Jeje Ko Rekwojarjar
Katak im Bujen Ko 84


Jekjōn 84

Revelesōn letok kōn Josep Smith Rikanaan eo, ilo Kirtland, Ohio, Jeptōm̧ba 22 im 23, 1832. Ilo tōrean allōn̄ in Jeptōm̧ba eo, elder ro rekar jino ro̧o̧l jān mijen ko aer ilo bukwōn ko iturear im kōm̧m̧ani ripoot ko kōn jerbal ko aer. E kar ilo iien in ke rekar ippān doon ilo tōre in elem̧ōņōņō ennaan in ijin ilaļ kar bōke. Rikanaan eo eaar kōjenolo̧k e revelesōn in juon kōn priesthood eo.

1–5, Jerusalem eo Ekāāl im tampeļ eo naaj ekkal ilo Missouri; 6–17, Lain eo an priesthood eo jān Moses n̄an Adam ej letok; 18–25, Priesthood eo eļapļo̧k ej kabwijer ki in jeļāļo̧kjeņ an Anij; 26–32, Priesthood eo edikļo̧k ej kabwijer ki in jipan̄ ko enjeļ raņ im ki in gospel in m̧aanjāppopo eo; 33–44, Armej rej bōk mour indeeo kōn kanejnej im bujen eo an priesthood eo; 45–53, Jitōbōn Kraist ej kōmeramļo̧k armej, im laļ ej pād ilo jero̧wiwi; 54–61, Ro Rekwōjarjar rej aikuj kam̧ool kōn men ko rekar bōki; 62–76, Rej aikuj kwaļo̧k naan kōn gospel eo, im kakōļļe ko renaaj ļoore; 77–91, Elder ro ren ilo̧k kōn ejjeļo̧k bōjo̧ ak jān, im Irooj enaaj kakke aikuj ko aer; 92–97, Mennin kaen̄tanaan ko im kalia ko rej kōttar ro rej jab bōk gospel eo; 98–102, Al eo ekāāl in lo̧mo̧o̧ren an Zaion ej letok; 103–110, Em̧m̧an otemjej en jutak ilo opij eo an im jerbal ilo kūr eo an make; 111–120, Ro rikarejeran Irooj ren kabun̄bun̄ļo̧k mennin jōjō in kōlo̧urō eo an raan ko āliktata.

1 Juon revelesōn an Jisōs Kraist n̄an rikarejeran Josep Smith, Jun., im jiljino elder ro, ke rekar kobaik burueer im kar akotak ainikier n̄an ijo eutiej.

2 Aaet, naan eo an Irooj kōn kabun̄ eo An, kajutake ilo raan ko āliktata n̄an ajepļaaktok eo an armej ro An, āinwōt Eaar kōnono kōn lo̧n̄iin brikanaan ro An, im kōn ae tok eo an ro crekwōjarjar An n̄an jutak ioon dToļ Zaion, eo enaaj jikin kwelo̧k in eJerusalem Ekāāl.

3 Jikin kwelo̧k eo me enaaj ekkal, ijjino ilo ijo ajikin tampeļ eo, eo kar jitōn̄e jān akkiin pein Irooj, ilo tōrerein ko iturilik in Bukwōn in Missouri, im ajeļo̧k jān pein Josep Smith, Jun., im ro jet ro im Irooj ebun̄-būruōn ippāer.

4 Em̧ool en̄in ej naan eo an Irooj, bwe jikin kwelo̧k aJerusalem Ekāāl enaaj ekkal jān ae tok eo an ro rekwōjarjar, ijjino ilo jikin in, em̧ool ijo jikin btampeļ eo, tampeļ eo me naaj kalōke ilo epepen in.

5 Bwe em̧ool epepen in ejamin jako m̧ae iien eo juon em̧ naaj ekkal n̄an Irooj, im juon kōdo̧ enaaj pād ioon, kōdo̧ eo me enaaj m̧ool ke ej aaiboojoj eo an Irooj, eo enaaj kobrak m̧weo.

