1 Yon revelasyon Jezikri te bay sèvitè li a, Joseph Smith, pitit la, ak sis ansyen, pandan yo te ini kè yo epi yo te ^aleve vwa yo anlè.

2 Wi, pawòl Senyè a konsènan legliz li a, ki te etabli nan dènye jou yo pou ^aretabli pèp li a, jan l te pale pa lantremiz bouch ^bpwofèt li yo, epi pou rasanbleman ^csen li yo pou kanpe sou ^dmòn Siyon, ki pral devni vil ^eNouvo Jerizalèm nan.

3 Vil sa a pral bati, pou kòmanse sou pwopriyete ^atanp la, ki te make avèk dwèt Senyè a, nan fwontyè lwès Eta Missouri a, epi dedikase anba men Joseph Smith, pitit la, ak lòt moun ki te fè Senyè a plezi anpil.

4 Anverite, se pawòl Senyè a, pou vil ^aNouvo Jerizalèm nan bati avèk rasanbleman sen yo, pou kòmanse nan plas sa a, plas ^btanp la, menm tanp ki pral bati nan jenerasyon sa a.

5 Paske anverite jenerasyon sa a p ap pase anvan yon kay bati pou Senyè a, epi yon nyaj pral repoze sou li, nyaj sa a se ap ^alaglwa Senyè a menm ki pral ranpli kay la.

6 Epi pitit gason Moyiz yo, daprè Prètriz Sen li te resevwa anba ^amen bòpè li a, ^bJetwo;

7 Epi Jetwo te resevwa l anba men Kalèb;

8 Epi Kalèb te resevwa l anba men Elihu;

9 Epi Elihu anba men Jeremi;

10 Epi Jeremi anba men Gad;

11 Epi Gad anba men Ezayas;

12 Epi Ezayas te resevwa l anba men Bondye.

13 Ezayas te viv nan epòk Abraram nan tou, epi Abraram te beni l—

14 ^aAbraram sa a ki te resevwa prètriz la nan men ^bMèlkisedèk, ki te resevwa l pa mwayen liyaj papa li yo, menm jouk nan ^cNoye;

15 Epi depi nan Noye jouk nan ^aEnòk pa mwayen liyaj papa yo;

16 Epi depi nan Enòk jouk nan ^aAbèl, ki te mouri anba ^bkonspirasyon frè li a, ki te ^cresevwa prètriz la avèk kòmandman Bondye yo, anba men papa li, ^dAdan, ki te premye òm—

17 ^aPrètriz sa a te kontinye nan legliz Bondye a nan tout jenerasyon yo, epi li san kòmansman jou ni finisman ane yo.

18 Epi Senyè a te konfime yon ^aprètriz sou ^bAawon ak desandan l yo tou, nan tout jenerasyon yo, prètriz sa a kontinye tou, epi li ^crete pou tout tan avèk prètriz ki daprè lòd ki pi sen Bondye a.

19 Epi pi gran prètriz sa a administre levanjil la epi l kenbe kle ^amistè wayòm nan yo, kle ^bkonesans Bondye a menm.

20 Se poutèt sa, pouvwa Bondye a manifeste nan ^aòdonans prètriz la yo.

21 Epi san òdonans prètriz la yo, ak ^aotorite prètriz la, pouvwa Bondye pa manifeste pou lèzòm nan kò fizik yo;

22 Paske san sa, ^apèsonn moun pa kapab wè figi Bondye, Papa a menm, epi pou l viv.

23 Kounyeya, ^aMoyiz te ansenye pitit Izrayèl yo sa nan dezè a byen klè, epi l te chèche avèk dilijans pou l ^bsanktifye pèp li a pou yo te kapab ^ckontanple fas Bondye;

24 Men, yo te fè kè yo ^adi epi yo pa t kapab sipòte prezans li; se poutèt sa, Senyè a nan ^bkòlè li, paske kòlè l te limen kont yo, li te sèmante pou yo pa ^cantre nan repo li pandan yo te nan dezè a, repo sa a ki se laglwa li toutantye.

25 Se poutèt sa, li te wete ^aMoyiz nan mitan yo, ak ^bPrètriz Sen an tou;

26 Epi pi piti ^aprètriz la te kontinye, prètriz sa a ki kenbe ^bkle ^cadministrasyon zanj yo ak levanjil preparatwa a;

27 Levanjil sa a ki se levanjil ^arepantans la ak ^bbatèm, ak ^cpadon peche, ak ^dlalwa kòmandman nan ^elachè yo, Senyè a nan kòlè li te fè kay Aawon an kontinye pami pitit Izrayèl jouk nan tan ^fJan an, Bondye te leve a, ki te ^granpli avèk Sentespri a depi nan vant manman l.

