Tusitusiga Paia
Mataupu Faavae ma Feagaiga 60


Vaega 60

Faaaliga na tuuina mai e ala mai ia Iosefa Samita le Perofeta, i Initipene, i le Itumalo o Siakisone, Misuri, i le aso 8 o Aukuso, 1831. I le tulaga lenei, o toeaina, o e na malaga atu i le Itumalo o Siakisone ma auai i le faapaiaga o le laueleele ma le nofoaga mo le malumalu, na mananao ia iloa mea e ao ona latou faia.

1–9, E tatau i toeaina ona talai atu le talalelei i faapotopotoga a e ua amioleaga; 10–14, E lē tatau ona latou faama’umau lo latou taimi, pe tanu a latou taleni; 15–17, E mafai ona mulumulu o latou vae o se molimau e faasaga ia te i latou o e e teena le talalelei.

1 Faauta, ua faapea ona fetalai mai o le Alii i toeaina o lana ekalesia, o e ua tatau ona vave foi atu i le laueleele na latou o mai ai: Faauta, ua Ou fiafia lava, ona ua outou o mai i luga nei;

2 Ae ua Ou lē fiafia i ni isi, ona ua latou lē tatalaina o latou agutu, ae ua latou enatia taleni ua Ou tuu atu ia te i latou, ona o le ifefefe i tagata. Oi talofa i e faapea, ona ua sasao a’e lo’u ita e faasaga ia te i latou.

3 Ma o le a oo mai, afai latou te lē faamaoni tele mai ia te a’u, o le a aaveesea mai, e oo lava i mea ia ua ia te i latou.

4 Aua o A’u, o le Alii, ua pule i le lagi i lugā, ma i totonu o aautau o le lalolagi; ma i le aso o le a ’Ou faaputuputu ai a’u emaa tāua, o le a iloa ai e tagata uma mea e faaalia ai le mana o le Atua.

5 Ae, e moni, o le a Ou tautala atu ia te outou e faatatau i la outou malaga atu i le laueleele na outou o mai ai. Ia i ai se vaa e faia, pe faatau mai, e pei ona lelei ia te outou, ua lē afaina ia te a’u, ma faavave ona alu atu o la outou malaga i le nofoaga lea ua ta’ua o Sagato Luisi.

6 Ma mai iina, ia tuu atu i a’u auauna, o Sini Rikitone, Iosefa Samita, Le Itiiti, ma Oliva Kaotui, e alu la latou malaga i Sinisinati;

7 Ma i le nofoaga lenei, ia tuu atu ia te i latou e siitia a’e i luga o latou leo ma talai atu la’u upu ma leo leotetele, e aunoa ma le ita po o le masalosalo, ma siitia a’e i luga lima paia i luga o i latou. Aua e mafai ona Ou faia outou ia apaia, ma ua efaamagaloina a outou agasala mai ia te outou.

8 Ma ia tuu atu ia i latou o totoe e alu atu la latou malaga mai St. Louis, taitoalua, ma talai atu le upu, e lē faanatinatia, i totonu o faapotopotoga a e ua amioleaga, seia latou toe foi atu i aulotu na latou o mai ai.

9 Ma o nei mea uma ua mo le lelei o aulotu; ona o le faamoemoe lea ua Ou auina atu ai i latou.

10 Ma ia tuu atu i la’u auauna o aEteuati Paterika e vavae atu se vaega o le tupe na Ou tuuina atu ia te ia, i a’u toeaina o e ua poloaiina e foi atu;

11 Ma o ia o lē e mafaia, ia tuu atu ia te ia e toe faafoi mai e ala mai i le sui; ae o ia o lē e lē mafaia, ua lē manaomia mai ia te ia.

12 Ma o lenei, Ou te tautala atu e faatatau ia i latou o totoe o e e o mai i lenei laueleele.

13 Faauta, na auina atu i latou e talai atu la’u talalelei i totonu o faapotopotoga a e ua amioleaga; o le mea lea, Ou te tuu atu ai ia te i latou se poloaiga, e faapea: Aua e te afaama’umauina lou taimi, pe e te natia lau etaleni ina ia lē iloa.

14 Ma a uma ona e sau i luga i le laueleele o Siona, ma uma ona e folafola atu o la’u upu, ia vave ona e foi atu, ma folafola atu la’u upu i faapotopotoga a e ua amioleaga, ia lē faanatinatia, pe i le aita po o le fefinauai.

15 Ma ia lulu ese le aefuefu o ou vae e faasaga ia te i latou o e latou te lē talia oe, ia lē faia i o latou luma, ne’i e faaonoono ia te i latou, ae i se mea lilo; ma mulumulu ou vae, o se molimau e faasaga ia te i latou i le aso o le faamasinoga.

16 Faauta, ua lava nei mea mo outou, ma o le finagalo lea o lē ua auina atu outou.

17 Ma o le fofoga o la’u auauna o Iosefa Samita, Le Itiiti, o le a faailoa atu ai e faatatau ia Sini Rikitone ma Oliva Kaotui. O le vaega o totoe i se taimi o mulimuli mai. E faapea lava. Amene.