Ol Skripja
Doktrin mo Ol Kavenan 87


Seksen 87

Revelesen mo profesi long saed blong wo, we Lod i bin givim tru long Profet Josef Smit, long o kolosap long Ketlan, Ohaeo, long 25 Disemba 1832. Long tetaem ia, i gat bigfala raorao long Yunaeted Stet from fasin blong stap slef, mo from Saot Karolina i no wantem kolektem o pem gavman takis. Histri blong Josef Smit i talem se “Profet i luk se ol trabol oli kamkamaot plante long medel blong ol nesen bitim bifo stat long taem we Jos i stat blong kamaot long waelples.”

1–4, Lod i talem fastaem abaot wo bitwin ol Stet long Not mo ol Stet long Saot; 5–8, Ol bigfala trabol bae i foldaon long evri man we oli stap laef long wol.

1 I tru, olsem ia nao Lod i talem long saed blong ol wo we bae oli kam blong hapen i no longtaem, we bae i stat wetem faet long aSaot Karolina, we bae i en wetem ded mo harem nogud blong plante sol;

2 Mo taem bae i kam we awo bae i kapsaet antap long evri nesen, stat long ples ia.

3 From luk, ol Stet long Saot bae oli seraot mo agensem ol Stet long Not, mo ol Stet long Saot bae oli askem ol narafala nesen, mo tu, nesen blong Gret Briten, olsem we oli bin singaotem, mo bae oli singaotem tu sam narafala nesen, blong difendem olgeta agensem sam narafala nesen moa; mo afta, awo bae i kapsaet gud antap long evri nesen.

4 Mo bambae i kam blong hapen se, afta long plante dei, ol aslef bae oli girap agensem ol masta blong olgeta, we bae oli mekem olgeta oli oganaes mo kasem disiplin blong go long wo.

5 Mo bambae i kam blong hapen tu se, haf we oli stap long graon, bambae oli oganaesem olgetawan, mo bambae oli kam kros tumas, mo bambae oli mekem Ol Jentael oli safa wetem wan safaring we i soa tumas.

6 Mo olsem ia nao, wetem naef blong faet mo blad we i ron, ol man we oli stap laef long wol bambae oli akrae sore; mo from bhadtaem blong kasem kaekae, mo ol bigfala sik, mo tanda blong heven, mo laetning we i strong mo i laet gud tu, bambae ol man we oli stap laef long wol bae oli kam blong filim bigfala nogud kros, mo kros, mo han blong God we I Gat Olgeta Paoa we i dstretem mo panisim man, kasem taem we fasin blong prapa spolem gud ol samting we mi bin talemaot i kam eflatem gud evriwan long ol nesen;

7 Blong krae blong ol sent, mo blong ablad blong ol sent, we oli kam long wol, oli stop blong go antap i go kasem sora blong Lod blong bSabaot, blong hem i givimbak long ol enemi blong olgeta.

8 Taswe, yufala i mas astanap long ol tabu ples, mo no mas muv, kasem dei blong Lod i kam; from luk, i kam bkwiktaem, Lod i talem. Amen.