1 Sjá, svo talar Drottinn Guð yðar til yðar, ó, þér öldungar kirkju minnar. Hlýðið á og heyrið og takið á móti vilja mínum varðandi yður.

2 Því að sannlega segi ég yður: Ég vil að þér ^asigrist á heiminum. Fyrir því mun ég hafa ^bsamúð með yður.

3 Á meðal yðar eru þeir sem syndgað hafa, en sannlega segi ég í þetta eina sinn, mér sjálfum til ^adýrðar og sálum til hjálpræðis: Ég hef ^bfyrirgefið yður syndir yðar.

4 Ég mun vera yður miskunnsamur, því að ég hef gefið yður ríkið.

5 Og meðan þjónn minn Joseph Smith yngri lifir, munu ^alyklarnir að leyndardómum ríkisins, eins og ég hef útnefnt þá, ekki frá honum teknir, svo sem hann fylgir ^bhelgiathöfnum mínum.

6 Til eru þeir sem leitað hafa sakar gegn honum án tilefnis —

7 Engu að síður hefur hann syndgað. En sannlega segi ég yður: Ég, Drottinn, ^afyrirgef syndir þeim, sem ^bjáta þær fyrir mér og biðjast fyrirgefningar, þeim sem ekki hafa syndgað til ^cdauða.

8 Lærisveinar mínir til forna leituðu ^asaka hver gegn öðrum og fyrirgáfu ekki hver öðrum í hjörtum sínum, og vegna þeirrar illsku var að þeim þrengt og þeir sárlega ^bagaðir.

9 Fyrir því segi ég yður, að þér eigið að ^afyrirgefa hver öðrum, því að sá, sem ekki ^bfyrirgefur bróður sínum misgjörðir hans, stendur dæmdur frammi fyrir Drottni, því að í honum býr hin stærri synd.

10 Ég, Drottinn, mun ^afyrirgefa þeim, sem ég vil fyrirgefa, en af yður er krafist, að þér ^bfyrirgefið öllum mönnum.

11 Og þér ættuð að segja í hjörtum yðar — lát ^aGuð dæma milli mín og þín og launa þér í samræmi við ^bgjörðir þínar.

12 Og þann, sem ekki iðrast synda sinna og játar þær ekki, skuluð þér leiða fyrir ^akirkjuna og breyta við hann eins og ritningarnar segja yður, annaðhvort eftir fyrirmælum eða eftir opinberun.

13 Og þetta skuluð þér gjöra Guði til dýrðar — ekki vegna þess að þér fyrirgefið ekki eða hafið enga samúð, heldur svo að þér séuð réttlættir í augum lögmálsins, að þér styggið ekki hann, sem er löggjafi yðar —

14 Sannlega segi ég, af þessum sökum skuluð þér gjöra þetta.

15 Sjá, ég, Drottinn, var reiður Ezra Booth, sem var þjónn minn, og einnig þjóni mínum Isaac Morley, því að þeir héldu hvorki lögmálið né boðorðin —

16 Þeir leituðu hins illa í hjörtum sínum og ég, Drottinn, dró anda minn í hlé. Þeir ^adæmdu það illt, sem ekki var illt. Engu að síður hef ég fyrirgefið þjóni mínum Isaac Morley.

17 Og einnig þjóni mínum ^aEdward Partridge. Sjá, hann hefur syndgað og ^bSatan leitast við að tortíma sál hans. En þegar þeim verður þetta ljóst og þeir iðrast hins illa, skal þeim fyrirgefið.

18 Og sannlega segi ég nú, að mér er nauðsyn, að þjónn minn Sidney Gilbert snúi aftur eftir nokkrar vikur til viðskipta sinna og erindisreksturs í landi Síonar —

19 Og það, sem hann hefur séð og heyrt, verði kunngjört lærisveinum mínum, svo að þeir farist ekki. Og vegna þessa hef ég mælt þetta.

20 Og enn segi ég yður, að þjónn minn Isaac Morley má ekki ^afreistast um megn fram og gefa ráðleggingar yður til skaða. Ég gaf fyrirmæli um að bújörð hans skyldi seld.

