ພາກທີ 63
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ວັນທີ 30 ເດືອນສິງຫາ, 1831. ສາດສະດາ, ຊິດນີ ຣິກດອນ, ແລະ ອໍລີເວີ ຄາວເດີຣີ ໄດ້ໄປເຖິງເມືອງເຄີດແລນ ໃນວັນທີ 27 ເດືອນສິງຫາ ຈາກການໄປຢ້ຽມຢາມລັດມີເຊີຣີ. ປະຫວັດຂອງໂຈເຊັບ ສະມິດ ບັນຍາຍເຖິງການເປີດເຜີຍນີ້ວ່າ, “ໃນສະໄໝເລີ່ມຕົ້ນຂອງສາດສະໜາຈັກ, ມີຄວາມຮ້ອນໃຈຫລາຍທີ່ຈະໄດ້ຮັບພຣະຄຳຂອງພຣະຜູ້ເປັນເຈົ້າໃນທຸກເລື່ອງກ່ຽວກັບຄວາມລອດຂອງພວກເຮົາ; ແລະ ເມື່ອບັດນີ້ແຜ່ນດິນຊີໂອນເປັນສິ່ງສຳຄັນທີ່ສຸດທາງຝ່າຍໂລກໃນຄວາມຄິດຂອງພວກເຮົາ, ຂ້າພະເຈົ້າຈຶ່ງໄດ້ທູນຖາມພຣະຜູ້ເປັນເຈົ້າສຳລັບຂໍ້ມູນເພີ່ມເຕີມກ່ຽວກັບການເຕົ້າໂຮມຂອງໄພ່ພົນຂອງພຣະເຈົ້າ, ແລະ ການຊື້ທີ່ດິນ, ແລະ ເລື່ອງອື່ນໆ.”
1–6, ວັນແຫ່ງພຣະພິໂລດຈະເກີດກັບຄົນຊົ່ວ; 7–12, ເຄື່ອງໝາຍມາເຖິງໂດຍສັດທາ; 13–19, ຄົນເປັນຊູ້ໃນໃຈຈະປະຕິເສດສັດທາ ແລະ ຈະຖືກໂຍນລົງໃນທະເລໄຟ; 20, ຄົນຊື່ສັດຈະໄດ້ຮັບມູນມໍລະດົກຢູ່ເທິງແຜ່ນດິນໂລກທີ່ປ່ຽນສະພາບ; 21, ເລື່ອງລາວທັງໝົດຂອງເຫດການທີ່ເກີດຂຶ້ນຢູ່ເທິງພູແຫ່ງການປ່ຽນສະພາບຍັງບໍ່ໄດ້ເປີດເຜີຍເທື່ອ; 22–23, ຄົນທີ່ເຊື່ອຟັງຈະໄດ້ຮັບຄວາມລຶກລັບຂອງອານາຈັກ; 24–31, ມູນມໍລະດົກທັງຫລາຍໃນຊີໂອນຕ້ອງໄດ້ຊື້; 32–35, ພຣະຜູ້ເປັນເຈົ້າອອກຄຳສັ່ງໃຫ້ມີສົງຄາມ, ແລະ ຄົນຊົ່ວຂ້າຄົນຊົ່ວ; 36–48, ໄພ່ພົນຂອງພຣະເຈົ້າຕ້ອງໄປເຕົ້າໂຮມກັນຢູ່ທີ່ຊີໂອນ ແລະ ຕ້ອງມອບເງິນເພື່ອສ້າງສາມັນຂຶ້ນ; 49–54, ພອນຖືກຢືນຢັນແກ່ຄົນຊື່ສັດໃນການສະເດັດມາຄັ້ງທີສອງ, ໃນການຟື້ນຄືນຊີວິດ, ແລະ ລະຫວ່າງພັນປີ; 55–58, ນີ້ຄືວັນແຫ່ງການເຕືອນ; 59–66, ພຣະນາມຂອງພຣະຜູ້ເປັນເຈົ້າຖືກໃຊ້ຢ່າງບໍ່ສົມຄວນໂດຍຜູ້ຄົນທີ່ບໍ່ມີສິດອຳນາດ.
1 ຈົ່ງເຊື່ອຟັງ, ໂອ້ ເຈົ້າຜູ້ຄົນ, ແລະ ເປີດໃຈຂອງເຈົ້າ ແລະ ງ່ຽງຫູຟັງຈາກແດນໄກ; ແລະ ຟັງ, ເຈົ້າທີ່ເອີ້ນຕົນເອງວ່າຜູ້ຄົນຂອງພຣະຜູ້ເປັນເຈົ້າ, ແລະ ຟັງພຣະຄຳຂອງພຣະຜູ້ເປັນເຈົ້າ ແລະ ພຣະປະສົງຂອງພຣະອົງກ່ຽວກັບເຈົ້າ.
