Tusitusiga Paia
Mataupu Faavae ma Feagaiga 74


Vaega 74

Faaaliga na tuuina mai ia Iosefa Samita le Perofeta, i le Itumalo o Wayne, Niu Ioka, i le 1830. E oo lava i le taimi a o le’i faatulagaina le Ekalesia, na i ai fesili sa tula’i mai e uiga i le faiga sa’o o le papatisoga, lea na ta’ita’i atu ai le Perofeta e saili tali e uiga i le mataupu. Ua faapea mai le talafaasolopito o Iosefa Samita o le faaaliga lenei o se faamalamalamaga o le 1 Korinito 7:14, o se tusitusiga paia na masani ona faaaoga e faamaonia ai le papatisoina o tamaiti.

1–5, Ua fautua e Paulo le Ekalesia o ona aso ia latou lē tausia le tulafono a Mose; 6–7, O fanau laiti ua paia ma ua faamamāina e ala i le Togiola.

1 Auā o le tane lē atalitonu e faapaiaina i le avā, ma o le avā lē talitonu e faapaiaina i le tane; a na lē o lea po ua lē mamā a outou fanau, a’o lenei ua paia i latou.

2 O lenei, i aso o aposetolo sa i ai le tulafono o le peritomeina i totonu o tagata Iutaia uma o e sa lē talitonu i le talalelei a Iesu Keriso.

3 Ma sa oo ina tula’i mai se afinauga tele i totonu o tagata e uiga i le tulafono o le eperitomeina, ona sa manao le tane lē talitonu ia peritomeina lana fanau ma pulea i lalo o le itulafono a Mose, o se tulafono ua faataunuuina.

4 Ma sa oo ina o fanau, sa tausi a’e i latou i lalo o le tulafono a Mose, sa gaua’i atu i atu masani a o latou tamā ma lē talitonu ai i le talalelei a Iesu Keriso, lea na lē paia ai i latou.

5 O le mea lea, o le pogai lenei na tusi atu ai le aposetolo i le ekalesia, ma tuu atu ia te i latou se poloaiga, e lē mai le Alii, ae mai ia te ia lava, e faapea e lē tatau i se ua talitonu ona afaatasia ma se ua lē talitonu; vaganā ai ua aveese le etulafono a Mose mai ia te i la’ua,

6 Ina ia mafai ona tumau pea a la’ua fanau e aunoa ma le peritomeina; ma ina ia mafai ona aveesea le tu, lea ua fai mai e faapea ua lē paia fanau laiti; ona sa i ai lea tu i totonu o tagata Iutaia;

7 Peitai ua apaia efanau laiti, ona ua ifaapaiaina i latou e ala i le otogiola a Iesu Keriso; ma o le uiga lea o tusitusiga paia.