Dagiti Nasantuan a Kasuratan
Doktrina ken Katulagan 69


Benneg 69

Paltiing a naited babaen ni Joseph Smith a Propeta, iti Hiram, Ohio, idi Nobiembre 1831 (History of the Church, 1:234–235). Naidatag ti pannakaurnong dagiti paltiing a naisangrat a para iti nasapa a pannakaipablaakna iti naisangsangayan a taripnong iti 1 ti Nobiembre. Idi 3 ti Nobiembre, nainayon ti makita ditoy a paltiing a kas benneg 133, ket maawagan iti Apendiks. Babaen ti aramid iti taripnong, natudingan ni Oliver Cowdery a mangipan iti manuskrito dagiti naurnong a paltiing ken bilin iti Independence, Missouri, tapno maimaldit. Intugotna met ti kuarta a nayabuloy a para iti pannakaipatakder ti Simbaan iti Missouri. Gapu ta iti panagdaliasatna aglasat iti awan pay matagtagitao a pagilian a mangiturong kenkuana iti sibilisado a lugar, nasken ti kaduana nga agdaliasat.

1–2, Kuyogen ni John Whitmer ni Oliver Cowdery a mapan iti Missouri; 3–8, Mangasaba met ken agur-or, agilista, ken agsurat iti pakaammuan iti paspasamak.

1 Imdengandak, kuna ti Apo a Diosyo, para iti pagimbagan ti katulongak a ni aOliver Cowdery. Saan a nainsiriban kaniak a maitalek kenkuana dagiti bilin ken kuarta nga imetanna a mapan iti daga ti Zion, malaksid no adda maysa a kaduana a pudno ken napudno.

2 Gapuna, siak, ti Apo, pagayatak a ti katulongak, a ni aJohn Whitmer, kuyogenna ti katulongak a ni Oliver Cowdery;

3 Ken kasta met nga ituloyna ti agsurat ken agaramid iti apakasaritaan dagiti amin a napateg a banag a tungpalen ken ammuennanto maipanggep iti simbaanko;

4 Ken kasta met nga umawat iti apammagbaga ken pannarabay manipud iti katulongak a ni Oliver Cowdery ken dadduma pay.

5 Ken kasta met, dagiti katulongak nga adda iti ganggannaet a daga nasken nga ipatulodda dagiti pakaammoda kadagiti apanagaywanda iti daga ti Zion;

6 Ta tinto daga ti Zion ti tugaw ken lugar nga umawat ken mangaramid kadagitoy amin a banag.

7 Nupay kasta, pagdaliasatenyo ni katulongak a John Whitmer iti mamin-adu a daras iti nadumaduma a luglugar, ken nadumaduma a simbaan, tapno ad-adu ti magun-odna a pannakaammo—

8 Mangasaba ken manglawlawag, mangisurat, mangsakar, mangpili, ken manggun-od kadagiti amin a banag a para iti pagimbaganto ti simbaan, ken dagiti tumanor a kaputotan a dumakkelto iti daga ti aZion, a mangtagikua iti daytoy manipud kadagiti sumarsaruno a kaputotan, iti agnanayon nga awan inggana. Amen.