Jeje Ko Rekwojarjar
Katak im Bujen Ko 82


Jekjōn 82

Revelesōn eo leļo̧k n̄an Josep Smith Rikanaan eo, ilo Independence, Jackson Kounty, Missouri, Eprōļ 26, 1832. Iien jab in eaar juon kwelo̧k an ko̧o̧njeļ an pris utiej im elder ro an Kabun̄ in eo. Ilo ko̧o̧njeļ eo, Josep Smith kar rejetake āinwōt juon President an Priesthood eo Eutiej n̄an opij eo ekar ekkapit n̄an e m̧oktaļo̧k ilo juon kwelo̧k an pris utiej ro, elder ro, im ro uwaan, ilo Amherst, Ohio, Jānwōde 25, 1832 (lale kōmmeļeļe eo ijōbbōran jekjōn 75). Revelesōn in ej bar āliji naan in tōl ko kar litok ilo juon revelesōn m̧oktaļo̧k (jekjōn 78) n̄an kajutake juon kumi—eo kar jeļā kake ej Kumi in Bōrokuk (iumin tōl an Josep Smith, naan in “koņ” tok ālkin ekar bōk jikin “kumi”)—n̄an lali kijejeto ko an Kabun̄ in ikkijien wiakake im kōm̧man bok.

1–4, N̄e eļap ijo kar leļo̧k, eļap ijo aikuji; 5–7. Marok jilōn̄lōn̄ ej irooj ilo laļ; 8–13, Irooj ej lokjak n̄e jej kōm̧m̧ane ta Ej ba; 14–18, Zaion eaikuj ļapļo̧k ilo wōj im kwōjarjar; 19–24, Armej otemjej eaikuj kappukot ļapļo̧k ko an ro riturun.

1 Em̧ool, em̧ool, Ij ba n̄an kom̧, ro rikarejera, bwe toun wōt ami ajeorļo̧k bōd ko an doon, em̧ool barāinwōt N̄a, Irooj, Ij jeorļo̧k ami bōd.

2 Mekarta, ewōr ro ilubwiljimi rekar jero̧wiwi otem jero̧wiwi; aaet, em̧ool aaolep kom̧ kar jero̧wiwi; ak em̧ool Ij ba n̄an kom̧, kom̧in ekkōl jān iien in m̧aanļo̧k, im bōjrak jān jero̧wiwi, n̄e ekajet ekōmetak ab wōtlo̧k ioon bōrami.

3 Bwe jān e eo n̄an e aeļap kar leļo̧k eļap baikuji; im e eo ej cjero̧wiwi ņae dmeram eo eļapļo̧k enaaj bōk eļapļo̧k liaakeļo̧k.

4 Kom̧in kūr ioon Eta kōn arevelesōn ko, im Ij liwōji n̄an kom̧; im toun wōt ami jab kōjparok ennaan ko Aō, ko Iaar liwōj n̄an kom̧, kom̧ij erom ro ribōd; im bjim̧we im ekajet rej kaje eo ej ekkejel n̄an kien eo Aō.

5 Kōn menin, ta eo Ij ba n̄an juon Ij ba n̄an aolep: aEkkōl, bwe brijum̧ae ej erakļo̧k tōln̄an ko an, im cmarok jilōn̄lōn̄ ej irooj;

6 Im illu eo an Anij ebwil ņae ro rej pād ioon laļ; im ejjeļo̧k ej kōm̧m̧an em̧m̧an, bwe aolep rekar etal n̄an aiaļ eo.

7 Im kiiō, em̧ool Ij ba n̄an kom̧, N̄a, Irooj, Ij jamin likūt jabdewōt ajero̧wiwi n̄an ami eddo; ilo̧k ilo iaļ ko ami im jab bar jero̧wiwi; ak n̄an armej eo ej jero̧wiwi enaaj ro̧o̧l bjero̧wiwi ko an m̧oktaļo̧k, Irooj ami Anij ej ba.

8 Im bar juon alen, Ij ba n̄an kom̧, Ij lewōj n̄an kom̧ juon akien ekāāl, bwe kom̧in maron̄ meļeļe ankilaō kōn kom̧;

9 Ak, ilo bar jet naan, Ij lewōj n̄an kom̧ naan in tōl kōn wāween ami maron̄ am̧akūtkūt Im̧aō, bwe en maron̄ ro̧o̧l n̄an kom̧ n̄an ami lo̧mo̧o̧r.