6 Im m̧aan ro nejin Moses, ekkar n̄an Priesthood eo Ekwōjarjar eo me eaar bōke ium̧win apein jelpān jemān, bJetro;

7 Im Jetro eaar bōk e ium̧win pein Kaleb;

8 Im Kaleb eaar bōk e ium̧win pein Eliu;

9 Im Eliu ium̧win pein Jeremy;

10 Im Jeremy ium̧win pein Gad;

11 Im Gad ium̧win pein Esaias;

12 Im Esaias eaar bōk e ium̧win pein Anij.

13 Esaias barāinwōt eaar mour ilo raan ko an Ebream, im ar bōk kōjeraam̧m̧an jān e—

14 aEbream eo me eaar bōk priesthood eo jān bMelkizedek, eo eaar bōk e kōn menmenbwij eo an ro jemān, em̧ool m̧ae cNoa;

15 Im jān Noa m̧ae aInok, kōn menmenbwij eo an ro jemāer;

16 Im jān Inok n̄an aEbel, eo kar m̧ane jān bkarōk nana eo an ļeo jein, eo eaar cbōk priesthood jān kien ko an Anij, jān pein jemān dAdam, eo eaar m̧aan eo m̧oktata—

17 aPriesthood eo me ej wōnm̧aanļo̧k ilo kabun̄ eo an Anij ilo aolep epepen ko, im ejjeļo̧k jinoin raan ko ak jem̧ļo̧kin iiō ko an.

18 Im Irooj eaar kapen e apriesthood eo barāinwōt ioon bAron im ineen, laļļo̧k ilo aolep epepen ko aer, priesthood eo barāinwōt ej wōnm̧aanļo̧k im cpād indeeo ippān priesthood eo me ej ilo̧kan laajrak ekwōjarjar tata an Anij.

19 Im priesthood in eļapļo̧k ej kōm̧akūtkūti gospel eo im kabwijer ki in men ko arettino an aelōn̄ eo, em̧ool ki in bjeļāļo̧kjeņ an Anij.

20 Kōn menin, ilo akain̄i ko ie, kajoor in āinwōt anij ej waļo̧k.

21 Im ijello̧kun kain̄i ko ie, im maron̄ eo an priesthood eo, akajoor in āinwōt anij ej jab waļo̧k n̄an armej raņ ilo kanniōk;

22 Bwe ijello̧kun men in ejjeļo̧k aarmej emaron̄ lo turin mejān Anij, em̧ool Jemān, im mour.

23 Kiiō men in aMoses eaar kanooj alikkar ilo an katakin ro nejin Israel ilo āne jem̧aden, im niknik kappukot n̄an bkokwōjarjar armej ro an bwe ren maron̄ clo turin mejān Anij;

24 Ak rekar akapen burueer im kar jab maron̄ pād ilo im̧aan Mejān; kōn menin, Irooj ilo An libabne, bwe An billu ar urur ņae er, Eaar kanejnej bwe reaikuj jab cdeļo̧n̄ ilo kakkije eo An ilo ke rekar pād ilo āne jem̧aden, kakkije eo me ej dipiio in aiboojoj eo An.

25 Kōn menin, Eaar bōk aMoses jān ilubwiljier, im bPriesthood Ekwōjarjar eo barāinwōt;

26 Im apriesthood eo edikļo̧k ar wōnm̧aanļo̧k, priesthood eo edikļo̧k me ej kabwijer bki in cjipan̄ ko an enjeļ raņ im ki in gospel in m̧aanjāppopo eo;

27 Gospel eo me ej gospel in aukeļo̧k im in bpeptaij, im in cjeorļo̧k in jero̧wiwi ko, im dkien eo an enaan in jiron̄ ko an kanniōk, ko Irooj ilo an libabne Eaar kōm̧m̧an bwe ren wōnm̧aanļo̧k wōt ippān im̧weo im̧ōn Aron ilubwiljin ro nejin Israel m̧ae fJon, eo Anij eaar kotake e, eo eaar gobrak kōn Jetōb Kwōjarjar jān lo̧jeen jinen.