21 Ég vil ekki, að þjónn minn Frederick G. Williams selji bújörð sína, því að ég, Drottinn, vil hafa styrka fótfestu í landi Kirtlands um fimm ára skeið, og á þeim tíma mun ég ekki yfirbuga hina ranglátu, svo að ég geti þannig frelsað nokkra.

22 Og eftir það mun ég, Drottinn, ekki halda neinn ^asekan, sem með einlægu hjarta fer upp til Síonarlands, því að ég, Drottinn, krefst ^bhjartna mannanna barna.

23 Sjá, fram að ^akomu mannssonarins heitir í ^bdag og sannlega er það ^cfórnar- og tíundardagur fólks míns, því að sá, sem geldur ^dtíund, mun ekki ^ebrenna við komu hans.

24 Því að eftir þennan dag kemur ^abrennan — talað að hætti Drottins — því að sannlega segi ég, á morgun munu allir hinir ^bdramblátu og þeir, sem breyta ranglátlega, verða sem hálmleggir og ég mun brenna þá til agna, því að ég er Drottinn hersveitanna og ég hlífi engum, sem eftir verður í ^cBabýlon.

25 Ef þér þess vegna trúið mér, munuð þér vinna meðan enn heitir í dag.

26 Og ekki er rétt að þjónar mínir ^aNewel K. Whitney og Sidney Gilbert selji ^bverslun sína og eigur sínar hér, því að það er ekki viturlegt fyrr en aðrir í kirkju minni, sem enn halda kyrru fyrir á þessum stað, fara upp til Síonarlands.

27 Sjá, svo segir í lögum mínum, eða bannað er að komast í ^askuldir við óvini yðar —

28 En sjá, aldrei nokkru sinni hefur verið sagt, að Drottinn skuli ekki taka, þegar honum hentar, og greiða eins og honum þóknast.

29 Þar sem þér nú eruð erindrekar gangið þér erinda Drottins, og allt sem þér gjörið samkvæmt vilja Drottins er mál Drottins.

30 Og hann hefur sett yður til að annast hina heilögu á þessum síðustu dögum, svo að þeir hljóti ^aarf í Síonarlandi.

31 Og sjá, ég, Drottinn, boða yður, að þeir munu hljóta hann, og ^aorð mín eru örugg og ^bbregðast ei.

32 En allt verður að gerast á sínum tíma.

33 ^aÞreytist þess vegna ekki á að gjöra gott, því að þér eruð að leggja grunninn að miklu verki. Og af hinu ^bsmáa sprettur hið stóra.

34 Sjá, Drottinn ^akrefst ^bhjartans og viljugs huga, og þeir viljugu og ^cauðsveipu skulu neyta gæða Síonarlands á þessum síðustu dögum.

35 En hinir ^auppreisnargjörnu munu ^bútilokaðir úr landi Síonar og verða sendir á brott og munu ekki erfa landið.

36 Því að sannlega segi ég, að hinir uppreisnargjörnu eru ekki af blóði ^aEfraíms. Þess vegna munu þeir tíndir úr.

37 Sjá, ég, Drottinn, hef gjört kirkju mína á þessum síðustu dögum líka dómara, er situr á hæð uppi eða á háum stað og dæmir þjóðirnar.

38 Því að svo ber við, að íbúar Síonar skulu ^adæma í öllu því, sem tilheyrir Síon.

39 Og þeir munu afhjúpa lygara og hræsnara, og þeir, sem ekki eru ^apostular og spámenn, munu berir verða.

40 Og jafnvel ^abiskupinn, sem er ^bdómari, og ráðgjafar hans, ef þeir eru ekki trúir í ^cráðsmennsku sinni, munu dæmdir og ^daðrir settir í þeirra stað.

41 Því að sjá, ég segi yður, að ^aSíon mun blómstra og ^bdýrð Drottins skal hvíla á henni —

42 Og hún mun verða ^amerki fyrir fólkið, og til hennar mun það koma frá hverri þjóð undir himninum.

43 Og sá dagur kemur, að þjóðir jarðar munu ^askjálfa vegna hennar og skelfast vegna hennar ógurlegu. Drottinn hefur talað það. Amen.