Tusitusiga Paia
Mataupu Faavae ma Feagaiga 81


Vaega 81

Faaaliga na tuuina mai e ala mai ia Iosefa Samita le Perofeta, i Hairama, Ohaio, i le aso 15 o Mati, 1832. Ua valaaulia Frederick G. Williams e avea o se faitaulaga sili ma se fesoasoani i le Au Peresitene o le Perisitua Maualuga. Ua faaali mai i talafaamaumau o le talafaasolopito ina ua maua mai lenei faaaliga ia Mati 1832, sa valaaulia ai Jesse Gause i le tofi o le fesoasoani ia Iosefa Samita i le Au Peresitene. E ui i lea, ina ua ia lē faaauau i le ala e tusa ai ma lenei tofiga, o lea na tuu atu ai le valaauga ia Frederick G. Williams. O le faaaliga (ua tusia e faapea na oo mai ia Mati 1832), e tatau ona manatu i ai o se laasaga agai i le faatulagaga aloa’ia o le Au Peresitene Sili, ona ua faapitoa ona valaaulia ai le tofi o le fesoasoani i lena tino potopoto ma faamalamalama mai ai le mamalu o le tofiga. Sa auauna le Uso o Gause mo se taimi ae na faate’a o ia mai le Ekalesia ia Tesema 1832. Sa faauu le Uso o Williams i le tofi ua ta’ua i le aso 8 o Mati, 1833.

1–2, O ki o le malo e umia i taimi uma e le Au Peresitene Sili; 3–7, Afai e faamaoni Frederick G. Williams i lana auaunaga, e maua e ia le ola e faavavau.

1 E moni, e moni, Ou te fai atu ia te oe la’u auauna, Frederick G. Williams: Faalogo mai i le leo o ia o lē o tautala atu, i le afioga a le Alii lou Atua, ma uai atu i le valaauga ua valaaulia i ai oe, o le avea lea ma se afaitaulaga sili i la’u ekalesia, ma se fesoasoani i la’u auauna o Iosefa Samita, Le Itiiti;

2 O lē ua Ou tuuina atu i ai aki o le malo, ia e i ai i taimi uma i le eAu Peresitene o le Perisitua Maualuga:

3 O lea, e moni ua Ou aloa’ia o ia ma o le a Ou faamanuiaina o ia, ma oe foi, e tusa ai ma lou faamaoni i le faufautua, i le tofi ua Ou tofia i ai oe, i le tatalo e lē aunoa, i le leo ma i lou loto, i luma o tagata ma i le na’o oe, ma i lau auaunaga foi i le folafolaina atu o le talalelei i le laueleele o e o lo o ola, ma i totonu o ou uso.

4 Ma o le faia o ia mea o le a e faia ai mea lelei silisili atu mo ou uso a tagata, ma o le a e siitia a’e ai le amamalu o ia o lē o lou Alii.

5 O le mea lea, ia e faamaoni; tulai i le tofi ua Ou tofia i ai oe; afesoasoani i e vaivai, siitia a’e i luga lima ua tautau i lalo, ma efaamalolosi tulivae ua ivaivai.

6 Ma afai e te faamaoni e oo i le iuga o le a e maua se pale o le aola pea, ma le ola e efaavavau i imaota ua Ou saunia i le fale o lo’u Tamā.

7 Faauta, ma tagai, o afioga ia a le Alefa ma le Omeka, o Iesu Keriso lava. Amene.