Tusitusiga Paia
Mataupu Faavae ma Feagaiga 75


Vaega 75

Faaaliga na tuuina mai e ala mai ia Iosefa Samita le Perofeta, i Amherst, Ohaio, i le aso 25 o Ianuari, 1832. O le vaega lenei ua tuufaatasia ai faaaliga eseese e lua (o le muamua o loo i le fuaiupu 1 e o’o i le 22 ma le lona lua i le fuaiupu 23 e o’o i le 36) na tuuina mai i le aso lava e tasi. O le faatasiga o se konafesi lea na lagolagoina ma faauuina ai Iosefa Samita e avea ma Peresitene o le Perisitua Maualuga. Sa i ai ni isi o toeaina sa mananao e a’oa’o atili e faatatau i o latou tiute tonu i le taimi lea. O faaaliga nei na sosoo mai ai.

1–5, O toeaina faamaoni o e e tala’i atu le talalelei o le a latou maua le ola e faavavau; 6–12, Tatalo ia maua le Fesoasoani, o lē na te a’oa’o mai mea uma; 13–22, O le a faamasino toeaina ia te i latou o e e teena la latou savali; 23–36, Ia maua e aiga o faifeautalai le fesoasoani mai le Ekalesia.

1 E Moni, e moni, Ou te fai atu ia te outou, o A’u o lē o tautala atu e ala lava i le aleo o lo’u Agaga, o le eAlefa ma le Omeka lava lea, lo outou Alii ma lo outou Atua—

2 Faalogo mai ia, E outou e o ē ua tuuina mai o outou igoa tou te o atu e tala’i atu la’u talalelei, ma ateu lo’u etovine.

3 Faauta, Ou te fai atu ia te outou, o lo’u loto e tatau ona outou o atu ma aua le faatuai, pe afaapaie, ae galulue ma lo outou malosi—

4 Ma siitia a’e i luga o outou leo e pei o le leo o se pu, ma atala’i atu le eupumoni e tusa ma faaaliga ma poloaiga ua Ou tuuina atu ia te outou.

5 Ma o lea, afai tou te faamaoni, o le a faaee ia outou afusisaito e tele, ma efaapaleina i le iviiga, ma le omamalu, ma le utino ola pea, ma le fola e faavavau.

6 O lea, e moni Ou te fai atu i la’u auauna o Viliamu E. McLellin, ua Ou atoesea le tofiga na Ou tuu atu ia te ia e alu i itu-laueleele i sasa’e;

7 Ma Ou te tuu atu ia te ia se tofiga fou ma se poloaiga fou, lea ua aa’oa’i ai o ia e A’u, o le Alii, ona o emuimuiga o lona loto;

8 Ma sa agasala o ia; ae ui i lea, Ou te faamagalo atu ia te ia ma toe fai atu ia te ia, Ia e alu i laueleele i saute.

9 Ma tuu atu i la’u auauna o Luka Johnson e o faatasi ma ia, ma folafola atu mea ua Ou poloaiina ai i la’ua—

10 Ma valaau atu i le suafa o le Alii mo le aFesoasoani, lea o le a a’oa’o atu i la’ua i mea uma e tatau ai mo i la’ua—

11 Ma atatalo e lē aunoa ina ia la’ua lē vaivai; ma e tusa ai ma lo la faia o lenei mea, o le a Ou faatasi ma i la’ua e oo lava i le iuga.

12 Faauta, o le finagalo lenei o le Alii lo oulua Atua e faatatau ia te oulua. Ua faapea lava. Amene.

13 O lenei foi, e moni ua faapea ona fetalai mai o le Alii, ia tuu atu i la’u auauna o aOrson Hyde ma la’u auauna o eSamuel H. Samita, e alu la la’ua malaga i laueleele i sasa’e, ma folafola atu mea ua Ou poloaiina ai i la’ua; ma e tusa ai ma lo la’ua faamaoni, faauta, o le a Ou ifaatasi ma i la’ua e oo lava i le iuga.

14 O lenei foi, e moni Ou te fai atu i la’u auauna o Lyman Johnson, ma i la’u auauna o aOrson Pratt, ia alu foi la la’ua malaga i laueleele i sasa’e; ma faauta, ma tagai, ua Ou faatasi foi ma i la’ua, e oo lava i le iuga.