2 ແທ້ຈິງແລ້ວ, ຕາມຄວາມຈິງ, ເຮົາກ່າວວ່າ ຈົ່ງຟັງພຣະຄຳຂອງພຣະອົງ ຊຶ່ງພຣະພິໂລດຂອງພຣະອົງເກີດກັບຄົນຊົ່ວ ແລະ ກຄົນກະບົດ;
3 ຜູ້ຊຶ່ງປະສົງທີ່ຈະເອົາໄປແມ່ນແຕ່ຄົນທີ່ພຣະອົງປະສົງທີ່ຈະ ກເອົາໄປ, ແລະ ຮັກສາໃຫ້ມີຊີວິດ ຄົນທີ່ພຣະອົງຈະຮັກສາ;
4 ຜູ້ຊຶ່ງຈະສ້າງຂຶ້ນຕາມພຣະປະສົງ ແລະ ຄວາມພໍພຣະໄທຂອງພຣະອົງເອງ; ແລະ ທຳລາຍເມື່ອພຣະອົງພໍພຣະໄທ, ແລະ ສາມາດຂັບໄລ່ຈິດວິນຍານລົງນະລົກ.
5 ຈົ່ງເບິ່ງ, ເຮົາ, ພຣະຜູ້ເປັນເຈົ້າ, ເອີ່ຍສຽງຂອງເຮົາ, ແລະ ມັນຈະຕ້ອງຖືກເຊື່ອຟັງ.
6 ດັ່ງນັ້ນ, ຕາມຄວາມຈິງແລ້ວ ເຮົາກ່າວວ່າ ໃຫ້ຄົນຊົ່ວເອົາໃຈໃສ່, ແລະ ໃຫ້ຄົນກະບົດຢ້ານກົວ ແລະ ຕົວສັ່ນ; ແລະ ໃຫ້ຜູ້ບໍ່ເຊື່ອປິດປາກ, ເພາະ ກວັນແຫ່ງພຣະພິໂລດຈະເກີດກັບພວກເຂົາຄືກັນກັບ ຂລົມຫົວກຸດ, ແລະ ເນື້ອໜັງທັງປວງຈະ ຄຮູ້ວ່າເຮົາຄືພຣະເຈົ້າ.
7 ແລະ ຄົນທີ່ສະແຫວງຫາ ກເຄື່ອງໝາຍຈະເຫັນເຄື່ອງໝາຍ, ແຕ່ບໍ່ແມ່ນຜົນທີ່ນຳໄປສູ່ຄວາມລອດ.
8 ຕາມຄວາມຈິງແລ້ວ, ເຮົາກ່າວກັບພວກເຈົ້າວ່າ ມີຄົນໃນບັນດາພວກເຈົ້າທີ່ສະແຫວງຫາເຄື່ອງໝາຍ, ແລະ ມີຄົນເຊັ່ນນັ້ນແມ່ນແຕ່ຕັ້ງແຕ່ຕົ້ນ;
9 ແຕ່, ຈົ່ງເບິ່ງ, ສັດທາບໍ່ໄດ້ມາເຖິງໂດຍເຄື່ອງໝາຍ, ແຕ່ເຄື່ອງໝາຍຕິດຕາມຄົນທີ່ເຊື່ອ.
10 ແທ້ຈິງແລ້ວ, ເຄື່ອງໝາຍມາເຖິງໂດຍ ກສັດທາ, ບໍ່ແມ່ນໂດຍຄວາມປະສົງຂອງມະນຸດ, ຫລື ໂດຍຄວາມພໍໃຈຂອງເຂົາ, ແຕ່ໂດຍພຣະປະສົງຂອງພຣະເຈົ້າ.
11 ແທ້ຈິງແລ້ວ, ເຄື່ອງໝາຍມາເຖິງໂດຍສັດທາ, ອັນນຳໄປສູ່ວຽກງານອັນຍິ່ງໃຫຍ່, ເພາະປາດສະຈາກ ກສັດທາ ຈະບໍ່ມີມະນຸດຄົນໃດເປັນທີ່ພໍພຣະໄທຕໍ່ພຣະເຈົ້າໄດ້; ແລະ ກັບຄົນໃດທີ່ພຣະເຈົ້າພຣະພິໂລດໃຫ້ ຄົນໆນັ້ນຈະບໍ່ເປັນທີ່ພໍພຣະໄທປານໃດ; ດັ່ງນັ້ນ, ກັບຄົນເຊັ່ນນັ້ນພຣະອົງຈະບໍ່ສະແດງເຄື່ອງໝາຍ, ເວັ້ນແຕ່ໃນ ຂພຣະພິໂລດ ອັນນຳໄປສູ່ ຄການກ່າວໂທດພວກເຂົາເທົ່ານັ້ນ.
