1 Sa pagkatinuod Ako moingon nganha kanimo, nga kini mao ang akong kabubut-on nga ang akong sulugoon nga si Jared Carter molakaw pag-usab ngadto sa silangan nga bahin sa mga nasud, gikan sa usa ka dapit ngadto sa usa ka dapit, ug gikan sa usa ka dakbayan ngadto sa usa ka dakbayan, diha sa gahum sa ^apag-orden diin siya gi-orden, magpahayag og maayo nga mga balita sa dako nga kalipay, gani ang walay katapusan nga ebanghelyo.

2 Ug Ako mopadala diha kaniya sa ^aMaghuhupay, nga motudlo kaniya sa kamatuoran ug sa agianan diin siya molakaw.

3 Ug tungod kay siya matinud-anon, Ako mokorona kaniya pag-usab og mga binugkos.

4 Busa, himoa nga ang imong kasingkasing magmaya, akong sulugoon Jared Carter, ug ayaw ^akahadlok, miingon ang imong Ginoo, gani si Jesukristo. Amen.