Benneg 80
Paltiing a naited babaen ni Joseph Smith a Propeta, iti Hiram, Ohio, idi Marso 1832 (History of the Church, 1:257).
1–5, Natudingan da Stephen Burnett ken Eden Smith a mangasaba iti sadino man a lugar a kayatda.
1 Pudno, kastoy ti kinuna ti Apo kenka katulongak nga Stephen Burnett: Mapanka, mapanka iti lubong ket aikasabam ti ebanghelio iti tunggal parsua nga umasideg babaen ti aweng ti timekmo.
2 Ket no la ketdi tarigagayam ti kaduam, itdek kenka ti katulongak a ni Eden Smith.
3 Gapuna, mapanka ket ikasabam ti ebangheliok, iti man amianan wenno iti abagatan, iti daya wenno iti laud, saan a nasken no sadino, ta saanka nga agbiddut.
4 Ngarud, ipakdaarmo dagiti banag a nangngegmo, ket pudno a mamatika, ken aammom nga agpayso.
5 Adtoy, daytoy ti pagayatanna a anangtuding kenka, ti Mannubbotmo, nga isu ni Jesucristo. Amen.