1 Ti katulongak, a ni Orson Hyde, natudingan babaen ti pannakaordenna a mangipakdaar iti agnanayon nga ebanghelio, babaen ti ^aEspiritu ti sibibiag a Dios, iti tunggal tao, ken tunggal daga, kadagiti pagtitiponan dagiti nadangkes, kadagiti sinagogada, a mangikalintegan ken mangilawlawag kadakuada kadagiti amin a nasantuan a kasuratan.

2 Ket, adtoy, ket imutektekan, pagarigan daytoy dagiti amin a naordenan iti daytoy a kinasaserdote, a naituding nga ituloyda ti misionda—

3 Ket daytoy ti pagarigan kadakuada, nga ^aagsaoda bayat ti panangtignay kadakuada ti Espiritu Santo.

4 Ket ania man ti sawenda no tignayen ida ti ^aEspiritu Santo agbalin a nasantuan a kasuratan, agbalin a pagayatan ti Apo, agbalin a panunot ti Apo, agbalin a balikas ti Apo, agbalin a timek ti Apo, ken ^bbileg ti Dios iti pannakaisalakan.

5 Adtoy, daytoy ti kari ti Apo kadakayo, O dakayo a katulongak.

6 Gapuna, agragsakkayo, ket saankayo nga ^aagbuteng, ta siak nga Apo adda kadakayo, ket agtakderakto iti abayyo; ket paneknekandakto, a siak ni Jesucristo, a siak ti Anak ti sibibiag a Dios, a siak idi, a siak ita, ken siak ti umay.

7 Daytoy ti balikas ti Apo kenka, katulongak nga ^aOrson Hyde, ken kasta met iti katulongak a ni Luke Johnson, ken iti katulongak a ni Lyman Johnson, ken iti katulongak a ni William E. McLellin, ken kadagiti amin a napudno nga elder ti simbaanko—

8 ^aMapankayo iti intero a lubong, ^bikasabayo ti ebanghelio iti tunggal ^cparsua, nga agtignay iti ^dturay nga intedko kadakayo, a ^emamuniag iti nagan ti Ama, ken ti Anak, ken ti Espiritu Santo.

9 Ket isu a ^amamati ken mabuniagan ^bmaisalakanto, ket isu a di mamati ^cmailunodto.

10 Ket isu a mamati mabendisionanto kadagiti sumaruno a ^atanda, a kas iti naisurat.

11 Ket kadakayo maitedto a pakaammuanyo kadagiti ^atanda dagiti panawen, ken dagiti tanda iti yaay ti Anak ti Tao;

12 Ket adunto ti mamaneknek a kas iti Ama, kadakayo maitedto ti bileg a ^amamaglalantip kadakuada iti agnanayon a biag. Amen.

13 Ket ita, maipanggep kadagiti banag a mainayon kadagiti katulagan ken bilin, dagitoyda—

14 Addanto mabati kalpasanna, iti naituding a panawen ti Apo, a sabali nga ^aobispo a mapatalgedan iti simbaan, a mangiturong a kas iti immuna;

15 Gapuna ^anangatodanto a saserdote a maikari, ket matudingandanto babaen ti ^bUmuna a Panguluen ti Kinasaserdote a Melchizedek, malaksid no pudno nga an-annabo ida ni ^cAaron.

16 Ket no pudno nga an-annabo ida ni ^aAaron adda kalinteganda iti pagobispuan, no isuda dagiti inauna kadagiti lallaki nga annak ni Aaron;

17 Ta kalintegan ti inauna ti agpangulo iti daytoy a kinasaserdote, ken kadagiti ^atulbek wenno turay ti isu met laeng.

18 Awan ti asino man a tao nga addaan iti kalintegan iti daytoy nga akem, a mangiggem kadagiti tulbek daytoy a kinasaserdote, malaksid no pudno nga ^aan-annabo ken inauna ni Aaron.