28 Paske li te batize pandan li te toujou nan anfans li, epi yon zanj Bondye te òdone l nan pouvwa sa a pandan l te gen laj yui jou, pou l chavire wayòm Juif yo, epi pou l ^aaplani chemen Senyè a devan fas pèp li a, pou prepare yo pou aparisyon Senyè a, nan men limenm ki te resevwa ^btout pouvwa a.

29 Epi ankò, ofis ansyen ak evèk yo se branch nesesè yo ki ^afè pati gran prètriz la.

30 Epi ankò, ofis enstriktè ak dyak yo se branch nesesè yo ki fè pati Prètriz ki piti a, prètriz sa a ki te konfime sou Aawon ak pitit gason l yo.

31 Se poutèt sa, jan m te pale konsènan pitit gason Moyiz yo—paske pitit gason Moyiz yo ak pitit gason Aawon yo tou pral ofri yon ^aofrann ak yon sakrifis akseptab nan kay Senyè a, kay sa a ki pral bati pou Senyè a nan jenerasyon sa a, sou ^banplasman konsakre m te chwazi a—

32 Epi pitit gason Moyiz yo ak pitit gason Aawon yo pral chaje avèk ^alaglwa Senyè a, sou ^bMòn Siyon a nan kay Senyè a, de moun sa yo nou se pitit yo a; epi tout moun m te aple epi m te voye ale bati ^clegliz mwen an.

33 Paske nenpòt moun ki ^afidèl pou jwenn de ^bprètriz sa yo m te pale a epi ki mayifye apèl yo, Lespri a ^csanktifye yo pou kò yo kapab renouvle.

34 Yo vin tounen pitit gason Moyiz ak Aawon epi ^adesandan ^bAbraram, ak legliz la ak wayòm nan, ak moun Bondye ^cchwazi yo.

35 Senyè a di, epi tou, tout moun ki resevwa prètriz sa yo resevwa m;

36 Paske yon moun ki resevwa sèvitè m yo, li ^aresevwa m;

37 Epi yon moun ki resevwa m, li ^aresevwa Papa m;

38 Epi yon moun ki resevwa Papa m, li resevwa wayòm Papa m nan; se poutèt sa l ap ^aresevwa tout sa Papa m genyen.

39 Epi sa se daprè ^asèman ak alyans ki pou prètriz la.

40 Se poutèt sa, tout moun yo ki resevwa prètriz la, yo resevwa sèman ak alyans Papa m nan li pa kapab vyole ni tou li pa kapab chanje.

41 Men, nenpòt moun ki ^avyole alyans la apre l fin resevwa l, epi ki vire do ba li totalman, li ^bp ap gen padon pou peche l yo nan mond sa a ni nan mond k ap vini an.

42 Epi malè tout moun ki pa vini nan prètriz sa a nou te resevwa a, epi m konfime sou noumenm ki la jodi a, pa lantremiz vwa pa m ki soti nan syèl la; epi m bay lame selès yo ak ^azanj mwen yo responsablite konsènan nou.

43 Epi kounyeya, m ba nou yon kòmandman pou nou fè atansyon avèk tèt pa nou, pou nou koute pawòl lavi etènèl yo avèk ^aatansyon.

44 Paske nou pral ^aviv daprè chak pawòl ki soti nan bouch Bondye.

45 Paske ^apawòl Senyè a se verite, epi tout sa ki ^bverite se limyè, epi tout sa ki limyè se Lespri, Lespri Jezikri menm.

46 Epi Lespri a bay chak moun ki vini nan mond lan ^alimyè; epi Lespri a klere ^bchak moun nan mond lan, ki koute vwa Lespri a.

47 Epi chak moun ki koute vwa Lespri a vin jwenn Bondye, Papa a menm.

48 Epi Papa a ^aanseye l ^balyans li te renouvle epi li te konfime sou nou an, alyans li te konfime sou nou pou byen nou, epi pa sèlman pou byen nou, men, pou byen tout mond lan.