12 ດັ່ງນັ້ນ, ເຮົາ, ພຣະຜູ້ເປັນເຈົ້າ, ບໍ່ພໍພຣະໄທກັບຄົນເຫລົ່ານັ້ນໃນບັນດາພວກເຈົ້າທີ່ສະແຫວງຫາເຄື່ອງໝາຍ ແລະ ການມະຫັດສະຈັນສຳລັບສັດທາ, ແລະ ບໍ່ແມ່ນສຳລັບຄວາມດີຂອງມະນຸດ ອັນນຳໄປສູ່ລັດສະໝີພາບຂອງເຮົາ.
13 ເຖິງຢ່າງໃດກໍຕາມ, ເຮົາໄດ້ມອບບັນຍັດໃຫ້, ແລະ ຫລາຍຄົນໄດ້ຫັນໜີໄປຈາກບັນຍັດຂອງເຮົາ ແລະ ບໍ່ຮັກສາມັນ.
14 ໃນບັນດາພວກເຈົ້າມີຊາຍ ແລະ ຍິງທີ່ ກຫລິ້ນຊູ້; ບາງຄົນໄດ້ຫັນໜີໄປຈາກພວກເຈົ້າ, ແລະ ຄົນອື່ນໆທີ່ຍັງຢູ່ກັບພວກເຈົ້າ ຊຶ່ງຕໍ່ໄປໃນພາຍໜ້າຈະຖືກເປີດເຜີຍ.
15 ໃຫ້ຄົນເຊັ່ນນັ້ນລະວັງ ແລະ ກັບໃຈຢ່າງໄວ, ຖ້າບໍ່ດັ່ງນັ້ນການພິພາກສາຈະມາເຖິງພວກເຂົາດັ່ງກັບດັກ, ແລະ ຄວາມໂງ່ຈ້າຂອງພວກເຂົາຈະຖືກສະແດງໃຫ້ປະຈັກ, ແລະ ວຽກງານຂອງພວກເຂົາຈະຕິດຕາມພວກເຂົາໄປໃນສາຍຕາຂອງຜູ້ຄົນ.
16 ແລະ ຕາມຄວາມຈິງແລ້ວ ເຮົາກ່າວກັບເຈົ້າ, ດັ່ງທີ່ເຮົາໄດ້ກ່າວຜ່ານມາ, ຄົນທີ່ ກຫລຽວເບິ່ງຜູ້ຍິງ ຂດ້ວຍຄວາມໄຄ່ໃນນາງ, ຫລື ຖ້າຫາກຄົນໃດຄົນໜຶ່ງ ຄຫລິ້ນຊູ້ຢູ່ໃນໃຈ, ເຂົາຈະບໍ່ມີພຣະວິນຍານສະຖິດຢູ່ນຳ, ແຕ່ຈະປະຕິເສດຄວາມເຊື່ອ ແລະ ຈະຢ້ານກົວ.
17 ດັ່ງນັ້ນ, ເຮົາ, ພຣະຜູ້ເປັນເຈົ້າ, ໄດ້ກ່າວວ່າ ຄົນທີ່ ກຢ້ານກົວ, ແລະ ຜູ້ບໍ່ເຊື່ອ, ແລະ ຂຄົນຂີ້ຕົວະທຸກຄົນ, ແລະ ຜູ້ໃດກໍຕາມທີ່ມັກການກ່າວເວົ້າຕົວະ ແລະ ຄເວົ້າຕົວະ ແລະ ຕົວະ, ແລະ ຄົນລ່ວງປະເວນີ, ແລະ ໝໍເວດມົນຄາຖາ, ຈະມີສ່ວນຂອງພວກເຂົາໃນ ງທະເລທີ່ລຸກໄໝ້ຢູ່ດ້ວຍໄຟ ແລະ ມາດ, ຊຶ່ງເປັນ ຈຄວາມຕາຍເທື່ອທີສອງ.
18 ຕາມຄວາມຈິງແລ້ວ ເຮົາກ່າວວ່າ ພວກເຂົາຈະບໍ່ມີສ່ວນໃນ ກການຟື້ນຄືນຊີວິດຄັ້ງທຳອິດ.
19 ແລະ ບັດນີ້ ຈົ່ງເບິ່ງ, ເຮົາ, ພຣະຜູ້ເປັນເຈົ້າ, ກ່າວກັບພວກເຈົ້າວ່າ ພວກເຈົ້າບໍ່ໄດ້ຖືກ ກຮັບຮອງ, ເພາະ ສິ່ງເຫລົ່ານີ້ມີຢູ່ໃນບັນດາພວກເຈົ້າ.
