Koroboki Aika Tabu
Reirei ao Berita aika Tabu 61


Mwakoro 61

Kaotioti ae kaotaki rinanon Iotebwa Timiti te Burabeti, n te aba i etan te Karaanga are Missouri, ae McIlwaine’s Bend, n Aokati 12, 1831. I nanon mwanangaia n oki nako Kirtland, te Burabeti ao tengaun unimwaane a mwananga n te Karaanga are Missouri n taian waa. N aia katenibong ni mwananga, a mwaiti taian kanganga aika a rinanoi. Te Unimwaane ae William W. Phelps, n te kaotioti n ootan te ngaina, e noora te tia urubwai ae buti ma te mwaaka i aon taian ran.

1–12, E tua te Uea taian urubwai aika mwaiti i aon te ran; 13–22, E kamaraiaaki te ran iroun Ioane, ao te tia urubwai e buti i aoia; 23–29, Tabeman iai mwaakaia n taua mwiin raan; 30–35, Unimwaane a riai ni mwananga ni kakauoman ao n tataekina te euangkerio; 36–39, A riai ni katauraoi ibukin rokon Natin te Aomata.

1 Nooria, ao ongora nakon bwanaan teuare iai irouna amwaaka ni kabane, are man akea tokina nakon akea tokina, te bArebwa ao te Omeka, te moan ao te kabane.

2 Nooria, e koaua ae taku te Uea nakoimi, O ngkami unimwaanen au ekaretia, are kam ikotaki n te tabo aei, are a kabwaraaki ami bure, bwa Ngai, te Uea, I akabwarai bure, ao I bnanoanga nakoia naake a ckaoti aia bure ma te nano ae nanorinano;

3 Ma e koaua ae I tuangkami, bwa e aki kainanoaki te botaki ni unimwaane ae bwanin aei bwa a na mwananga ni katawe i aon te ran, ngkai kaain itera aika uoua a mate n aki kakoaua.

4 E ngae n anne, I kariaia bwa kam aonga ni kaota koauana; nooria, a mwaiti taian kanganga i aon taian ran, ao a na mwaiti riki n taai aika a na roko;

5 Bwa Ngai, te Uea, I a tia n tua n oin unin urubwai aika mwaiti i aon taian ran; eng, ao riki i aon raan aikai.

6 E ngae n anne, rabwata ni kabane a mena i nanon baiu, ao ane e kakaonimaki i buakomi e na aki mate n taian ran.

7 Mangaia are, e riai bwa au tia mwakuri ae Sidney Gilbert ao au tia mwakuri ae aWilliam W. Phelps ni katawe n aia mwakuri ao aia mition.

8 E ngae n anne, I aki kariaia bwa kam na maenako ni karokoa kam akatuaeaki ibukin ami bure ni kabane, bwa kam aonga ni katiteuanaaki, bwa kam aonga n aki mate n te bbuakaka;

9 Ma ngkai, e koaua ae I taku, e riai irou bwa kam na maenako. Mangaia are a riai au taan mwakuri aika Sidney Gilbert ao William W. Phelps n nako ma raoia ake mai i mwaaina, ao a riai ni mwananga ni katawe bwa aonga ni kakoroa bukin aia mition, ao rinanon te onimaki a na tokanikai;

10 Ao ngkana a teimatoa ni kakaonimaki a na kawakinaki, ao Ngai, te Uea, N na memena irouia.

11 Ao a riai nikiraia n anai ake a kainanoi ibukin kunnikaia.

12 E riai au tia mwakuri ae Sidney Gilbert n anai ake a aki kainanoi ma ngaia, n aron ae kam boraraoi iai.

13 Ao ngkai, nooria, ibukina bwa e araoiroi ibukim I anganiko te btua ni kaineti ma bwaai aikai; ao Ngai, te Uea, N na marooro ma ngkoe n ai aroia aomata n taai ake ngkoa.

14 Nooria, Ngai, te Uea, n te moan tai I kakabwaiai taian aran; ma ni boong aika kaitira, man wiin au tia mwakuri ae Ioane, I bkamaraiaa te ran.

15 Mangaia are, a na roko boong are akea te rabwata ae e na mano i aon taian ran.

16 Ao e na taekinaki n taai aika a na roko bwa akea ae e na kona n nako nakon aban Tion i aon taian ran, ma tii ane e raoiroi.

17 Ao, ngkai Ngai, te Uea, n te moan tai I akamaraia te aba, ma ni boong aika kaitira N na kakabwaia, n te tai ae riai, ibukin kabonganakina irouia au aomata aika itiaki, bwa a aonga ni kana nenean te aba.

