Benneg 70
Paltiing a naited babaen ni Joseph Smith a Propeta, iti Kirtland, Ohio, idi 12 ti Nobiembre 1831 (History of the Church, 1:235–237). Nailanad iti pakasaritaan nga insurat ti Propeta nga uppat a naisangsangayan a taripnong ti naangay manipud iti umuna agingga iti maika-12 nga aldaw ti Nobiembre, a nagsasaganad. Iti naudi kadagitoy a panaguummong, napagsasaritaan ti dakkel a kaipapanan ti Libro dagiti Bilin, a naawagan idi agangay iti Doktrina ken Katulagan; ket inladawan ti Propeta a kas “pamuon ti Simbaan kadagitoy maudi nga aldaw, ket pagsayaatan ti lubong, mangipakita a naitalek manen iti tao dagiti tulbek dagiti kinadatdatlag iti pagarian ti Mangisalakantayo” (History of the Church, 1:235).
1–5, Matudingan dagiti agaywan a mangipablaak kadagiti paltiing; 6–13, Maikari nga umawat iti tangdan dagiti agtrabaho kadagiti naespirituan a banag; 14–18, Nasken nga agpapatas dagiti Santo kadagiti naindagaan a banag.
1 Adtoy, ket imdenganyo, O dakayo nga agindeg iti Zion, ken dakayo amin a tattao ti simbaanko nga adda iti adayo, ket denggenyo ti balikas ti Apo nga intedko iti katulongak a ni Joseph Smith, Jun., ken kasta met iti katulongak a ni Martin Harris, ken kasta met iti katulongak a ni Oliver Cowdery, ken kasta met iti katulongak a ni John Whitmer, ken kasta met iti katulongak a ni Sidney Rigdon, ken kasta met iti katulongak a ni William W. Phelps, babaen ti wagas ti pammilin kadakuada.
2 Ta mangtedak kadakuada iti bilin; gapuna imdengan ken denggenyo, ta kastoy ti kuna ti Apo kadakuada—
3 Siak, ti Apo, tinudingakon ida, ken inordenak ida nga aagaywan kadagiti paltiing ken bilin nga intedko kadakuada, ken itedkonto pay kadakuada.
4 Ket sapulekto kadakuada ti pakaammo iti daytoy a panagaywan iti aldaw a panangukom.
5 Gapuna, intudingko kadakuada, ket daytoy ti rebbengenda iti simbaan ti Dios, a mangiturong kadakuada ken dagiti maseknan iti daytoy, wen, dagiti pagsayaatan iti daytoy.
6 Gapuna, mangtedak kadakuada iti bilin, a saanda nga ited dagitoy a banag iti simbaan, wenno iti lubong;
7 Nupay kasta, no la ketdi umawatda iti ad-adu ngem iti kasapulan ken ti kayatda, maitedto daytoy iti apagidulinak;
8 Ket maikkan-pategto dagiti pagimbagan nga agpaay kadagiti agindeg iti Zion, ken kadagiti kaputotanda, no la ketdi agbalinda nga aagtawid a maibatay kadagiti paglintegan iti pagarian.
9 Adtoy, daytoy ti kasapulan ti Apo iti tunggal tao iti aaywanna, a kas siak, ti Apo, intudingko wenno itudingkonto kalpasanna iti asino man a tao.
10 Ket adtoy, awan ti di mairaman iti daytoy a paglintegan a kameng ti simbaan ti sibibiag a Dios;
11 Wen, uray pay ti obispo, uray pay ti amangibagi nga agaywan iti pagidulinan ti Apo, uray pay ti natudingan nga agaywan kadagiti naindagaan a banag.
12 Isu a natudingan a mangiturong kadagiti naespirituan a banag, amaikari met nga umawat iti tangdan, uray pay ti natudingan nga agaywan a mangiturong kadagiti naindagaan a banag;
13 Wen, nga ad-adu pay, kinabuslon a napaadu kadakuada babaen dagiti panangipakita ti Espiritu.
14 Nupay kasta, aagpapataskayo kadagiti naindagaan a banag, ket aramidenyo nga awan tukiad, no saan matengngel ti kaadu dagiti ipakita ti Espiritu.
15 Ita, itedko daytoy a abilin kadagiti katulongak a para iti pagimbaganda bayat ti panagbatida, para iti pannakaipakita dagiti paraburko iti uloda, ken para iti gunggonada iti bkinaregtada ken para iti talgedda;
16 Para iti taraon ken para iti aaruaten; para iti tawid; para kadagiti balay ken para iti dagdaga, iti ania man a pakasapulan siak, ti Apo, ikabilkonto ida, ket iti sadino man siak, ti Apo, ibaonkonto ida.
17 Ta napudnoda iti aadu a banag, ken naaramidda a nasayaat babaen ti dida panagbasol.
18 Adtoy, siak, ti Apo, amanangngaasiak ket bendisionakto ida, ket maragpatdanto ti rag-o kadagitoy a banag. Pudno a kasta. Amen.