ພາກທີ 59
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ໃນຊີໂອນ, ເຂດແຈ໊ກສັນ, ລັດມີເຊີຣີ, ວັນທີ 7 ເດືອນສິງຫາ, 1831. ກ່ອນບັນທຶກການເປີດເຜີຍນີ້, ແຜ່ນດິນໄດ້ຖືກອຸທິດຖວາຍ, ດັ່ງທີ່ພຣະຜູ້ເປັນເຈົ້າໄດ້ແນະນຳໄວ້, ແລະ ສະຖານທີ່ສຳລັບການສ້າງພຣະວິຫານໃນອະນາຄົດໄດ້ຖືກອຸທິດ. ໃນມື້ທີ່ໄດ້ຮັບການເປີດເຜີຍນີ້, ພໍລີ ໄນ້ ພັນລະຍາຂອງໂຈເຊັບ ໄນ້, ຜູ້ພໍ່, ໄດ້ເສຍຊີວິດໄປ, ເປັນສະມາຊິກຄົນທຳອິດ ທີ່ໄດ້ເສຍຊີວິດໃນຊີໂອນ. ສະມາຊິກໃນສະໄໝເລີ່ມຕົ້ນໄດ້ອະທິບາຍລັກສະນະຂອງການເປີດເຜີຍນີ້ວ່າເປັນ “ຄຳແນະນຳແກ່ໄພ່ພົນຂອງພຣະເຈົ້າເຖິງວິທີຮັກສາວັນຊະບາໂຕ ແລະ ເຖິງວິທີຖືສິນອົດເຂົ້າ ແລະ ອະທິຖານ.”
1–4, ໄພ່ພົນຂອງພຣະເຈົ້າທີ່ຊື່ສັດໃນຊີໂອນຈະໄດ້ຮັບພອນ; 5–8, ເຂົາເຈົ້າຕ້ອງຮັກ ແລະ ຮັບໃຊ້ພຣະຜູ້ເປັນເຈົ້າ ແລະ ຮັກສາພຣະບັນຍັດຂອງພຣະອົງ; 9–19, ໂດຍການຮັກສາວັນຂອງພຣະຜູ້ເປັນເຈົ້າໃຫ້ສັກສິດ, ໄພ່ພົນຂອງພຣະເຈົ້າໄດ້ຮັບພອນທາງຮ່າງກາຍ ແລະ ທາງວິນຍານ; 20–24, ຄົນຊອບທຳໄດ້ຮັບສັນຍາວ່າຈະມີສັນຕິສຸກຢູ່ໃນໂລກນີ້ ແລະ ຊີວິດນິລັນດອນຢູ່ໃນໂລກທີ່ຈະມາເຖິງ.
1 ຈົ່ງເບິ່ງ, ພຣະຜູ້ເປັນເຈົ້າໄດ້ກ່າວ, ຄົນທີ່ຂຶ້ນມາຫາແຜ່ນດິນນີ້ເພາະການທີ່ ກເຫັນແກ່ລັດສະໝີພາບຂອງເຮົາແຕ່ຢ່າງດຽວ, ຕາມຄຳບັນຊາຂອງເຮົາ ຍ່ອມເປັນສຸກ.
2 ເພາະຄົນທີ່ມີຊີວິດຢູ່ຈະໄດ້ຮັບແຜ່ນດິນໂລກເປັນ ກມູນມໍລະດົກ, ແລະ ຄົນທີ່ ຂຕາຍໄປແລ້ວ ຈະໄດ້ພັກຜ່ອນຈາກວຽກງານທັງໝົດຂອງພວກເຂົາ, ແລະ ວຽກງານຂອງພວກເຂົາຈະຕິດຕາມພວກເຂົາໄປ; ແລະ ພວກເຂົາຈະໄດ້ຮັບ ຄມົງກຸດໃນ ງຜາສາດຂອງພຣະບິດາຂອງເຮົາ, ຊຶ່ງເຮົາໄດ້ຕຽມໄວ້ໃຫ້ພວກເຂົາແລ້ວ.
3 ແທ້ຈິງແລ້ວ, ຄົນທີ່ຕີນຂອງເຂົາຢືນຢູ່ເທິງແຜ່ນດິນຊີໂອນ, ຜູ້ທີ່ເຊື່ອຟັງຕໍ່ພຣະກິດຕິຄຸນຂອງເຮົາຍ່ອມເປັນສຸກ; ເພາະເຂົາຈະໄດ້ຮັບສິ່ງທີ່ດີຂອງແຜ່ນດິນໂລກເປັນລາງວັນ, ແລະ ມັນຈະນຳອອກມາ ກດ້ວຍກຳລັງຂອງມັນ.
4 ແລະ ພວກເຂົາຈະໄດ້ຮັບການສວມມົງກຸດດ້ວຍພອນຈາກເບື້ອງເທິງນຳອີກ, ແທ້ຈິງແລ້ວ, ແລະ ດ້ວຍບັນຍັດທີ່ບໍ່ແມ່ນໜ້ອຍ, ແລະ ດ້ວຍ ກການເປີດເຜີຍໃນເວລາທີ່ເໝາະສົມຂອງມັນ—ເຂົາເຫລົ່ານັ້ນທີ່ ຂຊື່ສັດ ແລະ ຄພາກພຽນຕໍ່ໜ້າເຮົາ.
