Jekjōn 60
Revelesōn letok kōn Josep Smith Rikanaan eo, ilo Independence, Jackson Kounty, Missouri, O̧kwōj 8, 1831. Ilo tōre jab in elder ro rekar etal n̄an Jackson Kounty im bōk kwonaer ilo aje eo an bwidej eo im ijo tampeļ eo enaaj jutak ie rekar kōnan jeļā ta eo ren kōm̧m̧ane.
1–9, Elder ro ren kwaļo̧k gospel eo ilo jarlepju in rijar ko an ro renana; 10–14, Ren jab pād bajjek kōn iien ko aer, ak kalbwin kapeel ko aer; 15–17, Remaron̄ kwaļo̧k neer āinwōt juon naan in kam̧ool ņae ro rej jab bōk gospel eo.
1 Lo, āindein Irooj ej ba n̄an elder ro an kabun̄ eo An, ro rej itōn ro̧o̧l m̧ōkaj n̄an āneo jān e rekar itok: Lo, ej kam̧ōņōņōik Eō, bwe kom̧ ar itok ijin;
2 Ak ippān jet Ij jab m̧ōņōņō, bwe reban kōpeļļo̧k alo̧n̄ier, ak rej bņooje kapeel eo me Iaar leļo̧k n̄an er, kōnke cremijak armej. Wo n̄an rein, bwe Aō illu urur ņae er.
3 Im e naaj waļo̧k, eļan̄n̄e ej jab ļapļo̧k aer tiljek n̄an Eō, naaj abōkļo̧k e, em̧ool men eo ewōr ippāer.
4 Bwe N̄a, Irooj, ij irooj ilo lan̄ ko ilōn̄, im ilubwiljin ajar in tariņae ko an laļ; im ilo raan eo n̄e Inaaj jokāālete bdekā aorōk ko Aō, armej otemjej renaaj jeļā ta eo ej kam̧ool kōn kajoor eo an Anij.
5 Ak, em̧ool, Inaaj ekkōnono n̄an kom̧ kōn ito-itak eo ami n̄an āneo jān ijo kom̧ ar itok jān e. En kōm̧m̧an juon wa, ak wiaiki, āinwōt n̄e em̧m̧an n̄an kom̧, ej jab mennin kainepataik Eō, im bōk ito-itak eo ami m̧ōkaj n̄an jikin eo me etan ej St. Louis.
6 Im jān ijeņ kōtļo̧k ro rikarejera, Sidney Rigdon, Josep Smith, Jun., im Oliver Cowdery, bwe ren bōk ito-itak eo aer n̄an Cincinnati;
7 Im ilo jikin in ren kotak ainikier im kwaļo̧k naan eo Aō kōn ainikien ko reļļaaj, ilo ejjeļo̧k illu ak pere, kotaki pā ko rekwōjarjar ioer. Bwe N̄a imaron̄ kōm̧m̧an bwe kom̧in aekwōjarjar, im jero̧wiwi ko ami em̧ōj bjeoriļo̧k jān kom̧.
8 Im kōtļo̧k bwe in jar in ren bōk ito-itak eo aer jān St. Louis, ruo ian ruo ian, im kwaļo̧k naan eo, jaab ilo kaiur, ilubwiljin jarlepju in rijar ko an ro renana, m̧ae aer ro̧o̧l n̄an jarlepju in rijar ko jān ijo rekar itok jān i.
9 Im aolep men in n̄an em̧m̧an eo an jarlepju in rijar ko; bwe kōn kōttōpar in Iaar jilkinļo̧k er.
10 Im kōtļo̧k rikarejera aEdward Partridge bwe en leļo̧k m̧ani ko me iaar liļo̧k n̄an e, m̧ōttaer n̄an elder ro Aō ro kar jiron̄ er n̄an bar ro̧o̧l;
11 Im eo emaron̄, kōtļo̧k bwe en kōro̧o̧l e tok kōn iaļan juon riņa ainikier; im eo ej jab, jān e ej jab mennin aikuj.
12 Im kiiō Ij ekkōnono kōn bwe eo in ro im rej itōn itok n̄an āniin.
13 Lo, em̧ōj kar jilkinļo̧k er n̄an kwaļo̧k naan kōn gospel eo Aō ilubwiljin jarlepju in rijar ko an ro renana; kōn menin, Ij leļo̧k n̄an er juon kien, āindein: Kom̧in jab apād bajjek kōn iien ko ami, im jab kalbwini bkapeel ko ami bwe ren jab jeļā kake.
14 Im ālikin ami wanlōn̄tak n̄an āneen Zaion, im kar kabun̄bun̄ļo̧k naan eo Aō, kom̧in m̧ōkaj im ro̧o̧l, kabun̄bun̄ļo̧k naan eo Aō ilubwiljin jarlepju in rijar ko an ro renana, jaab ilo kaiur, im jab ilo aillu ak kōn aitwerōk.
15 Im pikpikūrļo̧k abūn̄aln̄al eo jān neemi ņae ro rej jab bōk kom̧, jab im̧aan mejaer, n̄e kom̧ ab ļōkatipi er, ak ilo ittino; im kwaļe neemi, āinwōt juon naan in kam̧ool ņae er ilo raan in ekajet eo.
16 Lo, ebwe men in n̄an kom̧, im en̄in ankilaan Eo eaar jilkinļo̧k kom̧.
17 Im jān lo̧n̄iin rikarejera Josep Smith, Jun., e naaj alikkar kōn Sidney Rigdon im Oliver Cowdery. Bwein jar in tokālik. Em̧ool āindein. Amen.