Tusitusiga Paia
Mataupu Faavae ma Feagaiga 7


Vaega 7

Faaaliga na tuuina mai ia Iosefa Samita le Perofeta ma Oliva Kaotui, i Haramoni, Penisilevania, Aperila 1829, ina ua la ole atu e ala atu i le Urima ma le Tumena e uiga ia Ioane le soo pele, pe na ola pea i le tino, pe na maliu. O le faaaliga lenei o se faaliliuga o le talafaamaumau na tusia e Ioane i se pa’u manu ma natia e ia lava.

1–3, O le a ola pea Ioane le Pele seia afio mai le Alii; 4–8, Ua umia e Peteru, Iakopo, ma Ioane ki o le talalelei.

1 Ma sa fetalai mai le Alii ia te a’u: aIoane e, la’u pele, o le a le mea e te emanao i ai? Aua afai e te ole mai i se mea ua e manao i ai, o le a tuu atu ia te oe.

2 Ma sa ou fai atu ia te ia: Le Alii e, tuu mai ia te a’u le mana i luga o le aoti, ina ia mafai ona ou ola ma aumai agaga ia te oe.

3 Ma sa fetalai mai le Alii ia te a’u: E moni, e moni, Ou te fai atu ia te oe, ona ua e manao mai i lenei mea, o le a e aola pea ma evavalo atu i luma o atunuu, ituaiga, gagana ma nuu, seia Ou sau i lo’u imamalu.

4 Ma o le pogai lenei na fetalai atu ai le Alii ia Peteru: Afai Ou te loto ia ola pea o ia seia Ou sau, o le a lena mea ia te oe? Ona ua manao mai o ia ia te a’u ia mafai ona ia aumai agaga ia te a’u, ae o oe, ua e manao ia vave ona e sau ia te a’u i lo’u amalo.

5 Ou te fai atu ia te oe, Peteru, sa o se manao lelei lea; ae o la’u pele, ua manao ia faia e ia ni isi mea e tele atu, po o se galuega e lei faia i totonu o tagata e tele atu nai lo mea na ia faia muamua.

6 Ioe, ua ia tauaveina se galuega tele atu; o lea o le a Ou faia ai o ia o se afi mumū ma se agelu aauauna atu; o le a auauna atu o ia mo i latou o e e nonofo i luga o le elalolagi o e o le a avea ma isuli o le olataga.

7 Ma o le a Ou faia oe e auauna atu mo ia ma mo lou uso o Iakopo; ma o outou ia e toatolu o le a Ou tuu atu i ai lenei mana ma aki o lenei auaunaga seia Ou sau.

8 E moni Ou te fai atu ia te oulua, o le a oulua maua e tusa ma o oulua manao, ona ua oulua aolioli uma i mea ua oulua mananao i ai.