5 ດັ່ງນັ້ນ, ເຮົາຈຶ່ງມອບບັນຍັດຂໍ້ໜຶ່ງໃຫ້ແກ່ພວກເຂົາ, ໂດຍກ່າວດັ່ງນີ້: ຈົ່ງ ກຮັກພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າດ້ວຍສຸດ ຂໃຈຂອງເຈົ້າ, ດ້ວຍສຸດພະລັງ, ຄວາມຄິດ, ແລະ ກຳລັງຂອງເຈົ້າ; ແລະ ໃນພຣະນາມຂອງພຣະເຢຊູຄຣິດ ໃຫ້ເຈົ້າ ຄຮັບໃຊ້ພຣະອົງ.
6 ຈົ່ງຮັກ ກເພື່ອນມະນຸດເໝືອນຮັກຕົນເອງ. ຢ່າ ຂລັກ; ທັງຢ່າ ຄຫລິ້ນຊູ້, ທັງຢ່າ ງຂ້າຄົນ, ຫລື ເຮັດສິ່ງໃດໆທີ່ຄ້າຍຄືກັນນັ້ນ.
7 ຈົ່ງ ກຂອບພຣະໄທພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າໃນທຸກສິ່ງ.
8 ຈົ່ງຖວາຍ ກເຄື່ອງບູຊາແດ່ພຣະຜູ້ເປັນເຈົ້າອົງເປັນພຣະເຈົ້າຂອງເຈົ້າໃນ ຂຄວາມຊອບທຳ, ແມ່ນແຕ່ດ້ວຍໃຈທີ່ຊອກຊ້ຳ ແລະ ຄວິນຍານທີ່ສຳນຶກຜິດ.
9 ແລະ ເພື່ອວ່າເຈົ້າຈະສາມາດຮັກສາຕົນເອງໃຫ້ ກປາດສະຈາກມົນທິນຂອງໂລກໄດ້ຫລາຍກວ່າເກົ່າ, ຈົ່ງໄປຍັງບ້ານແຫ່ງການອະທິຖານ ແລະ ຖວາຍສິນລະລຶກຂອງເຈົ້າໃນ ຂວັນສັກສິດຂອງເຮົາ;
10 ເພາະຕາມຈິງແລ້ວ ນີ້ຄືມື້ທີ່ກຳນົດໄວ້ໃຫ້ເຈົ້າເພື່ອພັກຜ່ອນຈາກວຽກງານຂອງເຈົ້າ, ແລະ ເພື່ອ ກສະແດງຄວາມຈົງຮັກພັກດີແດ່ພຣະຜູ້ສູງສຸດ;
11 ເຖິງຢ່າງໃດກໍຕາມ ຈົ່ງຖວາຍຄຳປະຕິຍານຂອງເຈົ້າໃນຄວາມຊອບທຳທຸກມື້ ແລະ ທຸກເວລາ;
12 ແຕ່ຈົ່ງຈື່ຈຳໄວ້ວ່າໃນມື້ນີ້, ວັນຂອງພຣະຜູ້ເປັນເຈົ້າ, ຈົ່ງຖວາຍ ກເຄື່ອງບູຊາຂອງເຈົ້າ ແລະ ສິນລະລຶກຂອງເຈົ້າແດ່ພຣະຜູ້ສູງສຸດ, ຂສາລະພາບບາບຂອງເຈົ້າຕໍ່ອ້າຍນ້ອງຂອງເຈົ້າ, ແລະ ຕໍ່ພຣະພັກຂອງພຣະຜູ້ເປັນເຈົ້າ.
13 ແລະ ໃນມື້ນີ້ ຈົ່ງຢ່າເຮັດສິ່ງອື່ນ, ພຽງແຕ່ໃຫ້ອາຫານຂອງເຈົ້າຖືກຈັດຕຽມດ້ວຍໃຈທີ່ເຫັນແກ່ພຣະອົງເທົ່ານັ້ນ ເພື່ອວ່າການ ກຖືສິນອົດເຂົ້າຂອງເຈົ້າຈະສົມບູນ, ຫລື ອີກຄຳໜຶ່ງ, ເພື່ອ ຂຄວາມຊື່ນຊົມຂອງເຈົ້າຈະເຕັມປ່ຽມ.
14 ຕາມຈິງແລ້ວ, ນີ້ເປັນການຖືສິນອົດເຂົ້າ ແລະ ການອະທິຖານ, ຫລື ອີກຄຳໜຶ່ງ, ການປິຕິຍິນດີ ແລະ ການອະທິຖານ.