19 Ngem, kas ^anangato a saserdote iti Kinasaserdote a Melchizedek adda turayna a mangiwardas kadagiti amin a nababbaba a takem nga iwardasna iti takem ti ^bobispo no awan ti pudno nga an-annabo ni Aaron a masarakan, no la ketdi maawagan ken mapatalgedan ken maordenan iti daytoy a bileg, kadagiti ima ti Umuna a Panguluen ti Kinasaserdote a Melchizedek.

20 Ket ti pudno nga an-annabo ni Aaron, met, nasken a madutokan babaen daytoy a Panguluen, ken mapaneknekan a maikari, ket ^amatudingan, ken ^bmaordenan babaen dagiti ima daytoy a Panguluen, no saan saanda a nainkalintegan a napusgan a mangiwardas iti kinasaserdoteda.

21 Ngem, babaen ti paulog maipanggep iti kalinteganda iti kinasaserdote manipud iti ama nga agpababa iti anak, mabalinda a tuntonen ti pannakatudingda no iti ania man a panawen mapaneknekanda ti nagtaudanda, wenno mapaneknekan babaen ti paltiing manipud iti Apo babaen dagiti ima iti naagapad a nagan ti Panguluen.

22 Ket manen, awan ti obispo wenno nangato a saserdote a mapatalgedan iti daytoy a panagserbi ti masubok wenno mapabasol iti ania man a krimen, malaksid iti sango ti ^aUmuna a Panguluen ti simbaan;

23 Ket no la ketdi mapaneknekan a nagbasol iti sango daytoy a Panguluen, babaen ti pammaneknek a saan a marubsi, madusanto;

24 Ket no agbabawi ^amapakawanto, a maibatay kadagiti katulagan ken bilin ti simbaan.

25 Ket manen, no la ketdi adda annak dagiti ^anagannak iti Zion, wenno iti sadino man nga ^bistaka a nabangon, a dida ^cisuro nga umawat iti doktrina ti panagbabawi, pammati ken ni Cristo nga Anak ti sibibiag a Dios, ken iti panagbuniag ken ti sagut ti Espiritu Santo babaen ti panangipatay kadagiti dakulap, no ^dwalon ti tawenna, dagiti nagannak ti pakaipabaklayan ti ^ebasol.

26 Ta daytoyto ti paglintegan kadagiti agindeg iti ^aZion, wenno iti ania man kadagiti istakana a nabangon.

27 Ket ^amabuniaganto dagiti annakda para iti ^bpannakaugas dagiti basolda no agtawendan iti ^cwalo, ket awatenda ti pannakaipatay dagiti dakulap.

28 Ken isurodanto met dagiti annakda nga ^aagkararag, ken magna a sililinteg iti imatang ti Apo.

29 Ken ngilinen met dagiti agindeg iti Zion ti ^aAldaw a Panaginana tapno mapagtalinaedda a nasantuan.

30 Ken kasta met a laglagipento dagiti agindeg iti Zion dagiti trabahoda, no ta matudinganda nga agtrabaho, iti amin a kinapudno; ta mapalagipanto dagiti sadut iti imatang ti Apo.

31 Ita, siak, ti Apo, saanak unay a maragsakan kadagiti agindeg iti Zion, ta adda ^adagiti sadut kadakuada; ken kasta met a dumakdakkel dagiti annakda iti ^bkinadangkes; saanda met a napasnek a ^cmangtunton iti kinabaknang ti kinaagnanayon, ngem napno dagiti matada iti kinaagum.

32 Saan koma a kastoy dagitoy a banag, ket nasken nga isardengda koman; gapuna, paidanonyo iti katulongak a ni Oliver Cowdery dagitoy a balikas iti daga ti Zion.

33 Ket itedko kadakuada ti bilin—nga isu a di agtungpal kadagiti ^akararagna iti imatang ti Apo iti dayta a panawen, ^bpalagipanyonto ida iti imatang ti ukom dagiti taok.

34 Pudno ken napudno dagitoy a ^abalikas; gapuna, diyo ida pagbasolan, wenno ^bkerrasan.

35 Adtoy, siak ti ^aAlpha ken Omega, ket ^bumayak a di agtantan. Amen.