Tusitusiga Paia
Mataupu Faavae ma Feagaiga 67


Vaega 67

Faaaliga na tuuina mai e ala mai ia Iosefa Samita le Perofeta, i Hairama, Ohaio, i le amataga o Novema 1831. O le faatasiga o se konafesi faapitoa na faia, ma le talatalaga ma le palepalega o le lomiga o faaaliga ua uma ona maua mai le Alii na ala mai i le Perofeta (tagai i le ulutala o le vaega 1). Sa faatoa faatuina lava e Viliamu W. Phelps le fale lomitusi a le Ekalesia i Initipene, Misuri. Sa tonu i le konafesi lea ia faasalalauina faaaliga i totonu o le Tusi o Poloaiga ma lomia le 10,000 kopi (lea na toe faaitiitia i le 3,000 kopi ona o faigata sa le’i mafaufauina). E toatele le au uso na tuuina mai le molimau faamaoni e faapea o faaaliga na tuufaatasi i le taimi lena mo le lomiga, ua moni lava, e pei ona molimauina e le Agaga Paia na toina mai i luga o i latou. Ua tusi faamaumau e le talafaasolopito a Iosefa Samita e faapea, ina ua uma ona maua o le faaaliga ua iloa nei o le vaega 1, e i ai ni talanoaga na faia e faatatau i le gagana na faaaoga i faaaliga. O le faaaliga lenei na sosoo mai ai.

1–3, E faafofoga mai le Alii i tatalo a Ana toeaina ma leoleo mai ia te i latou; 4–9, Ua luitauina e ia le tagata ua sili ona poto na te faaluaina se tasi o Ana faaaliga aupito itiiti; 10–14, O toeaina faamaoni o le a liua e le Agaga ma vaai i fofoga o le Atua.

1 Faauta ma faalogo mai, outou e atoeaina o la’u ekalesia, o e ua outou faapotopoto faatasi outou lava, o ē o a latou tatalo ua Ou faalogoina, ma o ē ua Ou iloa o latou loto, ma o ē o o latou manao ua oo mai i o’u luma.

2 Faauta ma tagai, ua i luga o outou o’u amata, ma o le lagi ma le lalolagi ua i o’u lima, ma o ’oa o le faavavau ua a a’u e tuu atu.

3 Sa outou taumafai e talitonu e faapea e tatau ona outou maua le faamanuiaga lea sa ofo atu ia te outou; ae faauta, e moni Ou te fai atu ia te outou, sa i ai le afefe i o outou loto, ma e moni o le pogai lea na outou lē mauaina ai.

4 Ma o lenei, o A’u, o le Alii, e tuuina atu ia te outou se amolimau o le moni o nei poloaiga ua tuuina atu i o outou luma.

5 Sa taula’i la outou vaai i la’u auauna o Iosefa Samita, Le Itiiti, ma o lana agagana ua outou iloa, ma o ona lē atoatoa ua outou iloa; ma ua outou saili i o outou loto le poto ina ia mafai ona outou faaupu ai ia sili atu i lana gagana; o lenei mea ua outou iloa foi.

6 O lenei, ia outou saili mai i totonu o le Tusi o Poloaiga, se faaaliga aupito itiiti lava o i ai i totonu o ia faaaliga, ma tofi o ia o lē ua sili ona aatamai i totonu o outou;

7 Pe, afai e i ai se tasi i totonu o outou e mafai ona faia se tasi e pei o lena faaaliga, ona ta’uamiotonuina lea o outou i le fai mai e faapea ua outou lē iloa ua moni i latou;

8 Ae afai e lē mafai ona outou faia se tasi e pei o lena faaaliga, ua i ai outou i le ta’usalaga pe afai tou te lē amolimau atu ua moni i latou.

9 Ona ua outou iloa ua leai se amioletonu ua i ai i totonu o i latou, ma o le mea e aamiotonu e alu ifo mai lugā, mai le Tamā o emalamalama.

10 O lenei foi, e moni Ou te fai atu ia te outou, o lo outou avanoa, ma Ou te tuu atu ia te outou o e ua faauuina i lenei auaunaga se folafolaga, e tusa ai ma lo outou tafi esea mai ia outou lava le afuā ma eatuatuvalega, ma ifaamaualalo outou lava i o’u luma, ona ua lē lava lo outou lotomaualalo, o le a saeluaina le oveli ma o le a outou uvaai mai ia te a’u ma iloa A’u—e lē i le mafaufau faaletino pe faalenatura, ae i le faaleagaga.

11 Aua e leai se atagata na vaai i le Atua i soo se taimi i la le tino, vagana ai na liuaina e le Agaga o le Atua.

12 Pe mafai foi e se atagata natura ona ola ai i le mamalu o le Atua, pe i le mafaufau faaletino.

13 E lē mafai ona outou tumau ai i le mamalu o le Atua i le taimi nei, po o le auaunaga a agelu; o le mea lea, ia outou faaauau pea i le aonosai seia efaaatoatoaina outou.

14 Aua le tuua o outou mafaufau e fuli i tua; ma a outou aagavaa, o le a outou vaai ma iloa, i la’u lava taimi e tatau ai, le mea na faaee i o outou luga e lima o la’u auauna o Iosefa Samita, Le Itiiti. Amene.