20 ເຖິງຢ່າງໃດກໍຕາມ, ຄົນໃດທີ່ ກອົດທົນໃນສັດທາ ແລະ ເຮັດຕາມຄວາມປະສົງຂອງເຮົາ, ຄົນໆນັ້ນຈະເອົາຊະນະ, ແລະ ຈະໄດ້ຮັບ ຂມູນມໍລະດົກເທິງແຜ່ນດິນໂລກ ເມື່ອວັນແຫ່ງການປ່ຽນສະພາບຈະມາເຖິງ;
21 ເມື່ອ ກແຜ່ນດິນໂລກຈະ ຂປ່ຽນສະພາບ, ແມ່ນແຕ່ຕາມແບບແຜນ ຊຶ່ງຖືກສະແດງໃຫ້ອັກຄະສາວົກຂອງເຮົາເຫັນຢູ່ເທິງ ຄພູ; ຊຶ່ງຄວາມບໍລິບູນຂອງເລື່ອງນັ້ນ ພວກເຈົ້າຍັງບໍ່ໄດ້ຮັບເທື່ອ.
22 ແລະ ບັດນີ້, ຕາມຄວາມຈິງແລ້ວ ເຮົາກ່າວກັບພວກເຈົ້າ, ດັ່ງທີ່ເຮົາໄດ້ກ່າວໄວ້ວ່າ ເຮົາຈະເຮັດໃຫ້ຄວາມປະສົງຂອງເຮົາເປັນທີ່ຮູ້ຈັກແກ່ພວກເຈົ້າ, ຈົ່ງເບິ່ງ ເຮົາຈະເຮັດໃຫ້ມັນເປັນທີ່ຮູ້ຈັກແກ່ພວກເຈົ້າ, ບໍ່ແມ່ນໂດຍທາງບັນຍັດ, ເພາະມີຫລາຍຄົນທີ່ບໍ່ໄດ້ຍຶດຖືທີ່ຈະຮັກສາບັນຍັດຂອງເຮົາ.
23 ແຕ່ແກ່ຄົນທີ່ຮັກສາບັນຍັດຂອງເຮົາ, ເຮົາຈະມອບ ກຄວາມລຶກລັບແຫ່ງອານາຈັກຂອງເຮົາໃຫ້ພວກເຂົາ, ແລະ ສິ່ງນັ້ນຈະເປັນບໍ່ ຂນ້ຳທີ່ປະກອບດ້ວຍຊີວິດ, ຊຶ່ງ ຄພຸ່ງຂຶ້ນໄປສູ່ຊີວິດອັນເປັນນິດ.
24 ແລະ ບັດນີ້, ຈົ່ງເບິ່ງ, ນີ້ຄືພຣະປະສົງຂອງພຣະຜູ້ເປັນເຈົ້າອົງເປັນພຣະເຈົ້າຂອງພວກເຈົ້າກ່ຽວກັບໄພ່ພົນຂອງພຣະເຈົ້າ, ວ່າເຂົາຄວນໄປເຕົ້າໂຮມກັນຢູ່ທີ່ແຜ່ນດິນຊີໂອນ, ບໍ່ແມ່ນໃນຄວາມຟ້າວຟັ່ງ, ຖ້າບໍ່ດັ່ງນັ້ນຈະເກີດຄວາມສັບສົນ, ຊຶ່ງກໍ່ໃຫ້ເກີດພະຍາດໂລຄາ.
25 ຈົ່ງເບິ່ງ, ແຜ່ນດິນ ກຊີໂອນ—ເຮົາ, ພຣະຜູ້ເປັນເຈົ້າ, ຖືມັນໄວ້ຢູ່ໃນມືຂອງເຮົາເອງ;
26 ເຖິງຢ່າງໃດກໍຕາມ, ເຮົາ, ພຣະຜູ້ເປັນເຈົ້າ, ສົ່ງສິ່ງທີ່ເປັນຂອງ ກກາຍຊາຄືນໃຫ້ແກ່ກາຍຊາ.
27 ດັ່ງນັ້ນ, ເຮົາພຣະຜູ້ເປັນເຈົ້າ ປະສົງໃຫ້ພວກເຈົ້າຊື້ທີ່ດິນ, ເພື່ອວ່າພວກເຈົ້າຈະໄດ້ປຽບໂລກ, ເພື່ອວ່າພວກເຈົ້າຈະມີສິດໃນໂລກ, ເພື່ອວ່າພວກເຂົາຈະບໍ່ຖືກຍຸຍົງໃຫ້ຄຽດແຄ້ນ.
28 ເພາະ ກຊາຕານໄດ້ໃສ່ໄວ້ໃນໃຈເຂົາໃຫ້ໂມໂຫແກ່ພວກເຈົ້າ, ແລະ ໃຫ້ເກີດການນອງເລືອດ.
29 ດັ່ງນັ້ນ, ແຜ່ນດິນຊີໂອນຈະບໍ່ຖືກໄດ້ມາ ເວັ້ນເສຍແຕ່ຈະເປັນໂດຍການຊື້ ຫລື ໂດຍເລືອດ, ຖ້າບໍ່ດັ່ງນັ້ນ ຈະບໍ່ມີມູນມໍລະດົກເລີຍສຳລັບພວກເຈົ້າ.