49 Epi tout ^amond lan kouche nan peche, epi y ap jemi anba ^btenèb ak anba esklavaj peche.

50 Epi se konsa n ap konnen yo anba ^aesklavaj ^bpeche, paske yo pa vin jwenn mwen.

51 Paske nenpòt moun ki pa vin jwenn mwen li anba esklavaj peche.

52 Epi nenpòt moun ki pa resevwa vwa ^amwen, pa konnen vwa mwen, epi li pa moun pa m.

53 Epi se konsa n ap konnen jis yo ak mechan yo, epi tout ^amond lan ap ^bjemi anba ^cpeche ak tenèb menm kounyeya.

54 Epi nan tan lontan, panse nou te bouche akoz ^aenkredilite, epi poutèt nou te trete bagay nou te resevwa yo alalejè—

55 ^aVanite ak enkredilite te mennen tout legliz la anba kondanasyon.

56 Epi kondanasyon sa a repoze sou pitit Siyon yo, yo tout nèt.

57 Epi yo pral rete anba kondanasyon sa a jistan yo repanti epi yo sonje nouvo ^aalyans la, ^bLiv Mòmon an menm ak ^cansyen kòmandman m te ba yo, non sèlman pou di, men pou ^dfè daprè sa m te ekri a—

58 Pou yo kapab pote fwi ki nesesè pou wayòm Papa yo a; osinon gen yon chatiman ak yon jijman k ap rete pou tonbe sou pitit Siyon yo.

59 Èske pitit yo ki nan wayòm nan pral kontamine peyi sen mwen an? An verite, m di nou, Non.

60 An verite, an verite, m di noumenm k ap tande ^apawòl mwen yo kounyeya ki se vwa m, nou beni toutotan nou resevwa bagay sa yo;

61 Paske m ap ^apadone nou peche nou yo avèk kòmandman sa a—pou nou rete avèk fèmte nan panse nou nan ^breverans ak lespri priyè, nan rann temwayaj devan tout mond lan konsènan bagay ki te kominike ba nou yo.

62 Se poutèt sa, ^aale nan tout mond lan; epi nenpòt kote nou pa kapab ale voye moun, pou temwayaj la kapab soti nan men nou ale nan tout mond lan jwenn chak kreyati.

63 Epi jan m te di apot mwen yo, se konsa m di nou, paske nou se ^aapot mwen, sa vle di gran prèt Bondye yo; se noumenm Papa m te ^bban mwen yo; nou se ^czanmi m yo;

64 Se poutèt sa, jan m te di apot pa m yo m di nou ankò, chak ^ananm ki ^bkwè nan pawòl nou yo, epi ki batize nan dlo pou ^cpadon peche yo, y ap resevwa ^dSentespri a.

65 Epi ^asiy sa yo pral suiv moun ki kwè yo—

66 Nan non mwen yo pral fè anpil bèl ^atravay;

67 Nan ^anon mwen yo pral chase demon;

68 Nan non mwen yo pral ^ageri malad;

69 Nan non mwen yo pral louvri je avèg yo, epi louvri zòrèy soud yo;

70 Epi lang bèbè yo pral pale;

71 Epi si nenpòt moun ba yo ^apwazon, li p ap fè yo mal;

72 Epi pwazon sèpan p ap gen pouvwa pou fè yo mal.

73 Men, m ba yo yon kòmandman, pou yo pa fè ^alwanj pou tèt pa yo nan bagay sa yo, ni tou pou yo pa pale yo devan mond lan; paske nou resevwa bagay sa yo pou pwofi nou ak sali.

74 An verite, an verite, m di nou, moun ki pa kwè nan pawòl nou yo epi ki pa ^abatize nan dlo nan non mwen pou padon peche yo, pou yo kapab resevwa Sentespri a, y ap ^bdane, epi yo p ap vini nan wayòm Papa m nan kote Papa m avèk mwen ye a.

75 Epi revelasyon sa a ak kòmandman sa a pou nou, deja an aplikasyon kounyeya menm sou tout mond lan, epi levanjil la pou tout moun ki pa ko resevwa l.

76 Men, an verite, m di nou, tout moun m te bay wayòm nan—nou dwe preche yo, pou yo kapab repanti pou ansyen travay mechanste yo; paske m dwe reprimande yo poutèt kè yo ki mechan nan enkredilite ak frè nou yo ki nan Siyon poutèt rebelyon yo kont nou lè m te voye nou an.

77 Epi ankò m di nou, zanmi m yo, paske kòmanse pou kounyeya m ap rele nou zanmi m, li nesesè pou m ba nou kòmandman sa a, pou nou vin tankou zanmi m yo nan jou m te avèk yo a, lè m t ap vwayaje pou m preche levanjil la avèk pouvwa m nan;

78 Paske m pa t kite yo gen ni ^abous, ni sak, ni de rad.

79 Gade, m voye nou pou teste mond lan, epi travayè a ^amerite salè li.

80 Epi nenpòt moun ki ale ^apreche ^blevanjil sa a pou wayòm nan, epi ki fè yon jan pou l rete fidèl nan tout bagay, lespri li e, li p ap fatige nan panse, bouche, ni nan kò, ni nan manm ni nan jwenti, ak jwenti; epi yon ^ccheve nan tèt li p ap tonbe atè san m pa wè l. Epi li p ap grangou ni swaf.