28 Bwe e ekar peptaij ke eaar dik wōt, im kar kapit e jān enjeļ an Anij ilo iien ko ke eaar ruwalitōk raan rūttoun n̄an kajoor in, n̄an ukōjļo̧k aelōn̄ eo an riJu ro, im n̄an kōm̧m̧an bwe en ajim̧we iaļ eo an Irooj im̧aan mejān armej ro An, n̄an kōpooj er n̄an itok eo an Irooj, eo ilo Pein em̧ōj leļo̧k baolep kajoor otemjeļo̧k.

29 Im bar juon alen, opij ko an elder im bisop rej aekkejeltok ko aikuji an priesthood eo eutiej.

30 Im bar juon alen, opij ko an rikaki im tikōn rej ekkejeltok ko aikuji an priesthood eo edikļo̧k, priesthood eo kar kapene ioon Aron im m̧aan ro nejin.

31 Kōn menin, āinwōt Iaar ba kōn m̧aan ro nejin Moses—bwe m̧aan ro nejin Moses im barāinwōt m̧aan ro nejin Aron renaaj ajeļo̧k juon aaje ekkar im katok ilo m̧weo im̧ōn Irooj, m̧weo me naaj kalōke n̄an Irooj ilo epepen in, ioon bjikin eo em̧ōj kōjenolo̧ke āinwōt Iaar jitōn̄e—

32 Im m̧aan ro nejin Moses im nejin Aron renaaj obrak kōn aaiboojoj eo an Irooj, ioon bToļ Zaion ilo m̧weo im̧ōn Irooj, ro m̧aan ro nejier ej kom̧; im barāinwōt elōn̄ ro Iaar kūri im kar jilkinļo̧k n̄an kalōkļo̧k ckabun̄ eo Aō.

33 Bwe jabdewōt eo ej atiljek n̄an bōki bpriesthood kein ruo ko me Iaar kōnono kaki, im kōļapļo̧k kūr eo aer, rej ckokwōjarjar jān Jetōb n̄an kōkāāl in ānbwin ko ānbwinnier.

34 Rej erom m̧aan ro nejin Moses im nejin Aron im aineen bEbream, im kabun̄ in im aelōn̄ in, im crikāālet an Anij.

35 Im barāinwōt aolep ro rej bōk priesthood in rej bōk Eō, Irooj ej ba;

36 Bwe e eo ej bōk ro rikarejera ej abōk Eō;

37 Im e eo ej abōk Eō ej bōk Jema;

38 Im e eo ej bōk Jema ej bōk aelōn̄ eo an Jema; kōn menin aaolep men ko an Jema naaj liļo̧k n̄an e.

39 Im men in ekkar n̄an akanejnej im bujen eo me ej an priesthood eo.

40 Kōn menin, aolep ro rej bōk priesthood eo, rej bōk kanejnej im bujen eo an Jema, eo Ej jab maron̄ rupe, im ej jab maron̄ em̧m̧akūt.

41 Ak jabdewōt eo ej arupe bujen in ālikin an kar bōk e, im lukkuun oktakļo̧k jān e, naaj bban wōr jeorļo̧k in jero̧wiwi ko an ilo laļ in ak ilo laļ eo ej itok.

42 Im wo n̄an aolep ro rej jab itok n̄an priesthood in eo me kom̧ ar bōk e, eo me N̄aij kiiō kapen ioomi ro repād ijin rainin, jān Ainikiō make jān ilo lan̄ ko; im em̧ool Iaar leļo̧k n̄an inelep ko ilan̄ im aenjeļ ro Aō eddo kōn kom̧.

43 Im kiiō Ij lewōj n̄an kom̧ juon kien n̄an ekkōl kōn kom̧ make, n̄an atiljek eo̧ron̄e naan ko an mour indeeo.

44 Bwe kom̧ naaj amour ekkar n̄an naan otemjej ej diwōjtok jān lo̧n̄iin Anij.

45 Bwe anaan eo an Irooj ej m̧ool, im jabdewōt men eo ej bm̧ool ej meram, im jabdewōt men eo ej meram ej Jetōb, em̧ool Jitōbōn Jisōs Kraist.

