Benneg 79
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:257).
1–4, Natudingan ni Jared Carter a mangikasaba iti ebanghelio babaen ti Mangliwliwa.
1 Pudno kunak kadakayo, a pagayatak a nasken a mapan manen ni katulongak a Jared Carter kadagiti pagilian iti dumaya, iti tunggal lugar, ken iti tunggal siudad, iti bileg ti apanangorden a nakaordenanna, a mangipakdaar kadagiti napintas a damag a siraragsak, nga isu ti agnanayon nga ebanghelio.
2 Ket ibaonkonto kenkuana ti aMangliwliwa, a mangisuronto kenkuana iti kinapudno ken iti dana a pagturonganna;
3 Ket no la ketdi napudno, koronaakto manen iti dawa.
4 Gapuna, pagragsakem ti pusom, katulongak a Jared Carter, ket saanka nga aagdanag, kinuna ti Apom, nga isu ni Jesucristo. Amen.