Ny soratra masina
Fotopampianarana sy Fanekempihavanana 88


Fizarana 88

Fanambarana nomena tamin’ny alalan’i Joseph Smith Mpaminany tao Kirtland, Ohio ny 27 sy 28 desambra 1832, ary ny 3 janoary 1833. Nantsoin’ny Mpaminany izy ity hoe “‘ravin’oliva’ … nongotana tamin’ny Hazon’ny Paradisa, ny hafatry ny Tompo mitondra fiadanana ho antsika.” Ity fanambarana ity dia nomena nandritra ny fihaonambe iray rehefa avy samy nivavaka “nitokana sy tamin’ny feo avo tamin’ny Tompo ny mpisorona avo maromaro ny mba hanambarany ny sitrapony amintsika mikasika ny fananganana an’i Ziona.”

1–5, Mandray ny Mpampionona izay fampanantenana ny fiainana mandrakizay ny Olomasina mahatoky; 6–13, Voara-maso sy voafehin’ny fahazavan’i Kristy ny zava-drehetra; 14–16, Ny fahatongavan’ny Fitsanganana amin’ny maty amin’ny alalan’ny Fanavotana; 17–31, Ny fankatoavana ny lalàna selestialy, terestrialy na telestialy dia manomana ny olona ho amin’ireo fanjakana sy voninahitra tsirairay avy ireo; 32–35, Ireo izay te hitoetra ao amin’ny fahotana dia mbola mijanona ho maloto; 36–41, Ny fanjakana rehetra dia entina amin’ny lalàna; 42–45, Efa nomen’ Andriamanitra ny lalàna ho an’ny zava-drehetra; 46–50, Ho takatry ny olona na dia Andriamanitra aza; 51–61, Ny fanoharana ny amin’ilay lehilahy izay mandefa ny mpanompony ho any an-tsaha sy ny fisafoany ny tsirairay avy taminy; 62–73, Manakaikeza ny Tompo ianareo dia hahita ny tavany; 74–80, Manamasina ny tenanareo ary mifampianara ny fotopampianaran’ny fanjakana; 81–85, Ny olona tsirairay izay efa nampitandremana dia tokony hampitandrina ny namany; 86–94, Famantarana, fikorontanan’ny singa, ary anjely no manomana ny lalana ho amin’ny fiavian’ny Tompo; 95–102, Fiantsoan’ny trompetran’ny anjely ny maty araka ny fandaminany; 103–116, Filazan’ny trompetran’ny anjely ny famerenana ny filazantsara ho amin’ny laoniny, ny fianjeran’i Babylona ary ny adin’ilay Andriamanitra lehibe; 117–126, Katsaho ny fianarana, aoreno ny tranon’ Andriamanitra (ny tempoly) ary atafio ny tenanareo ny famatoran’ny fiantrana; 127–141, Fanazavana ny amin’ny lamin’ny Sekolin’ny Mpaminany ka ao anatin’izany ny ôrdônansin’ny fanasan-tongotra.

1 Toy izao marina tokoa no lazain’ny Tompo aminareo izay efa niara-nivory mba handray ny sitrapony momba anareo:

2 Indro, izany dia ankasitrahan’ny Tomponareo ary amiravoravo ny aminareo ny anjely; ny bfanampiany fivavakareo dia efa tafakatra any an-tsofin’ny Tompon’ny dSabaota, ary voarakitra ao amin’ny ebokin’ny anaran’ny nohamasinina, dia ireo izay ao amin’ny tontolo selestialy.

3 Koa irahiko ho aminareo ankehitriny ny aMpampionona hafa, dia aminareo ry sakaizako, mba hahazoany mitoetra ao am-ponareo, dia ny bFanahy Masin’ny fampanantenana; dia Mpampionona iray hafa izay izy ihany, ilay nampanantenaiko ny mpianatro, araka izay voasoratra ao amin’ny tenivavolombelon’i Jaona.

4 Io Mpampionona io no fampanantenana izay omeko anareo ny amin’ny afiainana mandrakizay, dia ny bvoninahitry ny fanjakana selestialy;

5 Dia ny voninahitra izay an’ny fiangonan’ny aLahimatoa, dia ny an’ Andriamanitra, ny masina indrindra amin’ny rehetra, amin’ny alalan’i Jesoa Kristy zanany—

6 aIzy izay niakatra ho any amin’ny avo tahaka ny bnidinany koa ho ambanin’ny zava-drehetra, ka dnahatakarany ny zava-drehetra mba hahatonga Azy ho ao amin’ny rehetra sy amin’ny alalan’ny zava-drehetra, ny efahazavan’ny fahamarinana;

7 Dia fahamarinana izay mamirapiratra. Izany no afahazavan’i Kristy. Tahaka Azy koa ao amin’ny masoandro sy fahazavan’ny masoandro ary ny hery avy amin’izany izay bnanaovana azy.