46 Im Jetōb eo ej leļo̧k ameram n̄an barmej otemjej ej itok ilo laļ in; im Jetōb eo ej kōmeramļo̧k armej otemjej kōn laļ in, eo ej eo̧ron̄e ainikien Jetōb eo.

47 Im jabdewōt eo ej eo̧ron̄e ainikien Jetōb eo ej itok n̄an Anij, em̧ool eo Jemān.

48 Im Jemān ej akatakin e kōn bbujen eo me Eaar kōkāāle im kapene ioomi, eo me ej kapene ioomi kōn em̧m̧an eo ami, im jab kōn em̧m̧an eo ami wōt, ak kōn em̧m̧an eo an aolepān laļ.

49 Im aolepān alaļ ej babu ilo jero̧wiwi, im n̄irļo̧k ium̧win bmarok jilōn̄lōn̄ im ium̧win lokjak an jero̧wiwi.

50 Im jān men in kom̧ maron̄ jeļā rej pād ium̧win alokjak an bjero̧wiwi, kōnke rej jab itok n̄an Eō.

51 Bwe jabdewōt eo ej jab itok n̄an Eō ej pād ium̧win lokjak an jero̧wiwi.

52 Im jabdewōt eo ej jab bōk Ainikiō ej jab kile aAinikiō, im ej jab jān Eō.

53 Im jān men in kom̧ maron̄ jeļā ro rem̧m̧an jān ro renana, im bwe aolepān alaļ ej bn̄irļo̧k ium̧win cjero̧wiwi im marok jilōn̄lōn̄ em̧ool kiiō.

54 Im ļōmņak ko ami ilo iien ko remootļo̧k rekar marok kōnke ajab tōmak, im kōnke kom̧ ar watōk men bajjek men ko kom̧ ar bōki—

55 aJuwa eo im jab tōmak eo rekar bōktok aolepān kabun̄ in ium̧win liaakeļo̧k.

56 Im liaakeļo̧k in ej pād ioon ro nejin Zaion, em̧ool aolep.

57 Im renaaj pād wōt ium̧win liaakeļo̧k in m̧ae rej ukeļo̧k im keememej abujen in ekāāl, em̧ool bBok in Mormon im kien ko cm̧oktaļo̧k ko Iaar liļo̧k n̄an er, jab n̄an ba wōt, ak n̄an dkōm̧m̧an ekkar n̄an men eo Iaar jeje—

58 Bwe ren maron̄ jebar kōn leen ko rekkar n̄an aelōn̄ eo an Jemāer; eļan̄n̄e jaab enaaj pād wōt kaen̄tanaan eo im ekajet eo n̄an lutōkleplepļo̧k ioon ro nejin Zaion.

59 Bwe ro nejin aelōn̄ eo renaaj ke kattoone āne eo ekwōjarjar Aō? Em̧ool, Ij ba n̄an kom̧, Jaab.

60 Em̧ool, em̧ool, Ij ba n̄an kom̧ ro rej kiiō ron̄jaki anaan kein Aō, ko rej Ainikiō, em̧ōņōņō kom̧ toun wōt ami bōki men kein;

61 Bwe Inaaj ajeorļo̧k jero̧wiwi ko ami jān kom̧ kōn kien in—bwe kom̧in dim wōt ilo ļōmņak ko ami ilo bkejakļo̧kjeņ im ilo jitōbōn jar, ilo kwaļo̧k naan in kam̧ool n̄an aolepān laļ kōn men ko kar kōnono kaki n̄an kom̧.

62 Kōn menin, kom̧in ailo̧k ilo aolepān laļ; im n̄an jabdewōt jikin kom̧ij jab maron̄ ilo̧k kom̧ naaj jilkinļo̧k, bwe naan in kam̧ool eo en maron̄ etal jān kom̧ ilo aolepān laļ n̄an armej otemjeļo̧k.