30 ແລະ ຖ້າຫາກໂດຍການຊື້, ຈົ່ງເບິ່ງ ພວກເຈົ້າຈະໄດ້ຮັບພອນ;
31 ແລະ ຖ້າຫາກໂດຍເລືອດ, ເພາະພວກເຈົ້າຖືກຫ້າມບໍ່ໃຫ້ຫລັ່ງເລືອດ, ເບິ່ງເຖີດ, ສັດຕູຂອງພວກເຈົ້າຈະໂຈມຕີພວກເຈົ້າ, ແລະ ພວກເຈົ້າຈະຖືກຂ້ຽນຕີຈາກເມືອງໜຶ່ງຫາອີກເມືອງໜຶ່ງ, ແລະ ຈາກທຳມະສາລາໜຶ່ງຫາອີກທຳມະສາລາໜຶ່ງ, ແລະ ໜ້ອຍຄົນຈະຄົງຢູ່ເພື່ອຮັບມູນມໍລະດົກ.
32 ເຮົາ, ພຣະຜູ້ເປັນເຈົ້າ, ພຣະພິໂລດກັບຄົນຊົ່ວ; ເຮົາຢຸດຢັ້ງວິນຍານຂອງເຮົາຈາກຜູ້ອາໄສຂອງແຜ່ນດິນໂລກ.
33 ເຮົາໄດ້ສາບານໃນພຣະພິໂລດຂອງເຮົາ, ແລະ ໄດ້ອອກຄຳສັ່ງໃຫ້ມີ ກສົງຄາມຢູ່ເທິງຜືນແຜ່ນດິນໂລກ, ແລະ ຄົນຊົ່ວຈະຂ້າຄົນຊົ່ວ, ແລະ ຄວາມຢ້ານກົວຈະເກີດກັບມະນຸດທຸກຄົນ;
34 ແລະ ກໄພ່ພົນຂອງພຣະເຈົ້າເກືອບຈະຫລົບໜີບໍ່ໄດ້; ເຖິງຢ່າງໃດກໍຕາມ, ເຮົາ, ພຣະຜູ້ເປັນເຈົ້າ, ຢູ່ກັບພວກເຂົາ, ແລະ ຈະລົງ ຂມາໃນຟ້າສະຫວັນ ຈາກທີ່ປະທັບຂອງພຣະບິດາຂອງເຮົາ ແລະ ເຜົາຜານ ຄຄົນຊົ່ວດ້ວຍ ງໄຟທີ່ບໍ່ຮູ້ມອດ.
35 ແລະ ຈົ່ງເບິ່ງ, ມັນຍັງບໍ່ເກີດຂຶ້ນເທື່ອ, ແຕ່ບໍ່ດົນ.
36 ດັ່ງນັ້ນ, ໂດຍທີ່ເຫັນວ່າເຮົາ, ພຣະຜູ້ເປັນເຈົ້າ, ໄດ້ອອກຄຳສັ່ງໃຫ້ມີສິ່ງເຫລົ່ານີ້ທັງໝົດຢູ່ເທິງຜືນແຜ່ນດິນໂລກ, ເຮົາຈຶ່ງປະສົງໃຫ້ໄພ່ພົນຂອງເຮົາໄປເຕົ້າໂຮມກັນຢູ່ທີ່ແຜ່ນດິນຊີໂອນ;
37 ແລະ ໃຫ້ມະນຸດທຸກຄົນຮັບເອົາ ກຄວາມຊອບທຳໄວ້ໃນມືຂອງຕົນ ແລະ ຄວາມຊື່ສັດໄວ້ເທິງແອວຂອງເຂົາ, ແລະ ເປັ່ງ ຂສຽງເຕືອນຜູ້ອາໄສຂອງແຜ່ນດິນໂລກ; ແລະ ປະກາດທັງໂດຍຖ້ອຍຄຳ ແລະ ໂດຍການຫລົບໜີ ເພື່ອ ຄຄວາມພິນາດຈະມາສູ່ຄົນຊົ່ວ.
38 ດັ່ງນັ້ນ, ໃຫ້ສານຸສິດຂອງເຮົາໃນເມືອງເຄີດແລນຈັດການນຳທຸລະຝ່າຍໂລກຂອງພວກເຂົາ, ຜູ້ທີ່ອາໄສຢູ່ໃນບ້ານສວນແຫ່ງນີ້.