15 O lenei foi, Ou te fai atu i la’u auauna o Asa Dodds, ma i la’u auauna o Calves Wilson, ia alu foi la la’ua malaga i laueleele i sisifo, ma folafola atu la’u talalelei, e pei lava ona Ou poloaiina ai i la’ua.

16 Ma o ia o lē e faamaoni o le a manumalo i mea uma, ma o le a asiitia a’e i luga i le aso gataaga.

17 O lenei foi, Ou te fai atu i la’u auauna o Major N. Ashley, ma la’u auauna o Burr Riggs, ia tuu atu ia te i la’ua e alu foi la la’ua malaga i laueleele i saute.

18 Ioe, ia tuu atu ia te i latou uma na, e o a latou malaga, e pei ona Ou poloaiina ai i latou, ma o atu mai lea fale i lea fale, ma mai lea nuu i lea nuu, ma mai lea aai i lea aai.

19 Ma i soo se fale tou te ulu atu i ai, ma latou talia outou, ia tuu atu la outou faamanuiaga i luga o lena fale.

20 Ma i soo se fale tou te ulu atu i ai, ma latou lē talia outou, ia faataalise ona outou o ese mai lena fale, ma atūtū ese le efuefu o o outou vae o se molimau e faasaga ia te i latou.

21 Ma o le a faatutumulia outou i le aolioli ma le fiafia; ma ia outou iloa le mea lenei, i le aso o le faamasinoga, o le a avea outou ma efaamasino o lena fale, ma ta’usalaina i latou;

22 Ma o le a sili ona gafatiaina e tagata faapaupau i le aso o le faamasinoga, nai lo lena fale; o lea, ia afusi o outou sulugatiti ma faamaoni, ma o le a outou manumalo i mea uma, ma siitia a’e i luga i le aso gataaga. E faapea lava. Amene.

23 O lenei foi, ua faapea ona fetalai mai o le Alii ia te outou, Eoutou e toeaina o la’u ekalesia, o e ua tuuina mai o outou igoa ina ia outou iloa lona finagalo e faatatau ia te outou—

24 Faauta, Ou te fai atu ia te outou, o le tiute o le ekalesia le fesoasoani i le tausiga o aiga o i latou na, ma le tausia foi o aiga o i latou o e ua valaaulia ma tatau ona auina atu i le lalolagi e folafola atu le talalelei i le lalolagi.

25 O le mea lea, o A’u, o le Alii, Ou te tuu atu ia te outou le poloaiga lenei, ia outou maua ni nofoaga mo o outou aiga, e tusa ai ma le malilie o outou uso e tatala o latou loto.

26 Ma ia tuu atu ia te i latou uma faapena o e e mafai ona maua ni nofoaga mo o latou aiga, ma le lagolago a le ekalesia mo i latou, ia aua ne’i lē o atu i le lalolagi, pe i sasa’e po o sisifo, po o matu, po o saute.

27 Ia tuu atu ia te i latou e ole mai ma o le a latou maua, tu’itu’i mai ma o le a tatala atu ia te i latou, ma faailoa atu mai lugā, e le aFesoasoani lava, le mea latou te o i ai.

28 O lenei foi, e moni Ou te fai atu ia te outou, o alii taitoatasi ua ia te ia le tiute e afai mea mo lona lava eaiga, ia tuu atu ia te ia e fai, ma o le a leai se ala o le a lē maua ai e ia lona pale; ma ia tuu atu ia te ia e galue i le ekalesia.

29 Tuu atu i tagata taitoatasi ia afiligā i mea uma. Ma o elē e paiē o le a leai sona tulaga i le ekalesia, vaganā ai ua salamo o ia ma suia ona ala.

30 O le mea lea, ia tuu atu i la’u auauna o Simeon Carter ma la’u auauna o Emer Harisi ia faatasia i le galuega;

31 Ma la’u auauna foi o Ezra Thayre ma la’u auauna o aThomas B. Marsh;

32 Ma la’u auauna foi o Ailama Samita ma la’u auauna o Reynolds Cahoon;

33 Ma la’u auauna foi o Daniel Stanton ma la’u auauna o Seymour Brunson;

34 Ma la’u auauna foi o Sylvester Samita ma la’u auauna o Kitiona Kata;

35 Ma la’u auauna foi o Ruggles Eames ma la’u auauna o Stephen Burnett;

36 Ma la’u auauna foi o Micah B. Welton ma la’u auauna foi o Eden Samita. Ia faapea lava. Amene.