10 N̄a, Irooj, I alokjak n̄e kom̧ij kōm̧m̧ane ta Ij ba; ak n̄e kom̧ij jab kōm̧m̧ane ta Ij ba, kom̧ ejjeļo̧k ami kallim̧ur.

11 Kōn menin, em̧ool Ij ba n̄an kom̧, bwe emennin aikuj bwe ro rikarejera Edward Partridge Im Newel K. Whitney, A. Sidney Gilbert im Sidney Rigdon, im rikarejera Josep Smith, im Jon Whitmer im Oliver Cowdery, im W. W. Phelps im Martin Harris bwe ren lokjak aippān doon ilo juon korak im bujen eo eban rup jān bōd, ijello̧kun in ekajet enaaj itok jidimkij, ilo elōn̄ eddo ko ami—

12 N̄an kajeikiki jerbal ko an ro rijeram̧ōl, im aolep men ko rej ekkejel n̄an bisoprik eo jim̧or ilo āneen Zaion im ilo āneen Kirtland;

13 Bwe Iaar kōjenolo̧k āneen Kirtland ilo iien eo Aō make n̄an em̧m̧anļo̧k eo an ro rekwōjarjar an Eo Eutiejtata, im n̄an juon astake n̄an Zaion.

14 Bwe Zaion eaikuj ļapļo̧k ilo wūlio, im ilo ekwōjarjar; tōrerein ko an reaikuj kilepļo̧k; stake ko an reaikuj kajoorļo̧k; aaet, em̧ool Ij ba n̄an kom̧, aZaion eaikuj jerkak im kōņak bnuknuk ko an rekarbōb.

15 Kōn menin, Ij lewōj n̄an kom̧ kien in, bwe kom̧in lukwōj kom̧ kōn bujen in, im enaaj kōm̧m̧an ekkar n̄an kien ko an Irooj.

16 Lo, en̄in ej mālōtlōt barāinwōt ilo N̄a n̄an em̧m̧an eo ami.

17 Im kom̧ij aikuj ajon̄an wōt juon, ak ilo bar jet naan, kom̧ aikuj in jon̄an wōt juon ilo ijo ami ilo men ko mweiōmi, n̄an em̧m̧an in kajeikik n̄irbōktak ko an jerbal ko ami, aolep armej ekkar n̄an kōņaan ko im aikuj ko an, toun wōt an jim̧we kōņaan ko an—

18 Im aolep men in n̄an em̧m̧an eo an kabun̄ eo an Anij emour, bwe aolep armej ren maron̄ em̧m̧anļo̧k ioon akapeel eo an, bwe aolep armej en maron̄ bōk kapeel ko jet, aaet, em̧ool bukwi alen, n̄an juļo̧k ilo bim̧ōn ko̧koņ eo an Irooj, n̄an erom m̧weiien aolepān kabun̄ in—

19 Aolep armej ej kappukot ļapļo̧k eo an eo riturun, im kōm̧m̧an aolep men otemjeļo̧k kōn amejōkļo̧k wōt aiboojoj eo an Anij.

20 aKoņ in Iaar jitōn̄e bwe ej juon koņ ejjeļo̧k jem̧ļo̧kin n̄an kom̧, im n̄an ro ribōk jikūm̧i, toun wōt ami jab jero̧wiwi.

21 Im armej eo ej jero̧wiwi ņae bujen in, im kapene būruōn ņae e, naaj jerbal ippān ekkar n̄an kien ko kabun̄ eo Aō, im naaj leļo̧k n̄an aitok-limo ko an Setan m̧ae raan in lo̧mo̧o̧r.

22 Im kiiō, em̧ool Ij ba n̄an kom̧, im en̄in ej mālōtlōt, kōm̧m̧an n̄an kom̧ jerami kōn m̧weiie in jab wānōk, im reban ko̧kkure kom̧.

23 Door ekajet wōt Ippa, bwe e ej Aō im Inaaj abar ņa wōņāān. Aenōm̧m̧an en pād ippemi; Aō kōjeraam̧m̧an en wōnm̧aanļo̧k wōt ippemi.

24 Bwe em̧ool aaelōn̄ in kiin̄ eo ejjan̄in ami, im naaj ami indeeo, eļan̄n̄e kom̧ij wōtlo̧k jān ami likatōttōt. Em̧ool āindein. Amen.