39 ໃຫ້ ຜູ້ຮັບໃຊ້ຂອງເຮົາ ໄທທັດ ບຽວລິງສ໌, ຜູ້ດູແລບ່ອນນັ້ນ, ຂາຍທີ່ດິນ, ເພື່ອວ່າລາວຈະຕຽມພ້ອມໃນ ລະດູໃບໄມ້ປົ່ງທີ່ຈະມາເຖິງ ເພື່ອອອກເດີນທາງຂຶ້ນໄປຍັງແຜ່ນດິນຊີໂອນ, ກັບຄົນເຫລົ່ານັ້ນທີ່ອາໄສຢູ່ໃນຜືນແຜ່ນດິນນັ້ນ, ຍົກເວັ້ນແຕ່ຄົນເຫລົ່ານັ້ນຜູ້ທີ່ເຮົາຈະສະຫງວນໄວ້ໃຫ້ແກ່ເຮົາເອງ, ວ່າຈະບໍ່ໄປຈົນກວ່າເຮົາຈະບັນຊາພວກເຂົາ.
40 ແລະ ໃຫ້ສົ່ງເງິນທັງໝົດທີ່ສາມາດມອບໃຫ້, ມັນບໍ່ສຳຄັນສຳລັບເຮົາວ່າຈະໜ້ອຍ ຫລື ຫລາຍປານໃດ, ຂຶ້ນໄປຍັງແຜ່ນດິນຊີໂອນ, ໄປໃຫ້ຄົນທີ່ເຮົາໄດ້ກຳນົດໄວ້ໃຫ້ຮັບ.
41 ຈົ່ງເບິ່ງ, ເຮົາ, ພຣະຜູ້ເປັນເຈົ້າ, ຈະມອບອຳນາດໃຫ້ແກ່ຜູ້ຮັບໃຊ້ຂອງເຮົາ ໂຈເຊັບ ສະມິດ, ຜູ້ລູກ, ເພື່ອໂດຍພຣະວິນຍານລາວຈະສາມາດ ກຫລິງເຫັນຄົນເຫລົ່ານັ້ນທີ່ຈະຂຶ້ນໄປແຜ່ນດິນຊີໂອນ, ແລະ ສານຸສິດເຫລົ່ານັ້ນຂອງເຮົາຜູ້ຈະຢູ່ຕໍ່ໄປໃນບ່ອນນີ້.
42 ໃຫ້ຜູ້ຮັບໃຊ້ຂອງເຮົາ ນິວເອັນ ເຄ ວິດນີ ຮັກສາຮ້ານຂອງລາວໄວ້, ຫລື ອີກຄຳໜຶ່ງ, ຮ້ານຄ້າ, ໄວ້ຊົ່ວໄລຍະໜຶ່ງ.
43 ເຖິງຢ່າງໃດກໍຕາມ, ໃຫ້ລາວແບ່ງເງິນ ຊຶ່ງລາວຈະສາມາດແບ່ງໃຫ້ໄດ້, ເພື່ອສົ່ງຂຶ້ນໄປຍັງແຜ່ນດິນຊີໂອນ.
44 ຈົ່ງເບິ່ງ, ສິ່ງເຫລົ່ານີ້ຢູ່ໃນມືຂອງລາວເອງ, ໃຫ້ລາວເຮັດດ້ວຍປັນຍາ.
45 ຕາມຄວາມຈິງແລ້ວ ເຮົາກ່າວວ່າ ໃຫ້ລາວໄດ້ຮັບການແຕ່ງຕັ້ງເປັນຕົວແທນສານຸສິດທີ່ຈະຢູ່ຕໍ່ໄປໃນບ່ອນນີ້, ແລະ ໃຫ້ລາວໄດ້ຮັບການແຕ່ງຕັ້ງສູ່ອຳນາດນີ້;
46 ແລະ ບັດນີ້ ຈົ່ງໄປຢ້ຽມຢາມໜ່ວຍຕ່າງໆຂອງສາດສະໜາຈັກຢ່າງໄວ, ຈົ່ງອະທິບາຍເລື່ອງເຫລົ່ານີ້ແກ່ພວກເຂົາ, ພ້ອມກັບຜູ້ຮັບໃຊ້ຂອງເຮົາ ອໍລີເວີ ຄາວເດີຣີ. ຈົ່ງເບິ່ງ, ນີ້ຄືຄວາມປະສົງຂອງເຮົາ, ຄືການໄດ້ຮັບເງິນແມ່ນແຕ່ດັ່ງທີ່ເຮົາໄດ້ແນະນຳ.
47 ຄົນທີ່ ກຊື່ສັດ ແລະ ອົດທົນ ຈະເອົາຊະນະໂລກ.
48 ຄົນທີ່ສົ່ງຊັບສິນຂຶ້ນໄປຍັງແຜ່ນດິນຂອງຊີໂອນ ຈະໄດ້ຮັບ ກມູນມໍລະດົກໃນໂລກນີ້, ແລະ ວຽກງານຂອງເຂົາຈະຕິດຕາມເຂົາ, ແລະ ລາງວັນໃນໂລກທີ່ຈະມາເຖິງນຳອີກ.
