Tusitusiga Paia
Mataupu Faavae ma Feagaiga 79


Vaega 79

Faaaliga na tuuina mai e ala mai ia Iosefa Samita le Perofeta, i Hairama, Ohaio, i le aso 12 o Mati, 1832.

1–4, Ua valaaulia Jared Carter e tala’i le talalelei e ala atu i le Fesoasoani.

1 E moni Ou te fai atu ia te oe, o lo’u loto e tatau i la’u auauna o Jared Carter ona toe foi atu i laueleele i sasa’e, mai lea nofoaga i lea nofoaga, ma mai lea aai i lea aai, i le mana o le afaauuga na faauu ai o ia, e folafola atu tala fiafia o le olioli tele, le talalelei lava lea tumau e faavavau.

2 Ma o le a Ou auina atu i ona luga le aFesoasoani, lea o le a a’oa’o atu ai ia te ia le upumoni ma le ala e alu atu ai o ia;

3 Ma e tusa ai ma lona faamaoni, o le a Ou toe faapaleina o ia i fusisaito.

4 O le mea lea, ia fiafia ai lou loto, la’u auauna e, Jared Carter, ma ia alē fefe, ua fetalai mai ai lou Alii, o Iesu Keriso lava. Amene.