Mwakoro 64
Kaotioti ae kaotaki rinanon te Burabeti ae Iotebwa Timiti nakoia unimwaanen te Ekaretia, i Kirtland, Ohio, n Tebetembwa 11, 1831, E katauraoia te Burabeti ni mwaing nako Hiram, Ohio, ni manga reita ana mwakuri i aon rairan te Baibara, are e toki karaoana ngke e mena i Missouri. Te koraki teuana n tari ake a tia n tuangaki bwa a na mwananga nakon Tion (Missouri) a rinanon te katauraoi ma te nano ae korakora bwa a na mwananga i nanon Okitobwa. E karekeaki te kaotioti n te tai ae katabetabe aei.
1–11, A tuangaki Aomata aika Itiaki bwa a na kabwarai aia bure imarenaia, mwiina e tiku irouia te bure ae korakora riki; 12–22, Naake a rawa n raira nanoia a na uotaki nako matan te Ekaretia; 23–25, Ane e kabwaka ana kabwianibwai e na aki kabuekaki n rokon te Uea; 26–32, A kauringaki Aomata aika Itiaki bwa a na aki taarau; 33–36, Taan kakaitara a na kamaunaaki mai Tion; 37–40, Te Ekaretia e na motika taekaia botanaomata; 41–43, E na korakora rikiraken Tion.
1 Nooria, e taku te Uea ae Atuami nakoimi, O ngkami unimwaanen au ekaretia, ongora ngkami ao kakauongo, ao karekea au kantaninga ni kaineti ma ngkami.
2 Bwa e koaua ae I tuangkami, I tangiria bwa kam na atokanikai i aon te aonaba; mangaia are N na bnanoangaingkami.
3 Iai i buakomi ake a tia ni bure; ma e koaua ae I taku, bwa tii n te tai aei, ibukin amimitongiu, ao ibukin kamaiuakiia tamnei, I a tia ni bkabwarai ami bure.
4 N na nanoangaingkami, bwa I a tia n anganingkami te abanuea.
5 Ao akiingin bwain te abanuea aika raba a na aki anaaki mai iroun au tia mwakuri ae Iotebwa Timiti te Ataei, rinanon te kawai are I a tia n rineia, ngkai e maiu, ngkana e teimatoa n ongeaba nakon au botenanti.
6 Iai i buakomi aika a ukoukora kakaean te bure ni kaitaraa n akea bukina;
7 E ngae n anne, e a tia ni bure; ma e koaua ae I tuangkami, Ngai, te Uea, I akabwarai aia bure naake a bkaota aia bure i matau ao a bubuti kabwaraan aia bure, ake aki karaoa te bure are e karika te cmate n tamnei.
8 Au taan reirei, ni boong ake ngkoa, a ukoukora akakaean te bure i marenaia ao aki kabwarai aia bure i marenaia inanoia; ao ibukin te buakaka aei a karawawataaki ao ni korakora bkatuaeakiia.
9 Mangaia are, I tuangkami, bwa kam riai ni akabwara bure i marenami; bwa ane e aki bkabwara ana bure tarina e na tei ni kabuakakaaki i matan te Uea; bwa e tiku irouna te bure ae korakora riki.
10 Ngai, te Uea, N na akabwara ana bure are I taku bwa N na kabwara, ma ngkami kam riai ni bkabwarai aia bure aomata ni kabane.
11 Ao kam riai n taku i nanomi—e na amotiki taeka te Atua i marenau ma ngkoe, ao n anganiko kanuangam ni kaineti ma am bmwakuri.
12 Ao ane e aki raira nanona man ana bure, ao e aki kaotii, kam na uotia nako matan te aekaretia, ao ni karaoa nakoina aron are kam tuangaki n te koroboki ae tabu, n te tua ke n te kaotioti.
13 Ao aio ae ko na karaoia bwa e aonga ni kamimitongaaki te Atua—tiaki ibukina bwa kam aki kabwarai bure, bwa akea te nanoanga iroumi, ma bwa kam aonga ni kaitiakaki imatan te tua, bwa kam aonga n aki kauna teuare ngaia ami tia anga te tua—
14 E koaua ae I taku, bwa ibukin aio kam na karaoi bwaai aikai.
15 Nooria, Ngai, te Uea, I un iroun teuare au tia mwakuri ngkoa ae Ezra Booth, ao au tia mwakuri naba ae Isaac Morley, bwa a aki kawakina tuan te aba, ao ana tua naba te Atua;
16 A ukoukora te buakaka inanoia, ao Ngai, te Uea, I taua Tamneiu. A aaranna bwa e buakaka te bwai anne ngke e bon aki buakaka; e ngae n anne I a tia ni kabwara ana bure au tia mwakuri ae Isaac Morley.
17 Ao au tia mwakuri naba ae aEdward Partridge, nooria, e a tia ni bure, ao bTatan e ukoukora tiringan tamneina; ma n te tai are a kaotaki bwaai aikai nakoia, ao a raira nanoia man te buakaka, a na kabwaraaki aia bure.
