iVolanikalou
Vunau kei na Veiyalayalati 66


Wase 66

Na veika sa vakatakilai yani mai vei Josefa Simici na Parofita mai Airame, Oaio, ena 29 ni Okotova, 1831. A vakatakekere vuni vua na Turaga o Viliame E. Makilelini me vakatakila mai vua na Parofita na isau ni lima na taro, ka sega tiko ni kila o Josefa Simici. Ena kerekere nei Makilelini, a vakatataro kina na Parofita vua na Turaga ka ciqoma na ivakatakila oqo.

1–4, Na veiyalayalati tawavakaiyalayala sai koya na taucoko ni kosipeli; 5–8, Me ra vunau, vakadinadina, ka vakamacala vei ira na tamata na italatala qase; 9–13, Na cakacaka vagumatua ena veiqaravi vakalotu ena vakadeitaki kina na noda ivotavota vakawa ena bula tawamudu.

1 Raica, sa kaya vakaoqo na Turaga vua na noqu tamata ko Viliame E. Makilelini—Ko sa kalougata ni ko sa gole tani mai na nomu caka cala, ka ciqoma na noqu dina, sa kaya na Turaga na nomu Dauveivueti, na iVakabula kei vuravura, io vei ira kecega era sa avakabauta na yacaqu.

2 Au sa kaya vakaidina vei iko, ko sa kalougata ni ko sa vakabauta na noqu aveiyalayalati tawavakaiyalayala, io na taucoko ni noqu kosipeli, sa kau yani vei ira na luve ni tamata, me ra rawata na bbula ka me yaco me ra vakaivotavota ena veika lagilagi ena vakatakilai mai ena veisiga mai muri, me vaka era a tukuna na parofita kei na iapositolo ena gauna e liu.

3 Au sa kaya vakaidina vei iko, Viliame na noqu tamata, ko sa savasava, ia sa sega ni taucoko sara; o koya, mo veivutunitaka na ka sa sega ni kilikili vei au, sa kaya na Turaga, ni na avakaraitaka vei iko na Turaga.

4 Ia oqo, koi Au na Turaga, au na vakatakila vakaidina na noqu lewa me baleti iko se na veika au sa lewa me baleti iko.

5 Raica, au sa kaya vakaidina vei iko, ni sa noqu lewa mo avunautaka yani na noqu kosipeli mai na dua na vanua ki na dua tale na vanua, ka vakakina mai na dua na koro levu ki na dua tale na koro levu, io, ena veiyasana vakavolivolita ka se bera ni vunautaki kina.

6 Mo kakua ni tiko vakadede ena veivanua oqori; tei kakua mada ni lako cake ki na vanua ko Saioni; ia kevaka e rawa ni ko vakauta eso na ka, mo vakauta; kevaka e sega kakua ni nanuma na nomu iyau.

7 aLako ki na veivanua mai na tokalau, wasea na nomu bivakadinadina ena veivanua kecega, vei ira na tamata kecega ena nodra valenilotu, io mo vakamacala kina vei ira na tamata.

8 Mo drau lako vata kei Samuela H. Simici na noqu tamata, ia mo kakua sara ni biuti koya, mo vakaroti koya ga ena ka me kitaka; ia ko koya sa yalodina ena avakaukauwataki ena ka kecega; ia koi Au na Turaga, au na sala vata tiko kei kemudrau.

9 Drau tabaki ira na tauvimate ena aligamudrau, era na bvakabulai. Drau kakua ni lesu mai, me yacova ni’u sa kacivi kemudrau mai, koi au na Turaga. Drau vosota na veika rarawa. Drau ckerekere, ka na soli vei kemudrau; drau tukituki, ka na dolavi vei kemudrau.

10 Mo kakua ni vakaosoosotaki iko. Biuta tani sara na veika kecega e sega ni dodonu. Mo kakua ni ia na aveibutakoci—na ka ko sa dau temaki rawarawa kina.

11 Mo amuria tiko na ivakavuvuli oqo, ni sa dina ka dodonu; ka mo vakalevulevuya na nomu itavi, ka biligi ira yani vakalevu na tamata ki bSaioni ena csere ni marau ka tawavakaiyalayala e uludra.

12 Mo agumatuataka na veika oqo me yacova na ivakataotioti, ena qai nomu na bisala vakatui ni bula tawamudu ena liga imatau nei Tamaqu, ko koya sa sinai ena loloma soli wale kei na dina.

13 Sa kaya vakaoqo na Turaga na nomu aKalou ka nomu Dauveivueti, io ko Jisu Karisito. Emeni.