Seksen 64
Revelesen we Lod i givim, tru long Profet Josef Smit, i go long ol elda blong Jos, long Ketlan, Ohaeo, long 11 Septemba 1831. Profet i stap rere blong muv i go long Haeram, long Ohaeo, blong statem bakegen wok blong hem long saed blong translesen blong Baebol, we hem i no bin wok long hem blong samtaem, taem hem i bin stap long Misuri. Wan kampani blong ol brata we oli bin kasem oda blong travel i go long Saeon (Misuri) oli bin stap wok strong blong rere blong aot long manis Oktoba. Long bisi taem ia, revelesen ia i bin kam.
1–11, Olgeta Sent oli kasem komanmen blong fofogivim wanwan long olgeta, nogud sin we i moa bigwan i stap wetem olgeta; 12–22, Oli mas tekem olgeta we oli no sakem sin oli kam long fored blong Jos; 23–25, Hem we i stap pem taeting blong hem bae i no save bon long dei we bae Lod i kam; 26–32, Olgeta Sent oli kasem woning agensem fasin blong mekem kaon; 33–36, Olgeta we oli stap agens bambae Lod i katemaot olgeta long Saeon; 37–40, Jos bambae i jajem ol nesen; 41–43, Saeon bambae i gro gud.
1 Luk, olsem ia nao Lod, God blong yufala i talem long yufala, O yufala, ol elda blong jos blong mi, lisin gud mo harem mo akseptem tingting blong mi long saed blong yufala.
2 From i tru, mi talem long yufala, mi wantem se yufala i mas awinim wol; taswe, bambae mi gat blav mo sore long yufala.
3 I gat sam long medel blong yufala we oli mekem sin; be i tru, mi talem, blong wan taem ia nomo, from aglori blong miwan mo blong mi sevem ol sol, mi bin bfogivim yufala long ol sin blong yufala.
4 Bambae mi gat sore long yufala, from mi givim kingdom long yufala.
5 Mo ol aki blong ol sikret blong kingdom, bambae oli no save tekemaot long wokman blong mi, Josef Smit Junia, tru long ol rod we mi bin putum, taem hem i stap laef yet, hemia sapos hem i stap folem ol bodinens blong mi.
6 I gat olgeta we oli tekem janis blong faenem rong agensem hem we i no gat risen from.
7 Be, hem i bin mekem sin; be i tru, mi talem long yufala, mi, Lod, mi afogivim ol sin blong olgeta we oli btalemaot ol sin blong olgeta long fored blong mi mo oli askem fogivnes, olgeta ia we sin i no mekem olgeta i dded.
8 Ol disaepol blong mi, long ol dei blong bifo, oli bin lukaotem ol ajanis blong agensem wanwan long olgeta mo oli no bin fofogivim wanwan long olgeta long hat blong olgeta; mo from nogud fasin ia, Lod i bin mekem olgeta oli gat hadtaem mo i bin bpanisim strong olgeta.
9 Taswe, mi talem long yufala, se yufala i mas afofogivim wanwan long yufala; from we hem we i no bfogivim brata blong hem long fasin blong hem blong brekem loa, i stanap wetem rong long fored blong Lod; from wetem hem, i gat sin ia we i moa bigwan i stap.
10 Mi, Lod, bambae mi afogivim huia we bambae mi fogivim; be yufala, mi talem se yufala i mas bfogivim evri man.
11 Mo yufala i mas talem long hat blong yufala—letem God i ajajem bitwin mi mo yu, mo i givim praes long yu folem ol bwok blong yu.
12 Mo hem we i no sakem ol sin blong hem, mo i no talemaot olgeta, bambae yufala i mas tekem hem i kam long fored blong ajos, mo bambae yufala i lukluk long hem olsem we skripja ia i talemaot long yufala, tru long komanmen o tru long revelesen.
13 Mo hemia bambae yufala i mas mekem blong God i kasem glori—i no from yufala i no fogivim man from yufala i no gat lav mo sore, be i blong yufala i stret long ae blong loa, mo i blong yufala i no mekem sin agensem hem we i givim loa long yufala—
14 I tru mi talem, from hemia nao, bambae yufala i mas mekem olgeta samting ia.
15 Luk, mi, Lod, mi bin kros bigwan wetem hem we i bin wokman blong mi, Esra But, mo tu, wokman blong mi, Aesak Morli, from we tufala i no bin obei long loa mo ol komanmen;
16 Oli bin lukaotem nogud samting long hat blong olgeta, mo mi, Lod, mi bin holembak Spirit blong mi. Oli bin ajajem se samting ia we i no gat nogud samting long hem, i nogud; be, mi bin fogivim wokman blong mi, Aesak Morli.
17 Mo tu, wokman blong mi, aEdwod Patrij, luk, hem i bin mekem sin, mo bSetan i stap lukaot blong prapa spolem gud sol blong hem; be taem bae oli kam blong save olgeta samting ia, mo bae oli sakem sin from ol rabis fasin, bae mi fogivim olgeta.
18 Mo naoia, i tru mi talem se i nid long mi, se wokman blong mi, Sidni Gilbet, afta sam wik nomo, bambae i mas kambak long bisnis blong hem, mo luk wok blong hem blong ripresentem Jos long graon blong Saeon;
19 Mo samting ia we hem i bin luk mo harem, bambae hem i talem long ol disaepol blong mi, blong oli no save lus. Mo from hemia, mi bin talem olgeta samting ia.
