1 Lisin gud, mo luk, i gat wan voes olsem wan we oli sendem long heven i kam daon, we i strong mo i gat paoa, we i stap go fored long ol en blong wol, yes, we voes blong hem i go long ol man—Yufala i mas ^amekem rere rod blong Lod, mekem ol rod blong hem oli stret gud.

2 Ol ^aki blong ^bkingdom blong God, Lod i givim wetem tras long man we i stap long wol, mo stat long ples ia, bambae gospel bae i rol i go long evri ples, kasem taem hem i fulumap ful wol, olsem wan ^dston we i kamaot hemwan long bigfala hil we i stap rol i go, kasem taem hem i gro, i ^efulumap ful wol.

3 Yes, wan voes we i talemaot laod—Yufala i mas mekem rere rod blong Lod, yufala i rere long dei blong ^akaekae blong Smol Sipsip, yufala i rere from ^bMan we Bae I Mared.

4 Prea long Lod, singaotem tabu nem blong hem, mekem man i save ol merikel wok blong hem long medel blong ol pipol.

5 Prea long Lod, se bae kingdom blong hem bae i go evri ples long wol, blong ol man we oli stap laef long hem oli save kasem kingdom ia, mo oli mekem olgeta oli rere from ol dei we oli stap kam, we Pikinini blong Man bae i aot long heven i ^akam daon, wetem ^bklos blong ^dglori blong hem we i saen gud, blong mitim ^ekingdom blong God we i stanap long wol ia.

6 Taswe, bae ^akingdom blong God bae i go evri ples, blong mekem se ^bkingdom blong heven i kam, blong Yu, O God, i save gat glori long heven mo tu, long wol, blong yu save winim ol enemi blong yu; from ona, paoa mo glori ia, oli ^dblong yu, blong oltaem mo oltaem. Amen.