49 ແທ້ຈິງແລ້ວ, ຄົນທີ່ ກຕາຍໃນພຣະຜູ້ເປັນເຈົ້າໄດ້ຮັບພອນແລ້ວ, ນັບແຕ່ນີ້ເປັນຕົ້ນໄປ, ເມື່ອພຣະຜູ້ເປັນເຈົ້າຈະສະເດັດມາ, ແລະ ສິ່ງເກົ່າຈະ ຂໝົດໄປ, ແລະ ທຸກສິ່ງເປັນຂອງໃໝ່, ເຂົາຈະ ຄລຸກຂຶ້ນຈາກຄວາມຕາຍ ແລະ ຈະບໍ່ ງຕາຍຫລັງຈາກນັ້ນ, ແລະ ຈະໄດ້ຮັບມູນມໍລະດົກຢູ່ຕໍ່ພຣະພັກຂອງພຣະຜູ້ເປັນເຈົ້າ, ໃນນະຄອນສັກສິດ.
50 ແລະ ຄົນທີ່ມີຊີວິດຕອນພຣະຜູ້ເປັນເຈົ້າຈະສະເດັດມາ, ແລະ ໄດ້ຮັກສາສັດທາ, ເຂົາຍ່ອມ ກເປັນສຸກ; ເຖິງຢ່າງໃດກໍຕາມ, ມີກຳນົດໄວ້ໃຫ້ເຂົາ ຂຕາຍຕາມອາຍຸຂອງມະນຸດ.
51 ດັ່ງນັ້ນ, ເດັກນ້ອຍ ກຈະ ຂເຕີບໃຫຍ່ຂຶ້ນຈົນກວ່າເຂົາຈະເຖົ້າແກ່; ຄົນເຖົ້າແກ່ຈະຕາຍ; ແຕ່ເຂົາຈະບໍ່ຫລັບຢູ່ກັບຝຸ່ນດິນ, ແຕ່ເຂົາຈະຖືກ ຄປ່ຽນໄປໃນພິບຕາດຽວ.
52 ດັ່ງນັ້ນ, ເພາະເຫດນີ້ ອັກຄະສາວົກຈົ່ງສັ່ງສອນແກ່ໂລກເຖິງການຟື້ນຄືນຊີວິດຂອງຄົນຕາຍ.
53 ສິ່ງເຫລົ່ານີ້ເປັນສິ່ງທີ່ເຈົ້າຈະຫລຽວຫາ; ແລະ, ໂດຍກ່າວຕາມວິທີຂອງພຣະຜູ້ເປັນເຈົ້າ, ບັດນີ້ ມັນ ກໃກ້ຈະມາເຖິງແລ້ວ, ແລະ ໃນເວລາທີ່ຈະມາເຖິງ, ແມ່ນແຕ່ໃນວັນແຫ່ງການສະເດັດມາຂອງບຸດມະນຸດ.
54 ແລະ ຈົນກວ່າຊົ່ວໂມງນັ້ນຈະມາເຖິງ ຈະມີ ກຍິງບໍລິສຸດທີ່ໂງ່ຈ້າໃນບັນດາຜູ້ສະຫລາດ; ແລະ ເມື່ອຊົ່ວໂມງນັ້ນມາເຖິງ ຈະເກີດການແຍກຄົນຊອບທຳ ແລະ ຄົນຊົ່ວອອກຈາກກັນ; ແລະ ໃນວັນນັ້ນເຮົາຈະສົ່ງເຫລົ່າທູດຂອງເຮົາມາເພື່ອ ຂຖອນຄົນຊົ່ວອອກ ແລະ ໂຍນພວກເຂົາເຂົ້າໃນໄຟທີ່ບໍ່ຮູ້ມອດ.
55 ແລະ ບັດນີ້ ຈົ່ງເບິ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ, ເຮົາ, ພຣະຜູ້ເປັນເຈົ້າ, ບໍ່ພໍໃຈກັບຜູ້ຮັບໃຊ້ຂອງເຮົາ ກຊິດນີ ຣິກດອນ; ລາວ ຂຍົກຕົນເອງຂຶ້ນໃນໃຈ, ແລະ ບໍ່ຍອມຮັບເອົາຄຳແນະນຳ, ແຕ່ ເຮັດໃຫ້ພຣະວິນຍານໂສກເສົ້າ;
56 ດັ່ງນັ້ນ ກການຂຽນຂອງລາວບໍ່ເປັນທີ່ຍອມຮັບຕໍ່ພຣະຜູ້ເປັນເຈົ້າ, ແລະ ລາວຈະຕ້ອງເຮັດອີກອັນໜຶ່ງ; ແລະ ຖ້າຫາກພຣະຜູ້ເປັນເຈົ້າບໍ່ຮັບເອົາມັນ, ຈົ່ງເບິ່ງ ລາວຈະບໍ່ໄດ້ຢືນຢູ່ໃນຕຳແໜ່ງຊຶ່ງເຮົາໄດ້ກຳນົດລາວໄວ້ອີກຕໍ່ໄປ.
