Jeje Ko Rekwojarjar
Katak im Bujen Ko 78


Jekjōn 78

Revelesōn letok kōn Josep Smith Rikanaan eo, ilo Kirtland, Ohio, M̧aaj 1, 1832. Ilo raan eo, Rikanaan eo im ritōl ro jet rekar kukļo̧k n̄an ekōnono kōn jerbal ko an Kabun̄ in. Revelesōn in jinointata ekar tōl Rikanaan eo, Sidney Rigdon, im Newel K. Whitney n̄an etal n̄an Missouri im kajutak kijejeto ko kōn wiakake im kōm̧m̧an bok ko (mercantile im publishing) jān ejaake juon “kumi” eo enaaj kar lali kōttōpar kein, im kwaļo̧k jāān ko n̄an kajutake Zaion im em̧m̧anļo̧k eo an ro rijeramōl. Kumi in, eo kar etan Kumi in Bōrokuk kar kajutake ilo Eprōļ 1832 im kar mejaļļok ilo 1834 eo (lale jekjōn 82). Jet iien ālkin mejal eo an, iumin tōl an Josep Smith, naan in “jerbal ko an m̧ōn kakkwōn eo n̄an rijeramōl” ekar bōk jikin “imōn wiakake im jikin kōm̧m̧an bok” (mercantile im publishing establishments) ilo revelesōn in, im naan eo “koņ” ekar bōk jikin naan eo “kumi.”

1–4, Ro Rekwōjarjar reaikuj karōke im kajutak juon im̧ōn ko̧koņ; 5–12, Mālōtlōt ilo wāween kōjerbali men ko m̧weiier enaaj tōlļo̧k n̄an lo̧mo̧o̧r; 13–14, Kabun̄ ej eaikuj in jutakļo̧k make ian jān kajoor ko an laļ; 15–16, Maikeel (Adam) ej jerbal ium̧win tōl an Eo Ekwōjarjar (Kraist); 17–22, Em̧ōņōņō ro rej lōke, bwe renaaj jolōte aolep men otemjeļo̧k.

1 Irooj eaar kōnono n̄an Josep Smith, Jun., im ba: Kwōn eo̧ron̄e Eō, Irooj am Anij ej ba, ro kar kapit er n̄an apriesthood eo eutiej an kabun̄ eo Aō, ro rekar kuktok ippān doon;

2 Im ron̄jake akapilōk an Eo eaar bkapit kom̧ jān ijo eutiej, eo Enaaj kōnono ilo lo̧jiln̄ōmi naan ko in mālōtlōt, bwe lo̧mo̧o̧r en maron̄ n̄an kom̧ ilo men eo me kom̧ ar jakem̧aantak Im̧aō, Irooj Anij ej ba.

3 Bwe em̧ool Ij ba n̄an kom̧, iien eo emoottok, im ej kiiō epaak; im lo, im lo, emennin aikuj bwe en wōr juon akarkan armej ro Aō, ilo kajeikik im kajutaki jerbal ko an bim̧ōn ko̧koņ eo n̄an ro crejeram̧ōl in armej ro Aō, jim̧or ilo jikin in im ilo āneen dZaion

4 Kōn juon kajutak im koņ ban bar kōm̧akūti im ejjeļo̧k jem̧ļo̧kin n̄an kabun̄ in Aō, n̄an iuunm̧aanļo̧k jibadbad in, eo kom̧ ar atbo̧kwōje, n̄an lo̧mo̧o̧r eo an armej, im n̄an aiboojoj eo an Jemāmi eo ej pād ilan̄;

5 Bwe kom̧in maron̄ ajon̄an wōt juon ilo lokjak ko an men ko an lan̄, aaet, im men ko an laļ barāinwōt, n̄an bōki men ko an lan̄.

6 Bwe eļan̄n̄e kom̧ij jab jon̄an wōt juon ilo men ko an laļ kom̧ij jab maron̄ jon̄an wōt juon ilo bōki men ko an lan̄;

7 Bwe eļan̄n̄e kom̧ kōņaan bwe In lewōj n̄an kom̧ juon jikin ilo laļ eo aselestial, kom̧ij aikuj bkōpooj kom̧ jān ckōm̧m̧ani men ko me Iaar jiron̄ kom̧ im aikuji jān kom̧.