20 Mo bakegen, mi talem long yufala, se blong mekem se wokman blong mi, Aesak Morli, i no kasem atemtesen we i bigwan moa long wanem we hem i save tekem, mo blong hem i no save givim rong advaes blong i mekem nogud long yufala, nao mi bin givim komanmen blong hem i mas salemaot fam blong hem.
21 Hem i no tingting blong mi blong wokman blong mi, Frederik G. Wiliams i mas salem fam blong hem, from we mi, Lod, bambae mi holemtaet wan strong sapot long graon blong Ketlan, blong wan taem blong faef yia, mo long taem ia bambae mi no sakemaot ol man nogud, blong mekem se mi save sevem sam long olgeta.
22 Mo afta long dei ia, mi, Lod, bambae mi no faenem wan i arong we bae i go wetem wan open hat long graon blong Saeon; from we mi, Lod mi wantem bhat blong ol pikinini blong ol man.
23 Luk, taem naoia oli singaotem atedei, kasem taem we Pikinini blong Man bae i bkam, mo i tru, hem i wan dei blong dsakrifaes, mo wan dei blong ol pipol blong mi oli pem taeting; from we hem we i epem taeting bae i no fbon long taem we bae Pikinini blong Man i kam.
24 From we, afta long tedei, taem we man i abon long faea bae i kam—hemia i folem fasin blong toktok blong Lod—from i tru mi talem, tumoro, evri man we oli bgat hae tingting mo olgeta we oli mekem nogud samting bae oli olsem doti blong wit; mo bambae mi bonem olgeta long faea, from we mi mi Lod blong Ol Pipol; mo bambae mi no sevem eniwan we i stap long dBabilon.
25 Taswe, sapos yufala i biliv long mi, bae yufala i wok long taem naoia, we oli singaotem, tedei.
26 Mo i no stret se ol wokman blong mi, aNiuwel K. Witni mo Sidni Gilbet, i no stret se tufala i mas salem bstoa blong tufala mo ol samting we tufala i gat long ples ia; from we hemia i no waes, kasem taem we ol narafala memba blong Jos we oli stap, we oli stap nomo long ples ia, bae oli go antap long graon blong Saeon.
27 Luk, mi talem long ol loa blong mi, o mi blokem, blong yufala i gat akaon long ol enemi blong yufala;
28 Be luk, i no gat wan taem we oli talem se Lod bae i no tekem samting taem we hem i wantem, mo bae hem i no pem olsem we hem i ting se i stret.
29 Taswe, olsem we yufala i ol ripresentativ blong hem, yufala i stap mekem wok blong Lod; mo wanem we yufala i stap mekem folem tingting blong Lod, hem i bisnis blong Lod.
30 Mo hem i putum yutufala blong lukluk long ol sent blong hem long ol las dei ia, blong oli save kasem wan aples long graon blong Saeon.
31 Mo luk, mi, Lod, mi talemaot long yufala, mo ol atoktok blong mi oli tru mo bambae oli bkamtru, blong ol sent oli save kasem ples ia.
32 Be evri samting i mas kam blong hapen long stret taem blong olgeta.
33 Taswe, yufala i no ataed blong mekem gud samting, from we yufala i stap putum fandesen blong wan bigfala wok. Mo aot long ol bsmol samting, ol samting we oli bigwan oli kamaot.
34 Luk, Lod i aaskem blong mas gat wan bhat mo wan maen we i wantem mekem samting; mo man we i wantem mekem samting mo i dstap obei, bambae hem i kakae ol gudfala samting blong graon blong Saeon long ol las dei ia.
35 Mo olgeta we oli stap aagens, bambae mi bkatemaot olgeta aot long graon blong Saeon, mo bambae mi sendem olgeta oli go longwe, mo bambae oli no save gat wan ples long graon ia.
36 From, i tru mi talem, se olgeta we oli stap agens oli no blong blad blong aEfrem, taswe, bambae mi pulumaot olgeta.
37 Luk, mi, Lod, mi bin mekem jos blong mi long ol las dei i olsem wan jaj we i sidaon long wan hil, o long wan hae ples, blong i jajem ol nesen.
38 From bambae i kam blong hapen, se ol pipol we oli stap long Saeon bae oli ajajem evri samting long saed blong Saeon.
39 Mo bambae oli pruvum huia ol giaman man mo olgeta we oli gat tufes, mo olgeta we oli no ol aaposol mo ol profet, bae pipol i save huia olgeta.
40 Mo tu, abisop, we i wan bjaj, mo ol kaonsela blong hem, sapos oli no fetful long dwok blong olgeta blong lukaot gud long ol memba, bambae oli kasem panismen, mo bambae oli putum ol enarafala man long ples blong olgeta.
41 From, luk, mi talem long yufala se aSaeon bae i gro gud, mo bglori blong Lod bae i stap long Saeon;
42 Mo Saeon bae i stap olsem wan aflag long ol pipol, mo bambae oli kam long hem aot long evri nesen we i stap andanit long heven.
43 Mo dei bae i kam taem we ol nesen blong wol bambae oli aseksek wetem fraet from hem, mo bambae oli fraet long ol pipol blong hem. Lod i bin talem samting ia. Amen.