81 Se poutèt sa, pa ^aenkyete nou pou demen pou sa nou pral manje, sa nou pral bwè, oubyen avèk kisa nou pral abiye.

82 Paske konsidere flè lila yo ki nan jaden an, kòman yo grandi, yo pa travay, ni tou yo pa koud; epi wayòm yo ki nan mond lan, nan tout laglwa yo, yo pa byen abiye tankou youn ladan yo.

83 Paske ^aPapa nou ki nan syèl la ^bkonnen nou bezwen tout bagay sa yo.

84 Se poutèt sa, kite demen ^areflechi sou zafè pa l.

85 Ni tou pa dwe enkyete alavans pou ^asa nou pral di; men, ^bmedite pawòl lavi yo nou tout tan nan panse pawòl lavi yo, epi n ap ^cresevwa nan menm lè a pòsyon an ki pral satisfè pou chak moun.

86 Se poutèt sa, okenn nan moun ki pral pwoklame levanjil wayòm nan depi kounyeya pa dwe pran ni bous, ni sak paske kòmandman sa a se pou tout ^afidèl Bondye ki gen apèl nan legliz la pou ministè a.

87 Gade, m ^avoye nou ale pou nou reprimande mond lan nan tout aksyon enjis li yo, epi pou nou ansenye yo konsènan yon jijman ki dwe vini.

88 Epi nenpòt moun ki ^aresevwa nou, m ap la tou, paske m prale devan nou. M ap sou kote dwat nou ak sou kote goch nou, epi Lespri m ap nan kè nou, epi ^bzanj mwen yo ap alantou nou pou pote nou anlè.

89 Epi nenpòt moun ki resevwa nou, li resevwa m; epi moun sa a ap nouri nou, l ap ba nou rad, epi l ap ba nou lajan.

90 Epi yon moun ki nouri nou, oubyen ki abiye nou, oubyen ki ba nou lajan, li p ap ^apèdi rekonpans li nan okenn fason.

91 Epi yon moun ki pa fè bagay sa yo li pa disip mwen; se konsa n ap konnen disip ^amwen yo.

92 Yon moun ki pa resevwa nou, wete kò nou bò kote l pou kont nou, epi menm ^alave pye nou avèk dlo, dlo pi, menm si l fè cho oubyen l fè frèt, epi rann temwayaj konsènan li devan Papa nou ki nan syèl la, epi pa retounen kote nonm sa a ankò.

93 Epi nan nenpòt vilaj oubyen vil nou antre, fè menm jan an.

94 Sepandan, chèche avèk dilijans epi pa fè eksepsyon; epi malè kay sa a, oubyen vilaj sa a, oubyen vil sa ki rejte nou an, oubyen pawòl nou yo, oubyen temwayaj nou konsènan mwen.

95 M di ankò, malè kay sa a, oubyen vilaj sa a, oubyen vil sa a ki rejte nou an, oubyen pawòl nou yo oubyen temwayaj nou konsènan mwen;

96 Paske mwen menm ^aToupuisan an, m mete men m sou nasyon yo pou m ^bpini nasyon yo poutèt ^cmechanste yo.

97 Epi epidemi prale, epi yo p ap soti sou tè a jistan m konplete travay mwen, ki pral ^adiminye nan lajistis—

98 Jistan tout moun ki rete yo konnen mwen, depi nan pi piti jouk nan pi gran, epi y ap ranpli avèk konesans Senyè a, epi y ap ^awè je nan je, epi y ap leve vwa yo, epi avèk vwa yo ansanm pou yo ^bchante nouvo chan sa a, ki di:

99 Senyè a te pote Siyon ankò;Senyè a te ^arachte pèp li a, ^bIzrayèl,Daprè ^cdesizyon ^dlagras la,Ki te reyalize daprè lafwa aAk ^ealyans papa yo.

100 Senyè a te rachte pèp li a;Epi Satan ^amare epi tan pa la ankò.Senyè a rasanble tout bagay fè ^byoun.Senyè a mennen ^cSiyon desann soti anlè a.Senyè a ^dmennen Siyon monte soti anba.

