Vaega 8

Faaaliga na tuuina mai e ala mai ia Iosefa Samita le Perofeta, ia Oliva Kaotui, i Haramoni, Penisilevania, Aperila 1829 (History of the Church, 1:36–37). Aʼo alu le faaliliuga o le Tusi a Mamona, sa oo ina manao Oliva, o lē sa galue pea o se tusiupu, i le tusia lea o upu na faalau mai e le Perofeta, ia faaee mai ia te ia le meaalofa o le faaliliu. Sa tali mai le Alii i lana olega i le tuuina mai o le faaaliga lenei.

1–5, O faaaliga e oo mai e ala mai i le mana o le Agaga Paia; 6–12, O le malamalama i mealilo a le Atua ma le mana e faaliliu ai talafaamaumau anamua, e oo mai e ala i le faatuatua.

 aOliva Kaotui e, e moni, e moni Ou te fai atu ia te oe, e pei ona mautinoa o loo soifua le Alii, o lē o lou Atua ma lou Togiola, o le a faapea lava ona mautinoa ona e maua o se emalamalama e uiga i soo se mea e te iole mai ai i le faatuatua, ma le loto faamaoni, ma le talitonu o le a e maua se malamalama e uiga i togitogiga o otalafaamaumau tuai, ua mai anamua, ia ua i ai vaega na o aʼu tusitusiga paia na fetalaia e ala i le ufaaaliga a loʼu Agaga.

 Ioe, faauta, o le a Ou atau atu ia te oe i lou mafaufau ma lou eloto, e ala i le iAgaga Paia, lea o le a oo atu i ou luga ma lea o le a mau i lou loto.

 O lenei, faauta, o le agaga lenei o faaaliga; faauta, o le agaga lenei na aumai ai e Mose le fanauga a Isaraelu e ala mai totonu o le aSami Ulaula i luga o le eleele matutu.

 O lea, o lau meaalofa lea; toaga i ai, ma amuia oe, ona o le a laveai ai oe i fafo mai lima o ou fili, lea a na le faapea, po ua latou fasioti ia te oe ma aumai lou agaga i le faafanoga.

 E, ia manatua nei aupu, ma tausi i aʼu poloaiga. Ia manatua, o lau meaalofa lea.

 O lenei ua lē ona pau lea o lau meaalofa; ona ua i ai ia te oe se isi meaalofa, o le meaalofa lea a Arona; faauta, ua tau atu e lena meaalofa ia te oe mea e tele;

 Faauta, e leai se isi mana, vagana ai le mana o le Atua, e mafai ona faia ai lenei meaalofa a Arona ia faatasi ma oe.

 O lea, aua le masalosalo, ona o se meaalofa lea a le Atua; ma ia e umiaina i ou lima, ma fai ai galuega ofoofogia; ma e leai se mana e mafai ona aveesea i fafo mai ou lima, ona o se galuega a le Atua.

 Ma, o lea, soo se mea e te ole mai ai ia te aʼu e tau atu ia te oe e ala atu i lena auala, o le a Ou tuu atu lena mea ia te oe, ma o le a e mauaina le malamalama e faatatau i ai.

 10 Ia manatua a aunoa ma le afaatuatua e lē mafai ona e faia se mea; o lea ia ole mai ai i le faatuatua. Aua neʼi manatu faatauvaa i nei mea; aua le eole mai mo mea e lē tatau ona e ole mai ai.

 11 Ole mai ina ia e iloa mealilo a le Atua, ma ina ia mafai ona e afaaliliu ma maua le malamalama mai talafaamaumau uma na mai anamua sa natia, ia ua paia; ma o le a faia lava ia te oe e tusa ai ma lou faatuatua.

 12 Faauta, o Aʼu lava ua tautala atu i nei mea; ma o Aʼu lava lea e tasi na tautala atu ia te oe mai le amataga. Amene.