15 ແລະ ຕາບໃດທີ່ເຈົ້າເຮັດສິ່ງເຫລົ່ານີ້ດ້ວຍ ກຄວາມຂອບພຣະໄທ, ດ້ວຍ ຂໃຈ ແລະ ໃບໜ້າ ຄທີ່ຊື່ນບານ, ບໍ່ແມ່ນ ດ້ວຍສຽງ ງຫົວເຮຮາ, ເພາະນີ້ເປັນບາບ, ແຕ່ດ້ວຍຄວາມຍິນດີໃນໃຈ ແລະ ໃບໜ້າທີ່ຊື່ນບານ—
16 ແທ້ຈິງແລ້ວ ເຮົາກ່າວວ່າ ຕາບໃດທີ່ເຈົ້າເຮັດສິ່ງນີ້, ຄວາມສົມບູນຂອງແຜ່ນດິນໂລກຈະເປັນຂອງເຈົ້າ, ສັດໃນທົ່ງ ແລະ ນົກໃນອາກາດ, ແລະ ສິ່ງທີ່ໄຕ່ຂຶ້ນຕົ້ນໄມ້ ແລະ ຍ່າງຢູ່ເທິງແຜ່ນດິນໂລກ;
17 ແທ້ຈິງແລ້ວ, ແລະ ສະໝຸນໄພ, ແລະ ສິ່ງທີ່ດີ ຊຶ່ງເກີດຈາກແຜ່ນດິນໂລກ, ບໍ່ວ່າຈະເປັນເພື່ອອາຫານ ຫລື ເພື່ອເຄື່ອງນຸ່ງຫົ່ມ, ຫລື ເພື່ອບ້ານເຮືອນ, ຫລື ເພື່ອເລົ້າ, ຫລື ເພື່ອສວນໝາກໄມ້, ຫລື ເພື່ອສວນຜັກ, ຫລື ເພື່ອສວນອະງຸ່ນ;
18 ແທ້ຈິງແລ້ວ, ທຸກສິ່ງທີ່ເກີດຈາກ ກແຜ່ນດິນໂລກ, ໃນລະດູຂອງມັນ, ໄດ້ເກີດຂຶ້ນເພື່ອເປັນປະໂຫຍດ ແລະ ເພື່ອການໃຊ້ສອຍຂອງມະນຸດ, ທັງເພື່ອເປັນສິ່ງປະທັບຕາ ແລະ ຍິນດີໃນໃຈນຳອີກ;
19 ແທ້ຈິງແລ້ວ, ເພື່ອເປັນອາຫານ ແລະ ເປັນເຄື່ອງນຸ່ງຫົ່ມ, ເພື່ອລົດຊາດ ແລະ ເພື່ອກິ່ນ, ເພື່ອເພີ່ມກຳລັງໃຫ້ຮ່າງກາຍ ແລະ ເພື່ອເຮັດໃຫ້ຈິດວິນຍານມີຊິວິດຊີວາ.
20 ແລະ ມັນເປັນສິ່ງພໍພຣະໄທຕໍ່ພຣະເຈົ້າທີ່ພຣະອົງໄດ້ປະທານສິ່ງເຫລົ່ານີ້ທັງໝົດໃຫ້ແກ່ມະນຸດ; ເພາະທຸກສິ່ງໄດ້ຖືກສ້າງຂຶ້ນເພື່ອໃຫ້ໃຊ້ສອຍ, ດ້ວຍການພິຈາລະນາ, ບໍ່ໃຫ້ເກີນຂອບເຂດ, ທັງບໍ່ແມ່ນໂດຍການຂົ່ມຂູ່ກັນ.
21 ແລະ ບໍ່ມີສິ່ງໃດທີ່ມະນຸດຈະເຮັດໃຫ້ພຣະເຈົ້າ ກຂຸ່ນເຄືອງ, ຫລື ເຮັດໃຫ້ພຣະອົງພຣະພິໂລດຕໍ່ຜູ້ໃດ, ຍົກເວັ້ນແຕ່ຜູ້ທີ່ ຂບໍ່ສາລະພາບວ່າພຣະຫັດຂອງພຣະອົງຢູ່ໃນທຸກສິ່ງທັງປວງ, ແລະ ບໍ່ເຊື່ອຟັງຕໍ່ພຣະບັນຍັດຂອງພຣະອົງ.
22 ຈົ່ງເບິ່ງ, ນີ້ເປັນໄປຕາມກົດ ແລະ ຕາມສາດສະດາ; ດັ່ງນັ້ນ, ຢ່າລົບກວນເຮົາອີກກ່ຽວກັບເລື່ອງນີ້.
23 ແຕ່ຈົ່ງຮຽນຮູ້ວ່າ ຄົນທີ່ເຮັດວຽກງານແຫ່ງ ກຄວາມຊອບທຳຈະໄດ້ຮັບ ຂລາງວັນຂອງເຂົາ, ແມ່ນແຕ່ ຄສັນຕິສຸກໃນໂລກນີ້, ແລະ ງຊີວິດນິລັນດອນໃນໂລກທີ່ຈະມາເຖິງ.
24 ເຮົາ, ພຣະຜູ້ເປັນເຈົ້າ, ກ່າວມັນໄວ້ດັ່ງນີ້, ແລະ ພຣະວິນຍານໄດ້ເປັນພະຍານ. ອາແມນ.