63 Im āinwōt Iaar ba n̄an rijjilōk ro Aō, em̧ool āindein Ij ba n̄an kom̧, bwe kom̧ij arijjilōk ro Aō, em̧ool pris utiej ro an Anij; kom̧ij ro im Jema eaar bletok n̄an Eō; kom̧ij ro cjera;

64 Kōn menin, āinwōt Iaar ba n̄an rijjilōk ro Aō Ij ba n̄an kom̧ bar juon alen, bwe aarmej otemjej ej blōke ioon naan ko Aō, im ej peptaij jān dān kōn cjuļo̧k in jero̧wiwi ko, enaaj bōk dJetōb Kwōjarjar.

65 Im akakōļļe kein renaaj ļoore er ro rej lōke—

66 Ilo Eta renaaj kōm̧m̧an elōn̄ ajerbal ko rekabwilōn̄lōn̄;

67 Ilo aEta renaaj kadiwōjļo̧k jetōb ettoon ko;

68 Ilo Eta renaaj akōmour rinan̄inmej;

69 Ilo Eta renaaj kōpeļļo̧k māj ko mejān ripilo, im jojān boņ in lo̧jiln̄in ro rijarron̄ron̄;

70 Im loōn riwūdeakeak enaaj kōnono;

71 Im eļan̄n̄e jabdewōt armej enaaj leļo̧k abaijin n̄an er ej jamin naaj kōmetak er;

72 Im baijin in juon jedpānit ejamin wōr an kajoor n̄an ko̧kkure er.

73 Ak juon kien Ij leļo̧k n̄an er, bwe renaaj jab alikōmjāje make kōn men kein, im jab ekkōnono kaki im̧aan laļ in; bwe men kein rej liwōj n̄an kom̧ n̄an ļapļo̧k eo ami im n̄an lo̧mo̧o̧r.

74 Em̧ool, em̧ool, Ij ba n̄an kom̧, er ro rej jab lōke ioon naan ko ami, im rej jab apeptaij ilo dān ilo Eta, n̄an juļo̧k in jero̧wiwi ko aer, bwe ren maron̄ bōk Jetōb Kwōjarjar, renaaj bjako, im jamin naaj itok ilo aelōn̄ eo an Jema ijo Jema im N̄a kōmij pād ie.

75 Im revelesōn in n̄an kom̧, im kien, ej jejjet kūtien jān lukkuun awa in ioon aolepān laļ, im gospel in ej n̄an aolep ro rejjan̄in kar bōk e.

76 Ak, em̧ool Ij ba n̄an aolep ro im aelōn̄ eo em̧ōj leļo̧k n̄an er—jān kom̧ eaikuj kwaļo̧k naan kake n̄an er, bwe ren maron̄ ukeļo̧k jān jerbal nana ko aer m̧oktaļo̧k; bwe reaikuj bōk kauwe kōn bōro nana in jab tōmak ko aer, im ro jeiūm̧ im jatūm ilo Zaion kōn jum̧ae eo aer ņae kom̧ ilo iien eo Iaar jilkinļo̧k kom̧.

77 Im bar juon alen Ij ba n̄an kom̧, ro jera, bwe jān iien in m̧aanļo̧k Inaaj kūr kom̧ ro jera, emennin aikuj bwe In lewōj n̄an kom̧ kien in, bwe kom̧in erom em̧ool āinwōt ro jera ilo raan ko ke Iaar pād ippāer, ito-itak n̄an kwaļo̧k naan kōn gospel eo ilo Aō kajoor.

78 Bwe Iaar kōtļo̧k er n̄an jab bōk abōjo̧ ak jāān, im jab ruo kopā.

79 Lo, Ij jilkinļo̧k kom̧ n̄an mālejjon̄e laļ, im rijerbal eo ej tōllo̧ke men eo awōņāān.

80 Im jabdewōt em̧m̧aan eo enaaj ilo̧k im akwaļo̧k naan kōn bgospel in an aelōn̄ eo, im jab likjab ilo wōnm̧aanļo̧k ilo tiljek ilo aolep men ko otemjeļo̧k, e ban kijeļo̧k ilo ļōmņak, im jab marok, jab ilo ānbwin, ra, im jab mo̧kwōj; im cwūdin juon kooļan bōran ejamin wōtlo̧k n̄an laļ im jab jeļā kake. Im reban naaj kwōle, ak maro.

