1 Indro lazaiko aminao, fa satria efa naniry vavolombelona avy Amiko i ^aMartin Harris mpanompoko, fa ianao Joseph Smith zanany mpanompoko dia efa nahazo ireo ^btakelaka izay efa nijoroanao ho vavolombelona sy efa naha-vavolombelona nanambara anao fa efa noraisinao Tamiko ireo;

2 Dia ankehitriny indro, izao no holazainao azy—Izy Ilay niteny taminao dia nilaza taminao hoe: Izaho Tompo no Andriamanitra, ary efa nanome anao ireto zavatra ireto Aho, ry Joseph Smith zanany mpanompoko, ka efa nandidy anao ny hijoroanao ho ^avavolombelona ny amin’ireto zavatra ireto;

3 Ary efa nataoko izay hanaovanao fanekempihavanana Tamiko, fa tsy hampiseho azy ireo ianao raha tsy amin’ireo ^aolona izay nandidiako anao ireo; ary tsy ^bmanan-kery aminy ianao raha tsy Izaho no manome anao izany.

4 Ary anananao ny fanomezam-pahasoavana handika ny takelaka; ary izany no fanomezam-pahasoavana voalohany nomeko anao; ary efa nodidiako ny tsy hikatsahanao ny hanan-jo amin’ny fanomezam-pahasoavana hafa raha tsy efa tontosa ny tanjoko amin’izany; satria tsy homeko anao ny fanomezam-pahasoavana hafa raha tsy efa vita izany.

5 Lazaiko aminao marina tokoa, fa loza no hanjo ny mponin’ny tany raha ^atsy te hihaino ny teniko izy;

6 Fa ^ahatokana ianao any aoriana ary handeha sy hanambara ny ^bteniko amin’ny zanak’olombelona.

7 Indro, raha tsy te ^ahino ny teniko izy, dia tsy hino anao izy ry Joseph mpanompoko, raha toa aza ka ho azo natao ny hanehoanao aminy ireto zavatra rehetra izay efa nankiniko taminao ireto.

8 O, ity taranaka ^atsy mpino sy ^bmafy hatoka ity—mirehitra aminy ny fahatezerako.

9 Indro, lazaiko aminao marina tokoa, efa ^anotehiriziko ireo zavatra izay efa nankiniko taminao ireo ry Joseph mpanompoko, noho ny fikasana hendry ao Amiko, ary hampahafantarina ny taranaka ho avy izany;

10 Fa ity taranaka ity dia hahazo ny teniko amin’ny alalanao;

11 Ary ho fanampin’ny tenivavolombelonao, ny ^atenivavolombelon’ny telo amin’ireo mpanompoko izay hantsoiko sy hatokako, izay hanehoako ireto zavatra ireto, ary dia handeha izy ireo miaraka amin’ny teniko izay omena amin’ny alalanao.

12 Eny, ho fantany marina tokoa fa marina ireto zavatra ireto, fa avy any an-danitra no hanambarako izany aminy.

13 Homeko hery izy ireo mba hahazoany mijery sy mibanjina ireto zavatra ireto araka izao endriny izao;

14 Ary ^atsy misy olon-kafa homeko ity hery ity handraisana io tenivavolombelona io eo anivon’ity taranaka ity, amin’izao fiandohan’ny fitsanganana sy fivoahan’ny ^bfiangonako avy ao an-tany foana izao—mangoratsaka toy ny ^dvolana sy mamirapiratra toy ny masoandro ary mahatahotra toy ny antokon-tafika mitondra faneva.

15 Ary halefako ny tenivavolombelon’ireo ^avavolombelona telo ny amin’ny teniko.

16 Ary indro, na zovy na zovy no ^amino ny teniko, dia izy no ^bhovangiako amin’ny ^dfanehoana ny ^efanahiko; ary ^fhaterako izy, dia amin’ny rano sy ny Fanahy—

17 Ary tsy maintsy miandry kely aloha ianao satria tsy mbola ^avoatokana—

18 Ary hivoaka koa ny tenivavolombelony ho ^afanamelohana ity taranaka ity, raha manamafy ny fony amin’izany izy;

19 Fa hivoaka eo anivon’ny mponin’ny tany ny ^aantambo mahafadiranovana ary hitohy ombieny ombieny ny fampidinana izany, raha tsy ^bmibebaka izy, ambara-pahatongan’ny tany ho ^dfoana, ary ny mponina ao aminy ho levona sy ho fongotra tanteraka amin’ny famirapiratan’ny ^efiaviako.

