Mwakoro 82
Kaotioti ae kaotaki nakon Iotebwa Timiti te Burabeti, i Independence, Aono ae Jackson, Missouri, n Eberi 26, 1832. Te tai aei bon aia bowi ibonga aika rietata ao unimwaane n te Ekaretia. N te bowi, e kamatoaki n te katei bai Iotebwa Timiti bwa te Beretitenti n te Nakoanibonga ae Rietata, n te nakoa are e a kaman tia ni katabuaki iai n aia maungatabu ibonga aika rietata, unimwaane, ao kaain te ekaretia, i Amherst, Ohio, n Tianuare 25, 1832 (taraa te kabwarabwara ni mwakoro 75). Te kaotioti aei e manga taekini kaetieti ake a kaotaki n te kaotioti are mai i mwaina (mwakoro 78) bwa a na katea te kambwana—ae ataaki bwa te Kambwana ni Katiteuanaki (i an ana kairiri Iotebwa Timiti, i mwina te taeka ae “botaki” e onea mwin “kambwana”)—bwa e na tautaekana ana waaki ni iokinibwai ao ana tabo ni boreti te Ekaretia.
1–4, Ike e mwaiti ae e anganaki, e mwaiti ae e kainnanoaki; 5–7, E tautaeka te ro n te aonaba; 8–13, E bae te Uea ngkana ti karaoa ae E taku; 14–18, E riai n rikirake Tion n te tamaroa ao n te mimitong; 19–24, A riai aomata ni kabane ni ukoukora ae tamaroa ibukiia kaain rarikina.
1 E koaua, e koaua ae I tuangkami, au taan mwakuri, bwa ngkana kam teimatoa ni akabwarai ami bure i marenami, Ngai, te Uea, N na kabwarai ami bure.
2 E ngae n anne, iai i buakomi aika a bure korakora; eng, ao angkami ni kabane kam a tia ni bure; ma e koaua ae I tuangkami, tarataraingkami ma ngkai, ao tooki man te bure, bwa e kaawa ni bwaka i aon atumi te motikitaeka ae korakora.
3 Bwa nakon are e amwaiti ae e anganaki e mwaiti ae na bkainanoaki mai irouna; ao ane e cbure ni kaitara te doota ae korakora riki e na karekea te kabuakakaaki ae korakora riki.
4 Kam wetea arau ibukin taian akaotioti, ao I anganingkami; ao ngkana kam teimatoa n aki kawakinii au taeka, are I anganingkami, kam na riki bwa taan bure; ao te bmotiraoi ao te motikitaeka bon te rekenikai ae e kanimwaki ma au tua.
5 Ngaia are, te bwai are I taekinna nakon temanna I taekinna nakoia ni kabane: aTaratara, bwa e rikirake mwaakan te bkairiribai, ao e tautaeka te croo;
6 Ao e kauraaki unin te Atua nakoia kaain te aonaba; ao akea ae karaoa ae raoiroi, bwa a bane n tia ni kitana te akawai.
7 Ao ngkai, e koaua ae I tuangkami, Ngai, te Uea, N na aki bukiningkami ni abure nako; naako ni kawaimi ao tai manga bure; ma nakon te aomata ane e bure e na manga oki ana bure ake bngkoa, e taku te Uea ae Atuami.
8 Ao I a manga tuangkami, I anganingkami te atua ae boou, bwa kam aonga n ataa au kantaninga ibukimi;
9 Ke, n taekana teuana, I anganingkami taian kaetieti bwa kam na kanga ni amwakuri i matau, bwa e aonga n riki aei bwa kamaiuakimi.
10 Ngai, te Uea, I abae ngkana kam karaoa ae I taku; ma ngkana kam aki karaoa ae I taku, akea te berita nakoimi.
11 Ngaia are, e koaua ae I tuangkami, bwa e riai bwa au taan mwakuri aika Edward Partridge ao Newel K. Whitney, A. Sidney Gilbert ao Sidney Rigdon, ao au tia mwakuri ae Iotebwa Timiti, ao John Whitmer ao Oliver Cowdery, ao W. W. Phelps ao Martin Harris bwa a na kabeaki ani kabane n te kabaebae ao te berita ae tabu ae e aki kona n uruakaki n riaoan te tua, ma tii te motikitaeka ae na rimwi naba ngkekei, n nakoami n tararua aika kakaokoro—
12 N tabeakini aroia kainnano, ao ni kabane bwaai ake a kaineti nakon te bitiobiriki n te aba ae Tion ao n te aba ae Kirtland;
13 Bwa I a tia ni katabua te aba ae Kirtland n oin au tai ibukin kabwaiaia ana aomata Are Moan te Rietata aika itiaki, ao ibukin te atiteiki i Tion.
14 Bwa Tion e na riai n rikirake n te tamaroa, ao n ae tabu; e riai ni kabuburaaki tiana; a riai ana titeiki ni kakorakoraaki; eng, e koaua ae I tuangkami, e riai n teirake aTion ao ni katokai bkunnikaina aika tikiraoi.
15 Ngaia are, I anganingkami te tua aei, bwa kam na kabaeingkami n te berita ae tabu aei, ao e na karaoaki ni kaineti nakon ana tua te Uea.
16 Nooria, aio naba te wanawana irou ibukin kabwaiami.
17 Ao kam riai n atitebo, ke n taekana teuana, kam riai n titebo tibwangami i aoni bwai, ibukin kanakoraoan tararuaan waaki ni mwiokoami n tararua, ni kabane aomata ni kaineti ma are tangiria ao ae kainanoia, ngkana bwaai are e tangiri a bon riai—
18 Ao ni kabane aei ibukin kabwaian ana ekaretia te Atua ae maiu, bwa aonga aomata ni kabane ni karikirakea aia atarena, bwa aonga aomata ni kabane ni karekei riki tabeua tarena, eng, ae tebubua te tai mwaitina, bwa a na kaakaki n ana bbata ni kaikobwai te Uea, n riki bwa ana bwai te ekaretia ae bwanin—
19 A riai aomata ni kabane ni ukoukora ae tamaroa ibukiia kaain rarikiia, ao ni karaoi bwaai ni kabane ni amata teuana nakon mimitongin te Atua.
20 Te awaaki aei ae I a tia n rineia bwa te waaki ae akea tokina nakoimi, ao nakoia taan onea mwiimi, ngkana kam teimatoa n aki bure.
21 Ao te aomata ae bure ni kaitara te berita ae tabu aei, ao e kamatoa nanona ni kaitara, e na baireaki ni kaineti ma tuan te ekaretia, ao e na uotaki nakon ana akarawawata Tatan ni karokoa bongin te kaboaki.
22 Ao ngkai, e koaua ae I tuangkami, ao bon aio te wanawana, karekeia raomi rinanon kaubwai aika reke n ae aki riai; ao a na aki kamateingkami.
23 Katuka te motikitaeka irou, bwa au bwai ao N na akabomwi. E na mena te rau iroumi; e na reitinako au kakabwaia nakoimi.
24 Bwa ngkai ami bwai te aabanuea, ao ami bwai n aki toki, ngkana kam aki bwaka man ami kakaonimaki. Eng. Amen.