8 Im kiiō, em̧ool āindein Irooj ej ba, emennin aikuj bwe aolep men ko otemjeļo̧k ren kōm̧m̧an n̄an aaiboojoj eo Aō, jān kom̧ ro rej koba ippān doon ilo bkoņ in;

9 Ak, ilo bar jet naan, rikarejera Newel K. Whitney im rikarejera Josep Smith, Jun., im rikarejera Sidney Rigdon ren jijet ilo ko̧o̧njeļ ippān ro rekwōjarjar rej pād ilo Zaion;

10 Eļan̄n̄e jaab aSetan ej kappukot n̄an ukōt burueer ļo̧k jān m̧ool eo, bwe ren maron̄ pilo im jab meļeļe men ko me em̧ōj kōpooji n̄an er.

11 Kōn menin, juon kien Ij lewōj n̄an kom̧, n̄an m̧aanjāppopo im karōke kom̧ make kōn juon koņ ak abujen ejjeļo̧k jem̧ļo̧kin im eban rup.

12 Im eo ej rupe enaaj m̧wijkōk jān opij eo an im jekjek eo an ilo kabun̄ in, im naaj leļo̧k n̄an akaen̄tanaan ko an Setan m̧ae raan in lo̧mo̧o̧ren.

13 Lo, en̄in ej m̧aanjāppopo eo Iaar kōpooje n̄an kom̧, im pedped eo, im waanjon̄ok eo me Ij lewōj n̄an kom̧, jān e kom̧ maron̄ kōtōpraki kien ko me kar liwōj n̄an kom̧;

14 Bwe kōn Aō lale, jekdo̧o̧n aen̄taan ko me renaaj wanlaļtak ioomi, bwe kabun̄ eo en maron̄ jutak make ian ilōn̄in aolep mennin mour otemjeļo̧k ium̧win laļ selestial;

15 Bwe kom̧in maron̄ wanlōn̄tak n̄an akūrawūn eo kōpooje n̄an kom̧, im jitōn̄ kom̧ birooj ro ioon elōn̄ aelōn̄ in kiin̄ ko, Irooj Anij ej ba, Eo Ekwōjarjar in Zaion, eo Eaar kajutak pedped ko an cAdam-ondai-Aman;

16 Eo Eaar jitōn̄e aMaikeel ami bwidak, im kajutake neen, im likūt e ijo eutiej, im kar leļo̧k n̄an e ki ko an lo̧mo̧o̧r ium̧win kapilōk im tōl eo an Eo Ekwōjarjar, eo ejjeļo̧k jinoin raan ko an ak jem̧ļo̧kin an mour.

17 Em̧ool, em̧ool, Ij ba n̄an kom̧, kom̧ ro ajri reddik, im kom̧ij jan̄in kar meļeļe ewi jon̄an ļap in kōjeraam̧m̧an ko ippān Jemān ilo Pein make im kar kōpooji n̄an kom̧;

18 Im kom̧ij jab maron̄ aineek aolep men otemjeļo̧k kiiō; mekarta, kom̧in m̧ōņōņō, bwe Inaaj btōlļo̧k kom̧. Aelōn̄ in kiin̄ eo ej ami im kōjeraam̧m̧an ko ie rej ami, im m̧weiie ko an cindeeo rej ami.

19 Im e eo ej bōk aolep men ko otemjeļo̧k kōn akam̧m̧oolol naaj kōm̧m̧an bwe en wōj; im men ko an laļ in renaaj kobaļo̧k n̄an e, em̧ool bbukwi alen, aaet, eļapļo̧k.

20 Kōn menin, kōm̧m̧ani men kein ko Iaar jiron̄ kom̧, ami Ripinmuur ej ba, em̧ool eo Nejin aAman, eo ej kōpooj aolep men ko otemjeļo̧k m̧okta jān An bbōk kom̧;

21 Bwe kom̧ij akabun̄ eo an M̧aanje eo, im Enaaj bbōk lōn̄ļo̧k kom̧ ilo kōdo̧ eo, im jitōn̄ armej otemjej kōj eo an.

22 Im e eo ej arijerbal etiljek im bmālōtlōt enaaj jolōte caolep men ko otemjeļo̧k. Amen.