81 Kōn menin, kom̧in bōk ejjeļo̧k aļōmņak kōn ilju, kōn ta kom̧ naaj m̧ōn̄ā, ak ta kom̧ naaj idaak, ak kōn ta kom̧ naaj balle.

82 Bwe, watōki wūt lilly ko in meļaaj, ewi wāween aer eddek, rej jab jerbal, im rej jab irap; im aelōn̄ in kiin̄ ko an laļ, ilo aolep aer aiboojoj, rej jab pālpel āinwōt juon ian rein.

83 Bwe aJemāmi, eo ej pād ilo lan̄, E bjeļā bwe ewōr ami aikuj kōn aolep men kein.

84 Kōn menin, kōtļo̧k ilju bwe en aļōmņak kōn men ko an make.

85 Im kom̧in jab ļōmņak im̧aanļo̧k ata kom̧ naaj ba; ak bko̧koņi ilo ļōmņak ko ami iien otemjej naan ko in mour, im enaaj clewōj n̄an kom̧ ilo ejja awa eo wōt m̧ōttan eo naaj jon̄e n̄an armej otemjej.

86 Kōn menin, en ejjeļo̧k armej ilubwiljimi, bwe kien in ej n̄an aolep ro rej atiljek im kar kūr er jān Anij ilo kabun̄ eo n̄an jerbal in, jān awa in bōk ejjeļo̧k bōjo̧ ak jāān, eo ej etal n̄an kabun̄bun̄ļo̧k gospel in an aelōn̄ eo.

87 Lo, Ij ajilkinļo̧k kom̧ n̄an kauweik laļ in n̄an aolep jerbal ko rebōd aer, im n̄an katakin er kōn juon ekajet eo me ej itok.

88 Im jabdewōt eo ej abōk kom̧, Inaaj pād ijo barāinwōt, bwe Inaaj etal im̧aanļo̧k in mājāmi. Inaaj pād ianbwijmaron̄imi im ianmiin̄imi, im Aō Jetōb enaaj pād ibūruōmi, im benjeļ ro Aō ipeļaakimi, n̄an kotak kom̧.

89 Jabdewōt eo ej bōk kom̧ ej bōk Eō; im ejja in wōt enaaj naajdik kom̧, im kanuknuk kom̧, im lewōj n̄an kom̧ m̧ani.

90 Im e eo ej naajdik kom̧, ak kanuknuk kom̧, ak lewōj n̄an kom̧ m̧ani, naaj ilo ejja wāween in jamin am̧wijkōk jān jinōkjej eo an.

91 Im e eo ej jab kōm̧m̧ani men kein ej jab rikaļoora; jān men in kom̧ maron̄ jeļā ro arikaļoora.

92 E eo ej jab bōk kom̧, kom̧in etal jān e kom̧ make, im akarreoik neemi em̧ool kōn aebōj, aebōj erreo, men̄e ilo māāņāņ ak ilo m̧ōļo, im kwaļo̧k naan in kam̧ool kake e n̄an Jemāmi eo ej pād ilan̄, im jab bar ro̧o̧l n̄an armej en.

93 Im ilo jabdewōt jikin edik ak jikin kwelo̧k kom̧ij deļo̧n̄, kōm̧m̧an āinwōt.

94 Mekarta, kanooj etale im jab jenlik; im wo n̄an m̧weo, ak jikin in edik ak jikin kwelo̧k eo ej jab bōk kom̧, ak naan ko ami, ak naan in kam̧ool eo ami kōn Eō.