57 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບເຈົ້າວ່າ ກຄົນທີ່ປາດຖະໜາໃນຫົວໃຈຂອງເຂົາ, ໃນຄວາມອ່ອນໂຍນ, ທີ່ຈະ ຂເຕືອນຄົນບາບໃຫ້ມາສູ່ການກັບໃຈ, ກໍໃຫ້ເຂົາໄດ້ຮັບການແຕ່ງຕັ້ງສູ່ອຳນາດນີ້.
58 ເພາະນີ້ຄືວັນແຫ່ງການເຕືອນ, ແລະ ບໍ່ແມ່ນວັນແຫ່ງຖ້ອຍຄຳຢ່າງຫລວງຫລາຍ. ເພາະເຮົາ, ພຣະຜູ້ເປັນເຈົ້າ, ຈະບໍ່ຖືກເຍາະເຍີ້ຍໃນຍຸກສຸດທ້າຍ.
59 ຈົ່ງເບິ່ງ, ເຮົາມາຈາກເບື້ອງເທິງ, ແລະ ອຳນາດຂອງເຮົາຢູ່ເບື້ອງລຸ່ມ. ເຮົາຢູ່ເໜືອທຸກສິ່ງ, ແລະ ໃນທຸກສິ່ງ, ແລະ ຜ່ານທຸກສິ່ງ, ແລະ ກຄົ້ນຫາທຸກສິ່ງ, ແລະ ວັນນັ້ນຈະມາເຖິງເມື່ອທຸກສິ່ງທັງປວງຈະຂຶ້ນຢູ່ກັບເຮົາ.
60 ຈົ່ງເບິ່ງ, ເຮົາຄື ກອາລະຟາ ແລະ ໂອເມຄາ, ແມ່ນແຕ່ພຣະເຢຊູຄຣິດ.
61 ດັ່ງນັ້ນ, ໃຫ້ມະນຸດທັງປວງລະວັງວິທີທີ່ພວກເຂົາຈະໃຊ້ ກນາມຂອງເຮົາໃນປາກຂອງພວກເຂົາ—
62 ເພາະຈົ່ງເບິ່ງ, ຕາມຄວາມຈິງແລ້ວ ເຮົາກ່າວວ່າ ມີຫລາຍຄົນຈະຢູ່ພາຍໃຕ້ການກ່າວໂທດນີ້, ຜູ້ໃຊ້ພຣະນາມຂອງພຣະຜູ້ເປັນເຈົ້າ, ແລະ ໃຊ້ມັນຢ່າງບໍ່ສົມຄວນ, ໂດຍບໍ່ມີສິດອຳນາດ.
63 ດັ່ງນັ້ນ, ໃຫ້ສາດສະໜາຈັກກັບໃຈຈາກບາບຂອງພວກເຂົາ, ແລະ ເຮົາ, ພຣະຜູ້ເປັນເຈົ້າ, ຈະເປັນເຈົ້າຂອງພວກເຂົາ; ຖ້າບໍ່ດັ່ງນັ້ນ ພວກເຂົາຈະຖືກຕັດອອກ.
64 ຈົ່ງຈື່ຈຳໄວ້ວ່າ ສິ່ງທີ່ມາຈາກເບື້ອງເທິງເປັນ ກສິ່ງສັກສິດ, ແລະ ຕ້ອງ ຂກ່າວເຖິງດ້ວຍຄວາມລະມັດລະວັງ, ແລະ ໂດຍການບັງຄັບຂອງພຣະວິນຍານ; ແລະ ໃນນີ້ບໍ່ມີການກ່າວໂທດ, ແລະ ເຈົ້າຈະໄດ້ຮັບພຣະວິນຍານ ຄຜ່ານການອະທິຖານ; ດັ່ງນັ້ນ, ປາດສະຈາກສິ່ງນີ້ການກ່າວໂທດຍັງຈະມີຢູ່.
65 ໃຫ້ຜູ້ຮັບໃຊ້ຂອງເຮົາ, ໂຈເຊັບ ສະມິດ, ຜູ້ລູກ, ແລະ ຊິດນີ ຣິກດອນ, ສະແຫວງຫາມັນຢູ່ໃນບ້ານເຮືອນ, ດັ່ງທີ່ພວກເຂົາໄດ້ຮັບການສິດສອນໂດຍພຣະວິນຍານຜ່ານ ກການອະທິຖານ.
66 ຕ້ອງເອົາຊະນະສິ່ງເຫລົ່ານີ້ຜ່ານຄວາມອົດທົນ, ເພື່ອວ່າຄົນເຊັ່ນນັ້ນຈະໄດ້ຮັບ ກນ້ຳໜັກແຫ່ງ ຂລັດສະໝີພາບນິລັນດອນຫລາຍກວ່າ, ຖ້າບໍ່ດັ່ງນັ້ນ, ການກ່າວໂທດຈະໜັກກວ່າເດີມ. ອາແມນ.