18 Ao ngkai, e koaua ae I taku bwa e riai irou bwa au tia mwakuri ae Sidney Gilbert, i mwin tabeua te wiiki, e na oki nakon tabena, ao nakon ana mwakuri ae te tia tei n te ekaretia n aban Tion;
19 Ao bwa te bwai ae e a tia n nooria ao n ongo e na kaotaki nakoia au taan reirei, bwa a na aki mate. Ao ibukin aio I a tia n taekini bwaai aikai.
20 Ao I a manga tuangkami, bwa e aonga au tia mwakuri ae Isaac Morley n aki akariiriaki i aon are e aki kona, ao n aki anga taeka n reirei aika a bure are a na kammarakingkami, I anga te tua bwa e na kabooaki nako ana tabo ni man.
21 I aki kantaningaia bwa au tia mwakuri ae Frederick G. Williams e na kabooanakoa ana tabo ni man, bwa Ngai, te Uea, I kantaningaia bwa e na taua ni kateimatoa te aba ae Kirtland, i nanon te maan ae nimaua te ririki, i nanon te tai anne N na aki tokanikai i aoia ake a buakaka, bwa man aei I kona ni kamaiuiia tabeman.
22 Ao i mwin te bong anne, Ngai, te Uea, N na aki tarai aia abure nako ake a nako ma nanoia aika uki nakon aban Tion; bwa Ngai, te Uea, I kainanoa bnanoia natiia aomata.
23 Nooria, te tai aei e aranaki bwa te abong aei ni karokoa brokon Natin te Aomata, ao e koaua bwa bon bongin te canga karea, ao te bong ibukin aia kabwianibwai au aomata; bwa ane e dkabwaka ana kabwianibwai e na aki ekabuekaki n rokona.
24 Bwa i mwin te bong aei e na roko te aai—aio aron ana taetae te Uea—bwa e koaua I taku, ningabong ni kabane naake a bkamoamoa ao naake a karaoa ae buakaka a na riki n ai aron te maange; ao N na kabuekiia, bwa Ngai aia Uea Taanga ni Buaka; ao N na aki kamaiuia ake a tiku i cBwaburon.
25 Mangaia are, ngkana kam kakoauaai, kam na mwakuri n te tai ae e aranaki bwa te bong aei.
26 Ao e aki riai bwa au taan mwakuri aika aNewel K. Whitney ao Sidney Gilbert, a na kabooanako aia btitooa ao aia bwai ikai; bwa tiaki te wanawana aio ni karokoa nikiraia kaain te ekaretia, ake a tiku n te tabo aei, a na nako nakon aban Tion.
27 Nooria, e taekinaki n au tua, ke e tabuaki te atarau irouia ami kairiribai;
28 Ma nooria, e aki taekinaki n te tai teuana bwa te Uea e na aki anaia ngkana e tangiria, ao ni kabooa n aron nooran raoiroina irouna.
29 Mangaia are, ibukina ngkami taan tei, kam karaoa ana mwakuri te Uea; ao bwaai ake kam karaoia ni kaineti ma ana kantaninga te Uea bon ana mwakuri te Uea.
30 Ao e a tia n rineingkami bwa kam na katauraoi kainnanoia ana aomata aika itiaki ni boong aika kaitira aikai, bwa a aonga ni karekea aabaia ni bwaibwai n aban Tion.
31 Ao nooria, Ngai, te Uea, I taekinna nakoimi, ao au ataeka a bon koaua ao a na aki bbwaka, bwa a na karekea.
32 Ma ni kabane bwaai a na koro bukiia n te tai ae riai.
33 Mangaia are, tai akua ni karaoan ae raoiroi, bwa kam kawenea aan te mwakuri ae korakora. Ao man bbwaai aika uarereke e kaoti te bwai ae korakora.
34 Nooria, te Uea e akainanoa te bnano ao te iango ae tatauraoi; ao naake a tatauraoi ao a congeaba a na kana raoiroin aban Tion ni boong aika kaitira aikai.
35 Ao ataan kakaitara a na bkamaunaaki man aban Tion, ao a na kanakoaki, ao a na aki bwaibwai n te aba.
36 Bwa, e koaua ae I taku bwa taan kakaaitara bon tiaki man raraan aEberaim, mangaia are a na kanakoaki.
37 Nooria, Ngai, te Uea, I a tia ni karaoa au ekaretia ni boong aika kaitira aikai n aekan te tia moti ae e tekateka n te tabuki, ke n te tabo ae rietata, ni motika taekaia botanaomata.
38 Bwa e na koro bukina bwa kaain Tion a na amotiki taekan bwaai ni kabane aika a kaineti nakon Tion.
39 Ao taan kewe ao bwaritaio a na kaotaki mai irouia, ao naake tiaki aabotoro ao burabeti a na ataaki.
40 Ao te abitiobi, are bon te btia moti, ao ana taan ibuobuoki, ngkana a aki kakaonimaki n aia cmwakuri n tararua a na kabuakakaki, ao a na rineaki dtabeman n onea mwiia.
41 Bwa, nooria, I tuangkami bwa aTion e na korakora rikirakena, ao bmimitongin te Uea e na mena i aona;
42 Ao e na riki bwa te aman ni kanikina nakoia aomata, ao a na roko nakoina man aaba nako i aan karawa.
43 Ao e na roko te bong are botanaomata n te aonaba a na aruru ibukina, ao a na maaku ibukiia ana aomata aika a kakamaaku. E a tia n taekinna te Uea. Amen.