95 Wo, Ij ba bar juon alen, n̄an m̧weo, ak n̄an jikin in edik ak n̄an jikin kwelo̧k eo ej jab bōk kom̧, ak naan ko ami, ak naan in kam̧ool ko ami kōn Eō;

96 Bwe N̄a, eo aEkajoor Bōtata, Iaar likūt pā ko Peiū ioon laļ ko, n̄an bkaen̄taan er kōn cnana eo aer.

97 Im mennin kaen̄tanaan ko naaj ilo̧k, im naaj jamin bōki jān laļ m̧ae Aō naaj kar kadedeļo̧k jerbal eo Aō, eo me naaj akōm̧ōkajļo̧k ilo wānōk—

98 M̧ae aolep naaj jeļā N̄a, ro rej pād wōt, em̧ool jān eo ediktata n̄an eo eļaptata, im naaj obrak kōn jeļāļo̧kjeņ kōn Irooj, im naaj lo amāj n̄an māj, im naaj kotakļo̧k ainikier, im kōn ainikien eo ippān doon bal al in ekāāl, im ba:

99 Irooj eaar kōro̧o̧ltok Zaion;Irooj eaar bar alo̧mo̧o̧ren armej ro An, bIsrael,Ekkar n̄an ckāālet an djouj,Eo kar kajejjete jān tōmak eoIm ebujen eo an ro jemāer.

100 Im Irooj eaar lo̧mo̧o̧ren armej ro An;Im Setan ej alokjak im iien ej jab bar wōr.Irooj eaar aini aolep men ko ilo bjuon wōt.Irooj eaar bōklaļtak cZaion jān ijo ilan̄.Irooj eaar dbōklōn̄tak Zaion jān ijo ilaļ.

101 aLaļ ar n̄irļo̧k kōlwan im keotak kajoor eo an;Im m̧ool ej jutak ilo ilujeen lio;Im lan̄ ko kar ettōn̄dikdik ioon lio;Im lio ej nuknuk kōn baiboojoj eo an Anij eo an;Bwe Ej jutak ilo ilubwiljin armej ro An.

102 Aiboojoj, im wūjtak, im kajoor, im maron̄,Ren liļo̧k n̄an adwōj Anij; bwe E ej obrak kōn atūriam̧o,Jim̧we, jouj im m̧ool, im baenōm̧m̧an,Indeeo im indeeo, Amen.

103 Im bar juon alen, em̧ool, em̧ool, Ij ba n̄an kom̧, emennin aikuj bwe em̧m̧aan otemjej ro rej ilo̧k n̄an kabun̄bun̄ļo̧k gospel eo ejjeļo̧k jem̧ļo̧kin Aō, bwe toun wōt an wōr aer baam̧le, im bōk m̧ani jān mennin leļo̧k, bwe ren jilkinļo̧k e n̄an er ak kōjerbale n̄an em̧m̧anļo̧k eo aer, āinwōt Irooj enaaj tōl er, bwe āindein ej em̧m̧an n̄an Eō.

104 Im kōtļo̧k aolep ro ejjeļo̧k aer baam̧le, ro rej bōk am̧ani, bwe ren jilkinlōn̄ļo̧k n̄an bisop eo ilo Zaion, ak n̄an bisop eo ilo Ohio, bwe en maron̄ kōjenolo̧k e n̄an kadedeļo̧k revelesōn ko im likūti ilo bok, im n̄an kajutak eo an Zaion.

105 Im eļan̄n̄e jabdewōt armej enaaj leļo̧k n̄an jabdewōt iaami juon liboror, ak juon kopā, bōk eo em̧or im jakeļo̧k n̄an eo aejeram̧ōl, im ilo̧k im lan̄lōn̄ ilo iaļ eo am.

106 Im eļan̄n̄e jabdewōt armej ilubwiljimi ekajoor ilo Jetōb eo, kōtļo̧k bwe en abōk ippān e eo em̧ōjņo̧, bwe en maron̄ kōketake ilo aolep bettā, bwe en maron̄ kajoor barāinwōt.