8 Tahaka Azy koa ao amin’ny volana sy fahazavan’ny volana, ary ny hery avy amin’izany izay nanaovana azy;

9 Tahaka ny fahazavan’ny kintana koa, ary ny hery avy amin’izany izay nanaovana azy ireo;

10 Ary ny tany koa sy ny hery avy amin’izany, dia ny tany izay eo amboniny no aijoroanareo.

11 Ary ny fahazavana izay mamirapiratra, izay manome anareo fahazavana, dia avy aminy izay manazava ny masonareo, dia ilay fahazavana izay mampahavitrika ny afahatakaranareo;

12 Izay afahazavana mivoaka avy eo anatrehan’ Andriamanitra mba bhameno ny fidadasiky ny habakabaka—

13 Fahazavana izay ao amin’ny azava-drehetra, izay manome baina ny zava-drehetra, dia dlalàna izay itondrana ny zava-drehetra, dia ny herin’ Andriamanitra izay mipetraka eo amin’ny seza fiandrianany, izay ao anivon’ny mandrakizay, izay eo afovoan’ny zava-drehetra.

14 Ankehitriny, dia lazaiko aminareo marina tokoa fa amin’ny alalan’ny afanavotana izay natao ho anareo no anatanterahana ny fitsanganan’ny nodimandry amin’ny maty.

15 Ary ny afanahy sy bvatana no datao hoe olona velona.

16 Ary ny afitsanganana amin’ny maty no fanavotana ny fanahy.

17 Ary ny fanavotana ny fanahy dia amin’ny alalan’ilay mamelona ny zava-drehetra, izay ao an-tratrany no voatendry fa ny amahantra sy ny bmalemy fanahy amin’ny dtany no handova izany.

18 Koa tsy maintsy ilaina ho voadio amin’ny tsy fahamarinana rehetra izany mba ho azo omanina ho amin’ny avoninahitra selestialy;

19 Fa rehefa nahatratra ny tanjona nahariana azy izany dia hosatrohina avoninahitra, dia ny fanatrehan’ Andriamanitra Ray;

20 Mba hahazoan’ny vatana, izay an’ny fanjakana selestialy, amizaka izany mandrakizay mandrakizay; fa noho io btanjona io no nanaovana sy nahariana izany, ary noho io tanjona io no dnanamasinana azy ireo.

21 Ary ireo izay tsy hamasinina amin’ny alalan’ny lalàna izay efa nomeko anareo, dia ny lalàn’i Kristy, dia tsy maintsy mandova fanjakana iray hafa, dia ny fanjakana terestrialy, na ny telestialy.

22 Fa izay tsy afaka mandray ny alalàn’ny fanjakana selestialy dia tsy afaka handray ny voninahitra selestialy.

23 Ary izay tsy afaka mandray ny lalàn’ny fanjakana terestrialy dia tsy afaka handray ny avoninahitra terestrialy.

24 Ary izay tsy afaka mandray ny lalàn’ny fanjakana telestialy dia tsy afaka handray ny avoninahitra telestialy; koa tsy sahaza azy ny fanjakam-boninahitra. Koa tsy maintsy mandray fanjakana izay tsy fanjakam-boninahitra izy.

25 Ary ankoatra izany, dia lazaiko aminareo marina tokoa fa mandray ny lalàn’ny fanjakana selestialy ny atany satria mahatratra ny tanjona nahariana azy izy ary tsy mandika ny lalàna—

26 Koa ahohamasinina izy; eny, na dia ho bfaty aza izy dia hovelomina indray ary hahatanty ny hery izay amelomana azy, ary ny dmarina no ehandova azy.

27 Fa na dia ho faty aza izy ireo dia ahitsangana indray ho vatana bara-panahy.

28 Ireo izay an’ny fanahy selestialy dia handray vatana, izay ilay vatana voajanahary ihany; eny horaisinareo ny vatanareo, ary ny avoninahitrareo dia ilay voninahitra izay bhamelona ny vatanareo.

