kabane.
8 Ko na anga te akarea nakon te Uea ae Atuam i nanon te braoiroi, are bon te nano ae uruaki ao te ctamnei ae raraoma.
9 Ao bwa kam aonga n kawakiningkami raoi man abaarekan te aonaba, ko na nakon te auti n tataro ao ni karaoi mwakuri aika tabu n au bbong ae e tabu.
10 Bwa e koaua ae aio te bong ae I a tia n rineia ibukim bwa ko na motirawa man am mwakuri nako, ao ko na aanga am nebo nakon Teuare Moan te Rietata.
11 Ma e ngae n anne ao ko na karaoi am berita nako i nanon te raoiroi ni boong nako ao n taai nako.
12 Ma uringnga bwa n te bong aei, are ana bong te Uea, ko na anga am akarea ao mwakuri aika tabu nakon Teuare Moan te Rietata, ao ni bkaoti am bure nakoia taari, ao i matan te Uea.
13 Ao n te bong aei ko na tai karaoi bwaai riki tabeua, ma ko na katauraoi kanam ma te nano ae ti teuana bwa e aonga ni kororaoi am aaki mamatam, ke, n taekinana teuana, bwa ko aonga ni kaonaki n te bkimwareirei.
14 E koaua, aio bon te aki mamatam ao te tataro, ke n taekinana teuana, te kimareirei ao te tataro.
15 Ao ngkana kam karaoi baikai ma te akakaaitau, ma bkukurein cnanomi ao moamoami, n aki karaoia ma te dngarengare ae e mwaiti, bwa bon te bure aio, ma karaoia ma te nano ae kukurei ao te moangare—
16 E koaua ae I taku, bwa ngkana kam karaoa aei, ao kaubwain te aba bon ami bwai, ma manin aon te aba ma mannikiba i karawa, ma manin kaai ao maan ake a nakonako i aon te aba;
17 Eng, ao te aroka, ma bwaai aika raraoi ake a reke man te aba, ibukin te amwarake ke te kunnikai, ke ibukin auti, ke ibukin auti ni kaikobwai, ke ibukin nne n aroka, ke ibukin on aroka n amwarake, ke ibukin nne ni kurebe;
18 Eng, bwaai ni kabane ake a reke man te aaba, n taia nako, a karaoaki ibukin kabwaiaia aomata ao buokaia, bwa a na kakukureia te mata ao te nano naba.
19 Eng, ibukin te amwarake ao ibukin te kunnikai, ibukin katoongakiia ao arokan boiia, bwa a na kakorakoraa te rabwata ao a na kamarurunga te tamnei.
20 Ao e kakukureia te Atua bwa e anga bwaai aikai ni kabane nakoia aomata; aei ibukina ngke a karaoaki ao a na kabonganaaki, ma te iango raoi, tiaki n ae e riao, ke man te kairoroaki.
21 Ao akea te bwai ae e na karaoia te aomata ae e na akauna te Atua iai, ke akea ae e na kauraki unna nakoia, ma ti naake baki kakoauai ana mwakuri ni bwaai ni kabane, ao a aki ongeaba n ana tua.
22 Nooria, e kaineti aio ma te tua ao burabeti; mangaia are, tai manga katabetabeai riki ni bwaai aikai.
23 Ma reiakinna bwa ane e karaoi mwakuri aika a araoiroi e na karekea bkanuangana, ae te crau n te aonaba aio, ao te dmaiu ae akea tokina n te aonaba ae e na roko.
24 Ngai, te Uea, I a tia n taekinna, ao te Tamnei e kaota koauana. Amen.