20 Indro, lazaiko anao ireto zavatra ireto, tahaka ny ^anilazako tamin’ny olona koa ny amin’ny fandravana an’i Jerosalema; ary ho voamarina ny ^bteniko amin’izao fotoana izao toy ny efa naha voamarina azy hatrizao.

21 Ary ankehitriny, mandidy anao Aho, ry Joseph mpanompoko, hibebaka sy handeha araka ny hitsiny kokoa eo anoloako ary tsy hilefitra intsony amin’ny fandresen-dahatry ny olona;

22 Ary mba ho hentitra ianao amin’ny ^afitandremana ny didy izay efa nandidiako anao; ary raha ataonao izany, dia indro omeko anao ny fiainana mandrakizay, na dia ^bhovonoina aza ianao.

23 Ary ankehitriny teneniko indray aminao, ry Joseph mpanompoko, ny momba ilay ^alehilahy izay maniry vavolombelona—

24 Indro, lazaiko aminy, manandra-tena izy ary tsy ampy fanetrentena eo anoloako; fa raha miankohoka eo anoloako izy ary manetry tena amin’ny faherezana mivavaka sy ny finoana mahery, amin’ny fahitsian’ny fony, dia hotoviko aminy ny ^afahitana ny zavatra izay iriany ho hita.

25 Ary avy eo dia hilaza amin’ny olon’ity taranaka ity izy hoe: Indro, efa hitako ireo zavatra izay efa nasehon’ny Tompo an’i Joseph Smith zanany, ary ^afantatro marina tokoa fa marina ireo, satria efa hitako ireo, fa efa naseho ahy ireo tamin’ny herin’ Andriamanitra fa tsy tamin’ny an’ny olona.

26 Ary Izaho Tompo dia mandidy azy, Martin Harris mpanompoko, mba tsy hilazany amin’izy ireo intsony ny momba ireto zavatra ireto afa-tsy ny hilazany hoe: Efa hitako ireo, ary efa naseho ahy ireo tamin’ny herin’ Andriamanitra; ary ireo teny ireo no holazainy.

27 Nefa raha laviny izany, dia horavany ny fanekempihavanana izay efa nifanekeny taloha Tamiko, ary indro, voaheloka izy.

28 Ary ankehitriny, raha tsy manetry tena izy ary miaiky Amiko ny zavatra izay efa nataony izay diso, ary mifanaiky Amiko fa hotandremany ny didiko ary hampihariny ny finoana Ahy, dia indro, lazaiko azy fa tsy hanana fahitana toy izany izy, satria tsy hotoviko aminy ny fahitana ny zavatra izay efa noteneniko.

29 Ary raha izany no mitranga, dia mandidy anao Aho, ry Joseph mpanompoko, hilaza aminy mba tsy hanaovany na inona na inona intsony, na hanelingelenany Ahy intsony momba ity zavatra ity.

30 Ary raha izany no mitranga, dia indro, lazaiko aminao ry Joseph, rehefa avy mandika takila misimisy kokoa ianao dia hijanona mandritra ny fotoana fohy, ambara-piteniko aminao indray; avy eo dia mahazo mandika indray ianao.

31 Ary raha tsy manao izany ianao, dia indro, tsy hanana fanomezam-pahasoavana intsony ianao ary hoesoriko hiala ny zavatra izay efa nankiniko taminao.

32 Ary ankehitriny, satria efa tsinjoko ny fijokoana mba hamongorana anao, eny, efa tsinjoko fa raha tsy manetry tena i Martin Harris mpanompoko ka tsy mandray ny vavolombelona avy Amiko, dia ho lavo ao amin’ny fandikan-dalàna izy;

33 Ary misy maro izay mijoko mba ^ahamongotra anao tsy ho eto ambonin’ny tany; ary noho izao antony izao, mba hahalava ny andronao no efa nanomezako ireto didy ireto.

34 Eny, noho izany antony izany no efa nilazako hoe: Mijanòna ary mamitsaha ambara-pandidiako anao, dia ^ahomeko ireo fitaovana izay hahazoanao manatontosa ny zavatra izay efa nandidiako anao ianao.

35 Ary raha ^amahatoky amin’ny fitandremana ny didiko ianao dia ^bhasandratra amin’ny andro farany. Amena.