29 Ianareo izay velomin’ny ampahany amin’ny avoninahitra selestialy amin’izay, dia handray izany ihany, saingy amin’ny fahafenoany.

30 Ary ireo izay velomin’ny ampahany amin’ny avoninahitra terestrialy amin’izay, dia handray izany ihany, saingy amin’ny fahafenoany.

31 Ary ireo izay velomin’ny ampahany amin’ny avoninahitra telestialy amin’izay, dia handray izany ihany, saingy amin’ny fahafenoany.

32 Ary ireo izay tavela dia ahovelomina koa; kanefa dia hiverina indray eo amin’ny toerany ihany izy ireo mba hanana anjara amin’izay btiany horaisina, noho izy ireo tsy te hanana anjara amin’izay mety ho noraisiny.

33 Fa inona no soa azon’ny olona raha atolotra azy ny fanomezana kanefa tsy mandray izany izy? Indro tsy mankasitraka izay omena azy izy sady tsy mankasitraka an’ilay mpanome fanomezana.

34 Ary ankoatra izany, dia lazaiko aminareo marina tokoa fa izay entin’ny lalàna dia arovan’ny lalàna ary manjary tanteraka sy ahamasinin’izany ihany koa.

35 Izay amandika lalàna sy tsy mandray ny lalàna fa mitady ny ho lalàna ho an’ny tenany ary te hitoetra ao amin’ny fahotana, ary mitoetra tanteraka ao amin’ny fahotana, dia tsy azo hamasinina amin’ny lalàna, na amin’ny bfamindram-po, na ny dfahamarinana, na ny fitsarana. Koa tsy maintsy mbola mijanona ho emaloto izy.

36 Manana lalàna izay nomena ny fanjakana rehetra;

37 Ary misy maro ireo afanjakana; fa tsy misy velarana izay tsy misy fanjakana; ary tsy misy fanjakana izay tsy misy velarana ao anatiny, na fanjakana lehibe izany na kely.

38 Ary ho an’ny fanjakana tsirairay dia misy ny alalàna nomena; ary ho an’ny lalàna tsirairay dia misy koa ny fetra sy ny fepetra.

39 Ny olona rehetra izay tsy manaraka ireo afepetra ireo dia tsy bhamarinina.

40 Fa ny afaharanitan-tsaina dia miraikitra amin’ny faharanitan-tsaina; ny bfahendrena dia mandray ny fahendrena; ny dfahamarinana mifamihina amin’ny fahamarinana; ny ehatsaran-toetra tia ny hatsaran-toetra; ny ffahazavana miraikitra amin’ny fahazavana; ny famindram-po manana gfangorahana ny famindram-po ary mitaky izay azy; ny fahitsiana manohy ny diany ary mitaky izay azy; ny fitsarana mandeha eo anoloan’ny tavan’ilay mipetraka eo amin’ny seza fiandrianana sy mitondra ary manatanteraka ny zava-drehetra.

41 aMahatakatra ny zava-drehetra Izy, ary ny zava-drehetra dia eo anoloany, ary ny zava-drehetra dia manodidina Azy; ary Izy dia ambonin’ny zava-drehetra sy ao amin’ny zava-drehetra ary mameno ny zava-drehetra ary manodidina ny zava-drehetra; ary ny zava-drehetra dia amin’ny alalany sy avy Aminy, dia Ilay Andriamanitra mandrakizay mandrakizay.

42 Ary ankoatra izany, dia lazaiko aminareo marina tokoa, efa nomeny ho an’ny rehetra ny lalàna izay ihetsehan’izy ireo amin’ny afotoany sy ny fizaran-taonany;

43 Ary ny lalan’izy ireo dia efa raikitra, dia ny lalan’ireo lanitra sy ny tany, ka anisan’izany ny tany sy ireo planeta rehetra.

44 Ary izy ireo dia mifanome ahazavana amin’ny fotoany sy amin’ny fizaran-taonany, amin’ny minitrany, amin’ny orany, amin’ny androny, amin’ny herinandrony, amin’ny volany, amin’ny taonany—ireo rehetra ireo dia taona biray ho an’ Andriamanitra fa tsy ho an’ny olona.

45 Mihodina amin’ny elany ny tany, ary ny amasoandro dia manome ny hazavany amin’ny antoandro, ary ny volana manome ny hazavany amin’ny alina, ary ny kintana koa dia manome ny hazavany raha mbola mihodina amin’ny elany ao amin’ny voninahiny, eo afovoan’ny bherin’ Andriamanitra.