18 Ao ngkai I anganiko te tua bwa te bwai are I taekinna nakon temanna I taekinna nakoia ni kabane, bwa ko na kaman kauringiia taari ni kaineti ma raan aikai, bwa a na aki mwananga i aoia, bwa mwiina e bwaka aia onimaki ao a mwane n tenaan bwai ni kamwane;

19 Ngai, te Uea, I tia n baireia, ao te tia urubwai e buti i aona, ao I aki kamauna te babaire.

20 Ngai, te Uea, I un iroumi ngkoananoa, ma ngkai e a toki uniu.

21 Mangaia are, a riai naake I a tia n taekiniia, bwa a na mwananga ni katawe—I a manga taku nakoimi, a riai ni mwananga ni katawe.

22 Ao e aki akaaka irou, i mwin teutana te tai, ngkana arona bwa a kakoroa bukin aia mition, n nako n te ran ke te aba; e riai aei n aron ae e kaotaki nakoia ni kaineti ma aia motikitaeka i mwina.

23 Ao ngkai, ni kaineti ma au taan mwakuri aika Sidney Ridgon, Iotebwa Timiti te Ataei ao Oliver Cowdery, a riai n aki riaon te ran, ma tii i aon te karanga ae e karaoaki, i nanon mwanangaia nakon mwengaia; ke n taekana teuana a na aki riaon te ran ni mwanangaia, ma tii i aon te karanga ae karaoaki.

24 Nooria, Ngai, te Uea, I a tia n rinea te kawai ibukin mwanangaia au aomata aika itiaki; ao nooria, aio te kawai—bwa i mwin kitanan te karanga ae karaoaki a na mwananga i aon te aba, n aron ae a tuangaki bwa a na mwananga ao n nako nakon aban Tion;

25 Ao a na karaoia n aekakia tibun Iteraera, ni akatei umwaia n rianna i aon kawaia.

26 Ao, nooria, te tua aei kam na anganiia ni kabane tarimi.

27 E ngae n anne, nakon teuare e anganaki te amwaaka bwa e na ongo te ran irouna, e na anganaki teuanne iroun te Tamnei bwa e na atai ana kawai ni kabane;

28 Mangaia are, e riai ni karaoia n aron ae tuangnga Tamnein te Atua ae maiu, i aon te aba ke i aon te ran, n aron ae e tiku irou bwa N na karaoia n taai aika a na roko.

29 Ao nakoimi e kaotaki te kawai ibukiia aomata aika itiaki, ke te kawai ibukiia ana koraki ni mwananga aika itiaki te Uea, ni mwananga.

30 Ao e koaua ae I a manga tuangkami, au taan mwakuri aika Sidney Rigdon, Iotebwa Timiti te Ataei, ao Oliver Cowdery, tai kauka wiimi n aia botaki naake a buakaka ni karokoa kam roko i Cincinnati;

31 Ao n te tabo anne a na tabekarake bwanaaia nakon te Atua ni kaitaraia aomata akanne, eng, nakon teuare e kauraaki unna ibukin buakakaia, te botanaomata are e akaan atai nakon te kamaunaki.

32 Ao mai ikanne a riai ni mwananga ibukin aia botaki tariia, ibukin aia mwakuri ae ngkai e rangi ni korakora kainanoana i buakoia nakon i buakon aia botaki naake a buakaka.

33 Ao ngkai, ni kaineti ma nikiraia, a riai ni mwananga ao n ataekina te taeka i buakoia aia botaki naake a buakaka, ni karaoia nakon ana kairiiri te Uea;

34 Ao ngkana a teimatoa ni karaoa aei a na akaitiakaki aia kunnikai, ao a na akea barekaia imatau.

35 Ao a riai ni mwananga ni kabane, ke ni akakauoman, n aron nooran raoiroina irouia, ma e riai au tia mwakuri ae Reynolds Cahoon, ao au tia mwakuri ae Samuel H. Smith, are I rangi ni kukurei irouia, n aki kamaenakoaki ni karokoa a okira mwengaia, ao aio bwa iai bukina ae e riai irou.

36 Ao ngkai, e koaua ae I tuangkami, ao te bwai ae I taekinna nakon temanna I taekinna nakoia ni kabane, kam na kukurei, aataei aika uarereke; bwa I memena bi buakomi, ao I aki ckitaningkami;

37 Ao ngkana kam teimatoa ni kananorinanoingkami imatau, ami bwai kakabwaia n te aabanuea.

38 Kabaei nukami ao bwaina te ataratara raoi ao taua ma nanomi, n taratara rokon Natin te Aomata, bwa e na roko n te aoa are kam taku inanomi bwa e na aki roko iai.

39 aTataro n taai nako bwa kam na aki rin i nanon te bkariiri, bwa kam aonga ni kona n tiku ni bongin rokona, n te maiu ke n te mate. Eng. Amen.