101 ^aTè a t ap travay epi l pote fòs li;Epi verite tabli nan zantray li;Epi syèl la souri sou li;Epi li abiye avèk ^blaglwa Bondye li a;Paske li kanpe nan mitan pèp li a.

102 Se pou laglwa, ak onè ak pouvwa, ak pisansPrezante devan Bondye nou an; paske li plen ^amizèrikòd,lajistis, lagras ak verite, ak ^blapè,Pou toujou, ajamè, Amèn.

103 Epi ankò, an verite, an verite, m di nou, li nesesè pou chak gason k al pwoklame levanjil etènèl mwen an, toutotan yo gen fanmi, epi yo resevwa lajan kòm kado, pou yo voye l ba yo oubyen pou yo itilize l pou benefis yo, jan Senyè a dirije yo, paske se konsa m vle l.

104 Epi se pou tout sa ki pa gen fanmi yo, ki resevwa ^alajan, voye l bay evèk ki nan Siyon an, oubyen evèk ki nan Ohio a, pou l kapab konsakre pou piblikasyon revelasyon yo epi pou enprime yo, epi pou etabli Siyon.

105 Epi si nenpòt moun ba nou yon manto, oubyen yon vès, pran vye a epi bay ^apòv li, epi ale fè wout nou avèk rejwisans.

106 Epi si nenpòt moun pami nou fò nan Lespri a, se pou l ^apran youn ki fèb mennen avèk li, pou l kapab edifye nan tout ^bimilite, pou l kapab vin fò tou.

107 Se poutèt sa, pran moun ki òdone nan ^apipiti prètriz yo avèk nou, epi voye yo pou fikse randevou, epi pou prepare chemen an, epi pou ranpli randevou nou pa kapab ranpli noumenm.

108 Gade, se konsa apot mwen yo nan ansyen tan an te bati legliz mwen an pou mwen.

109 Se poutèt sa, se pou chak moun kanpe nan ofis pa li, epi pou l travay nan apèl pa li; epi se pa pou tèt la di pye a li pa bezwen l; paske kòman kò a kapab kanpe san pye a?

110 Epi tou kò a bezwen chak ^amanm, pou yo tout kapab edifye ansanm, pou systèm nan kapab rete pafè.

111 Epi gade, ^agran prèt yo ta dwe vwayaje, epi ansyen yo, epi pipiti ^bprèt yo; men, ^cdyak yo ak ^denstriktè yo ta dwe lonmen pou yo ^evoyeje sou legliz la, kòm minis an plas pou legliz la.

112 Epi evèk la, Newel K. Whitney, ta dwe vwayaje tou alantou ak pami tout legliz yo, pou l fè rich yo ak ògeye gen ^aimilite, pou l kapab chèche pòv yo epi pou l kapab ^badministre bezwen yo.

113 Li ta dwe anplwaye yon ^aajan tou pou dirije epi pou pran swen travay òdinè li yo tou, jan l endike.

114 Sepandan, se pou evèk la ale nan vil New York la, ak nan vil Albany an, ak nan vil Boston an, pou avèti moun ki nan vil sa yo avèk son levanjil la, avèk yon vwa fò, konsènan ^adezolasyon ak destriksyon total k ap rete tann yo si yo rejte bagay sa yo.

115 Paske si yo rejte bagay sa yo lè jijman yo a pre, epi kay pa yo ap tounen yon ^adezolasyon pou yo.

116 Se pou l ^akonfye nan mwen epi yo p ap ^bkonfonn li; epi yon branch ^ccheve nan tèt li p ap tonbe atè san m p ap wè l.

117 Epi an verite m di nou, rès sèvitè m yo, ale jan sitiyasyon nou yo pèmèt nou, nan diferan apèl nou yo, nan gwo vil ak vilaj popilè yo, pou nou reprimande mond lan avèk lajistis nan tout enjistis yo ak aksyon endiy yo, pou nou tabli byen klè epi avèk konpreyansyon dezolasyon ak abominasyon nan dènye jou yo.

118 Paske, Senyè a Toupisan an di, avèk noumenm, m ap ^adechire wayòm moun sa yo; m p ap sèlman ^bsouke tè a, men, syèl yo ki plen zetwal yo pral tranble.

119 Paske, mwen menm Senyè a, m lonje men mwen pou m manifeste pouvwa syèl la; nou pa kapab wè l kounyeya, men, nan yon ti tan nou pral wè l, epi n ap konnen m egziste, epi m ap ^avini pou m ^breye avèk pèp mwen an.

120 M se ^aAlfa ak Omega, kòmansman an ak finisman an. Amèn.