Tusitusiga Paia
Mataupu Faavae ma Feagaiga 83


Vaega 83

Faaaliga na tuuina mai e ala mai ia Iosefa Samita le Perofeta, i Initipene, Misuri, i le aso 30 o Aperila, 1832. Na maua mai le faaaliga lenei a’o fono le Perofeta faatasi ma ona uso (i la le Ekalesia).

1–4, Ua i ai i fafine ma fanau le āiā i luga o a latou tane ma tamā mo lo latou tausiga; 5–6, Ua i ai i fafine ua oti a latou tane ma fanau mātua-oti le āiā i luga o le Ekalesia mo lo latou tausiga.

1 E moni, ua faapea ona fetalai mai o le Alii, e faaopoopo i tulafono a le ekalesia e faatatau i fafine ma fanau, i latou ia o e o le ekalesia, o e ua aoti a latou tane po o tamā:

2 Ua i ai i fafine le aāiā i luga o a latou tane mo lo latou tausiga, seia aveesea a latou tane; ma afai e lē maua i latou o ni ē solitulafono, latou te maua le faaaumeaina i le ekalesia.

3 Ma afai latou te lē faamaoni, latou te lē maua le faaaumeaina i le ekalesia; peitai e mafai ona latou nonofo pea i luga o o latou tofi e tusa ai ma tulafono o le laueleele.

4 Ua i ai i afanau uma le āiā i luga o o latou matua mo lo latou tausiga seia oo ina ina matutua i latou.

5 Ma a mavae lena, ua i ai ia te i latou le āiā i luga o le ekalesia, po o ua faapea, i luga o le afaleteuoloa o le Alii, pe afai ua lē maua e o latou matua ni mea e tuu atu ai ia te i latou ni tofi.

6 Ma ia tausia le faleteuoloa i faapaiaga a le ekalesia; ma ia tausia afafine ua oti a latou tane ma fanau mātua-oti, faapea foi e ua ematitiva. Amene.