Tusitusiga Paia
Mataupu Faavae ma Feagaiga 65


Vaega 65

Faaaliga faatatau i le tatalo na tuuina mai e ala mai ia Iosefa Samita le Perofeta, i Hairama, Ohaio, i le aso 30 o Oketopa, 1831.

1–2, Ua tuu mai ki o le malo o le Atua i tagata i le lalolagi, ma o le a manumalo le faamoemoe o le talalelei; 3–6, O le a oo mai le malo meleniuma o le lagi ma au faatasi ma le malo o le Atua i le lalolagi.

1 Faalogo mai ia, ma faauta, o se leo o le toatasi na auina ifo mai luga, o lē ua malosi silisili ma mamana, o lē o lona afio atu e oo atu i tuluiga o le lalolagi, ioe, o lē o lona siufofoga e oo atu i tagata—Ia outou ateuteu le auala o le Alii, ma faasa’osa’o ona ala.

2 O aki o le emalo o le Atua ua tuu atu i tagata i luga o le lalolagi, ma mai iina o le a taavale atu ai i luma le talalelei i tuluiga o le lalolagi, e pei ona o le a taavale atu le imaa na tofi mai le mauga e aunoa ma lima, seia faa otumuina ai le lalolagi atoa.

3 Ioe, o se leo o alaga atu—Ia outou teuteu le auala o le Alii, ia outou saunia le atalisuaga a le Tamai Mamoe, ia sauniuni mo le eFaatoafaiavā.

4 Tatalo atu i le Alii, valaau atu i lona suafa paia, faailoa atu ana galuega ofoofogia i totonu o tagata.

5 Valaau atu i le Alii, ina ia aga’i i luma lona malo i le lalolagi, ina ia maua e e o nonofo ai, ma ia saunia mo aso o le a oo mai, lea o le a aafio mai ai le Atalii o le Tagata o i le lagi, ua elaei i le pupula o lona imamalu, e fetaia’i ma le omalo o le Atua ua faatuina i le lalolagi.

6 O le mea lea, ia alu i luma le amalo o le Atua, ina ia oo mai le emalo o le lagi, ina ia faamamaluina oe, le Atua e, i le lagi faapea foi i le lalolagi, ina ia faatoilaloina ou fili; ona e a ioe le mamalu, mana ma le viiga, e faavavau faavavau lava. Amene.