107 Kōn menin, bōk ippemi ro im em̧ōj kapit er n̄an apriesthood eo edikļo̧k, im jilkinļo̧k er im̧aami n̄an kōm̧m̧an iien iioon doon ko, im n̄an kōpooje iaļ eo, im n̄an etal n̄an iien iioon doon ko kom̧ make kom̧ij jab maron̄ etal n̄an i.

108 Lo, en̄in ej wāween eo rijjilōk ro Aō, ilo raan ko etto, rekar kalōkļo̧k kabun̄ eo Aō n̄an Eō.

109 Kōn menin, kajjojo em̧m̧aan en jutak ilo opij eo an make, im jerbal ilo kūr eo an make; im jab kōtļo̧k bwe bar en ba n̄an ne ejjeļo̧k an aikuj n̄an ne ko; bwe ijello̧kun ne ko ekōjkan an naaj ānbwin eo maron̄ in jutak?

110 Barāinwōt ānbwin eo ewōr an aikuji kajjojo auwaan, bwe aolep ren maron̄ ketak ippān doon, bwe aolepān ānbwin eo en weeppān.

111 Im lo, apris utiej ro ren ito-itak, im barāinwōt elder ro, im barāinwōt bpris ro reddikļo̧k; ak ctikōn ro im drikaki ro ren ijjitōn̄ n̄an elale kabun̄ in, n̄an minister ro n̄an kabun̄ in.

112 Im bisop eo, Newel K. Whitney, barāinwōt en ito-itak ipeļaakin jikin kein im ilubwiljin jarlepju in rijar ko, im kappukot ro rijeram̧ōl n̄an alali kōņaan ko aer jān bkōttāik ro rim̧weiie im rijuwa.

113 En barāinwōt kōjerbale juon ariņa ainikien n̄an bōk eddo im n̄an kōm̧m̧ani jerbal ko an ilo kanniōk āinwōt an naaj tōl e.

114 Mekarta, bisop eo en etal n̄an jikin kwelo̧k in New York, barāinwōt n̄an jikin kwelo̧k in Albany, im barāinwōt n̄an jikin kwelo̧k in Boston, im kakkōl armej ro ilo jikin kwelo̧k kaņ kōn juon ainikien gospel eo, kōn juon ainikien eļļaaj, in akōlo̧urō im ko̧kkure otem ko̧kkure eo ej kōttar er eļan̄n̄e rej jab bōki men kein.

115 Bwe eļan̄n̄e rej jab bōki men kein awa in ekajet eo aer ej epaak, im m̧weo im̧weer naaj likūt wōt n̄an er ilo akōlo̧urō.

116 E en alōke Eō im naaj ban bkapok e; im juon cwūdin kooļan bōran ej jamin wōtlo̧k n̄an laļ im jab jeļā kake.

117 Im em̧ool Ij ba n̄an kom̧, bwe eo in ro rikarejera, kom̧in ilo̧k āinwōt jekjek ko kom̧ij pād ie renaaj kōtļo̧k, ilo kūr ko wōj ami, n̄an jikin kwelo̧k ko reļļap im rebun̄bun̄ im jikin jidik ko, im kauweik laļ in ilo wānōk kōn aolep kōm̧m̧an ko aer rebōd im rej jab jim̧we, im jakem̧aanļo̧k ilo alikkar im meļeļe kōlo̧urō in mennin kajjōjō eo ilo raan ko āliktata.

118 Bwe, ippemi Irooj Ekajoor Bōtata ej ba, Inaaj akekōl aelōn̄ in kiin̄ ko aer; Ij jamin bkōm̧akūtkūt laļ wōt, ak lan̄ ko reijuju renaaj wūdiddid.

119 Bwe N̄a, Irooj, em̧ōj Aō likūt Peiū n̄an kōjādeik kajoor ko an lan̄; kom̧ jab maron̄ lo e kiiō, ijoke jidik iien im kom̧ naaj lo e, im jeļā bwe N̄aij mour, im bwe Inaaj aitok im birooj ippān armej ro Aō.

120 N̄aij aAlpa im Omega, jinoin im jem̧ļo̧kin. Amen.