iVolanikalou
Vunau kei na Veiyalayalati 60


Wase 60

Na veika sa vakatakilai yani mai vei Josefa Simici na Parofita, mai Inidipenideni, ena yasayasa vaka-Jekesoni e Misuri ena 8 ni Okosita, 1831. Ena gauna oqo era gadreva tiko kina o ira na italatala qase era a lako ki na Yasayasa vaka-Jekesoni ka laki vakaitavi ena kena vakatabui na qele kei na vanua me tara kina na valetabu me ra kila na veika me caka.

1–9, Me ra vunautaka na kosipeli ko ira na italatala qase ki na nodra ivavakoso na tamata caka ca; 10–14, Me ra kakua ni vakaoti gauna wale, se buluta na nodra taledi; 15–17, Me ra savata na yavadra me ivakadinadina vei ira era sa cata na kosipeli.

1 Raica, sa kaya vakaoqo na Turaga vei ira na italatala qase ni nona lotu, io ko ira me ra na lesu kusarawa yani ki na vanua era a dui cavutu mai kina: Raica, au sa marautaka dina na nomudou lako mai ki ke;

2 Ia au sa sega talega ni marautaka eso vei kemudou, ni ra sega ni dolava na agusudra, ia era bvunitaka na taledi au sa solia vei ira, ena nodra crerevaka na tamata. Ena ca vei ira oqo, ni na tau vei ira na noqu cudru.

3 Ka na qai yaco, kevaka era na sega ni yalodina vakalevu cake vei au, ena akau tani mai vei ira, io na veika mada ga sa tu rawa vei ira.

4 Ni koi Au na Turaga; au sa lewa na lomalagi e cake, ka vakakina vei ira na amataivalu ni vuravura; ia ena siga au na kumuni ira kina na noqu biyau talei, era na qai kila na tamata kecega na veika sa vakatakilai kina na kaukauwa ni Kalou.

5 Ia, au na vosa vakaidina mada vei kemudou, ena veika e baleta na nomudou ilakolako lesu ki na vanua dou a cavutu mai kina. Me ta se voli e dua na waqa, dou lewa ga na ka mo dou kitaka, e sega ni dua na ka vei au, ia mo dou lako kusarawa ga ki na vanua ko Seni Loisi.

6 Ia mai kea me ratou qai cavutu sara ko Sidini Rikitoni, Josefa Simici Lailai, kei Oliva Kaudari na noqu tamata, ka lako yani ki Sinisinati;

7 Ia mai na vanua koya me ratou qai tabalaka cake na domodratou ka kacivaka na noqu vosa ena domoilevu, me kakua ena cudru se lomalomarua, dou dulaka cake vei ira na ligamudou savasava. Ni sa rawa me’u qisi kemudou mo dou asavasava, ka bvosota tale ga na nomudou ivalavala ca.

8 Ia ko ira na kena vo me ra qai lakolako yarua yani mai Seni Loisi, me ra kakua ni vakusakusa ena nodra vunautaka na noqu vosa ki na nodra ivavakoso na tamata dau caka ca, me yacova ni ra sa lesu yani ki na isoqosoqo lewenilotu era dui cavutu mai kina.

9 Ia na veika kece oqo me vinaka kina na veisoqosoqo lewenilotu; ni sai koya oqori na inaki ni noqu talai ira yani.

10 Ia me na solia ko aEtuwate Patereji na noqu tamata na ilavo ka’u sa solia vua, e dua na iwase vei ira na noqu italatala qase au sa lewa me ra lesu tale;

11 Ia ko ira era sa rawa ni sauma tale na ilavo oqori, me ra qai sauma lesu vua na itini; ia vei ira era sega ni rawata, me sa rauta ga.

12 Ia oqo au na vosa mada ena vukudra na kena vo ka ra na qai lako mai ki na vanua oqo.

13 Raica, era sa talai yani me ra vunautaka na noqu kosipeli ena kedra maliwa na nodra ivavakoso na dau caka ca; ia, sa vakaoqo na noqu ivakaro vei ira: Dou kakua ni la’ki avakawelewele se vakaoti gauna wale ga se vunia na nomudou btaledi me kakua kina ni kilai.

14 Ia ni dou sa yaco mai ki na vanua ko Saioni, ka dou sa tukuna yani na noqu vosa, mo dou qai lesu kusarawa ka la’ki tukuna na noqu vosa ki na nodra ivavakoso na dau caka ca, ia me kakua ni vakusakusataki, se vakayacori ena acudru se ena yalo ni veileti.

15 Dou kuretaka laivi na akuvu ni soso mai na yavamudou vei ira sa sega ni ciqomi kemudou, ia dou kakua ni kitaka me ra raica, de dou na vakacudrui ira, ia me caka vuni ga; ka savata sara na yavamudou, me ivakadinadina ni nodra beitaki ena siga ni veilewai.

16 Raica, sa rauti kemudou oqo, sai koya oqo na nona lewa ko koya sa talai kemudou.

17 Ia ena qai tukuni mai ena gusui Josefa Simici Lailai, na noqu tamata me kilai na veika me baleti rau ko Sidini Rikitoni kei Oliva Kaudari. Ena qai tukuni malua na ka e baleti ira na kena vo. Ia ena yaco vakakina. Emeni.