Vaega 78

Faaaliga na tuuina mai e ala mai ia Iosefa Samita le Perofeta, i Hairama, Ohaio, Mati 1832 (History of the Church, 1:255–257). Sa tuuina mai e le Alii ia Iosefa Samita le faatulagaga mo le faamoemoe o le faatuina o se faleteuoloa mo e ua matitiva. Sa lē manaomia i taimi uma ona faailoa atu i le lalolagi igoa o tagata na fetalai mai i ai le Alii i faaaliga; o lea, i le lomiga o le faaaliga lenei ma ni isi o faaaliga e sosoo ai, sa taʼua ai le au uso i isi igoa e ese mai i o latou lava igoa. Ina ua mavae le tatau ai ona taofia o igoa o tagata ia lē faailoaina, sa tuuina mai o latou igoa moni ina ua mavae lena, i totonu o faailoga puipui. Talu ai ona ua leai se manaoga taua tele i ona po nei e faaauau ona faaaoga ai pea o ia igoa faalilolilo, ua nao igoa moni e pei ona tuuina mai i kopi tusilima muamua, ua faaaoga nei i totonu o le tusi lenei.

1–4, E tatau i le Au Paia ona faatulaga ma faatu se faleteuoloa; 5–12, O le faaaoga poto o a latou meatotino o le a maua ai le olataga; 13–14, E tatau ona tusaoloto ese le ekalesia mai puleʼaga faalelalolagi; 15–16, O Mekaeli (Atamu) e auauna i lalo o le taitaiga a le Paia e Toatasi (Keriso); 17–22, Amuia e faamaoni, aua o le a fai mo latou tofi mea uma.

 Sa fetalai mai le Alii ia Iosefa Samita, Laitiiti, ua fofoga mai: Faalogo mai ia te aʼu, ua fetalai mai ai le Alii lo outou Atua, o e ua faauuina i le perisitua amaualuga o laʼu ekalesia, o e ua outou faapotopoto faatasi outou lava;

 Ma faalogo mai i le afautuaga a lē na efaauuina outou mai luga, o lē o le a tautala atu i o outou taliga upu o le poto, ina ia oo mai ia te outou le olataga i lena mea ua outou tuu mai i oʼu luma, ua fetalai mai ai le Alii le Atua.

 Aua e moni Ou te fai atu ia te outou, ua oo mai le taimi, ma ua oo mai nei lava; ma faauta, ma tagai, e tatau ona i ai se afaatulagaga o loʼu nuu, i le puleaina ma le faatuina o mataupu o le efaleteuoloa mo e ua imatitiva o loʼu nuu, i le nofoaga lenei ma i le laueleele o oSiona

 Mo se faapotopotoga ma se faatulagaga mau ma le tumau-faavavau i laʼu ekalesia, e ave i luma le faamoemoe, lea ua outou tautino i ai, mo le faaolataga o tagata, ma mo le mamalu o lo outou Tamā o i le lagi;

 Ina ia mafai ona outou atutusa i ioega o mea faalelagi, ioe, ma mea faaletino foi, mo le mauaina o mea faalelagi.

 Aua afai tou te lē tutusa i mea faaletino, e lē mafai ona outou tutusa i le mauaina o mea faalelagi;

 Aua afai tou te mananao Ou te tuu atu ia te outou se nofoaga i le alalolagi selesitila, e ao ina outou esaunia outou lava i le ifaia o mea ua Ou poloaiina ai outou ma manaomia mai ia te outou.

 Ma o lenei, e moni ua faapea ona fetalai mai o le Alii, e tatau ona faia o mea uma mo loʼu amamalu, e outou o e ua au faatasi i lenei efaatulagaga;

 Po o, i ni isi upu, ia tuu atu i laʼu auauna o Newel K. Whitney ma laʼu auauna o Iosefa Samita, Laitiiti, ma laʼu auauna o Sini Rikitone, e fono faatasi ma le au paia o e o i Siona;

 10 A lē o lea, ua saili aSatani e liliu ese o latou loto mai le upumoni, ina ia faatauasoina i latou ma lē malamalama ai i mea ua saunia mo i latou.

 11 O le mea lea, Ou te tuu atu ai ia te outou se poloaiga, ia outou saunia ma faatulaga outou lava i se ioega po o se afeagaiga tumau-faavavau e lē mafai ona motusia.

 12 Ma o ia o lē na te soliina o le a aveesea lona tofi ma lona tulaga i le ekalesia, ma o le a tuu atu i atuʼiga a Satani sei oo i le aso o le togiolaina.

 13 Faauta, o le sauniuniga lenei ua Ou saunia ai outou, ma le faavae, ma le ata Ou te tuu atu ia te outou, tou te mafai ai ona faataunuu o poloaiga ua tuu atu ia te outou;

 14 Ina ia mafai e ala i laʼu tausiga alofa, e ui i apuapuaga o le a oo mai i o outou luga, ona tu lē faalagolago le ekalesia i luga o isi tagata uma i lalo o le lalolagi selesitila;

 15 Ina ia mafai ona outou o mai i luga i le apale ua saunia mo outou, ma avea o ni epule i luga o malo e tele, ua fetalai mai ai le Alii le Atua, o le Paia e Toatasi o Siona, o lē na faatutuina faavae o iAtamu-onai-Amani;

 16 O lē na tofia aMekaeli lo outou aloalii, ma faatutumau ona vae, ma faatu maualuga o ia, ma tuu atu ia te ia ki o le faaolataga i lalo o le fautuaga ma le taitaiga a le Paia e Toatasi, o lē ua leai se amataga o ona aso po o se gataaga o le soifua.

 17 E moni, e moni, Ou te fai atu ia te outou, o outou o ni fanau iti, ma tou te lei malamalama lava i le tetele o faamanuiaga o i ai i le Tamā i ona lava aao ma ua saunia mo outou;

 18 Ma e lē mafai ona outou agafatia mea uma i le taimi nei; e ui i lea, ia fiafia, ona o le a Ou etaitaia outou i le ala. O le malo ua ia outou ma o ona faamanuiaga ua ia outou, ma o ʼoa o le ifaavavau ua ia outou ia.

 19 Ma o ia o lē e taliaina mea uma ma le afaafetai o le a faamamaluina; ma o mea o le lalolagi lenei o le a faaopoopoina ia te ia, i le esautuaselau lava, ioe, e sili atu.

 20 O le mea lea, ia fai mea ua Ou poloaiina ai outou, ua fetalai mai ai lo outou Togiola, o aAmani lava le Atalii, o lē e sauniaina mea uma ae lei eavea outou e ia;

 21 Ona o outou o le aekalesia a le Ulumatua, ma o le a eaveina aʼe outou e ia i luga i se ao, ma tofia i tagata taitoatasi lana vaega.

 22 Ma o ia o lē o se atausimea faamaoni ma le eatamai, o le a maua e ia mea iuma mo ona tofi. Amene.