46 Amin’ny inona no hanoharako ireo fanjakana ireo mba hahatakaranareo izany?

47 Indro, ireo rehetra ireo dia fanjakana, ary izay olona efa nahita ny iray na ny madinika indrindra tamin’ireo dia efa anahita an’ Andriamanintra mihetsika ao amin’ny fahandrianany sy ny heriny.

48 Hoy Aho aminareo, efa nahita Azy izy; kanefa Izy ilay tonga tany amin’ny aAzy dia tsy nisy nahazo.

49 Ny ahazavana dia mamirapiratra ao amin’ny haizina ary tsy azon’ny haizina izany; kanefa ho avy ny andro izay bhahazoanareo na dia Andriamanitra aza, rehefa velomina ao Aminy sy amin’ny alalany ianareo.

50 Amin’izay dia ho fantatrareo fa efa nahita Ahy ianareo, fa Izy Aho, fa Izaho no ilay hazavana marina izay ao aminareo, ary ianareo dia ato amiko; raha tsy izany dia tsy ho afaka ny hiroborobo ianareo.

51 Indro, ireo fanjakana ireo dia hohariko amin’ny lehilahy iray manana saha, ary nirahiny ireo mpanompony ho any an-tsaha mba hiasa eo an-tsaha.

52 Ary hoy izy tamin’ilay voalohany: Mandehana ianao ary miasà any an-tsaha, ary amin’ny ora voalohany dia hankany aminao aho ary ho hitanao ny fifaliana eo amin’ny tavako.

53 Ary hoy izy tamin’ilay faharoa: Mandehana koa ianao mankany an-tsaha, ary amin’ny ora faharoa, dia hamangy anao aho miaraka amin’ny fifaliana eo amin’ny tavako.

54 Ary tamin’ilay fahatelo koa, nanao hoe: Hamangy anao aho;

55 Ary tamin’ilay fahefatra, ary dia toy izany hatrany amin’ilay faharoa ambin’ny folo.

56 Ary ny Tompon’ny saha dia nandeha tany amin’ilay voalohany tamin’ny ora voalohany ary niara-nitoetra taminy nandritra izany ora manontolo izany, ary nampifaly azy ny hazavan’ny tavan’ny tompony.

57 Ary rehefa izany, dia niala teo amin’ilay voalohany izy mba hahazoany mamangy koa ny faharoa sy ny fahatelo sy ny fahefatra ary dia toy izany hatrany amin’ny faharoa ambin’ny folo.

58 Ary dia toy izany no nandraisan’izy rehetra ny hazavan’ny tavan’ny tompony, ny olona tsirairay tamin’ny orany sy ny fotoany ary ny fizaran-taonany avy—

59 Nanomboka tamin’ny voalohany, ary dia toy izany hatrany amin’ny afarany, ary hatrany amin’ny farany ka hatrany amin’ny voalohany, ary hatrany amin’ny voalohany ka hatrany amin’ny farany;

60 Ny olona tsirairay araka ny filaharany avy ambara-pahatapitry ny orany, araka izay efa nandidian’ny tompony azy, mba hahazoana mankalaza ny tompony ao aminy ary izy ao amin’ny tompony, mba hahazoana mankalaza azy rehetra.

61 Koa, ireo fanjakana rehetra ireo sy ny amponina ao aminy dia hohariko amin’io fanoharana io—ny fanjakana tsirairay amin’ny orany sy ny fotoany ary ny fizaran-taonany, dia araka ny didim-pitondrana izay efa nataon’ Andriamanitra.

62 Ary ankoatra izany, dia lazaiko aminareo marina tokoa ry asakaizako, avelako aminareo ireny teny ireny mba bhosaintsaininareo ao am-ponareo, miaraka amin’izao didy izay omeko anareo izao, dia ny dhiantsoanareo Ahy dieny mbola akaiky aho—

63 aManakaikeza Ahy dia hanakaiky anareo Aho; btadiavo fatratra Aho dia dhahita Ahy ianareo; mangataha dia hahazo ianareo, dondòny dia hovohana ianareo.

64 Na inona na inona aangatahinareo amin’ny Ray amin’ny anarako, ka bilainareo, dia homena anareo izany;

65 Ary raha mangataka zavatra izay tsy ailainareo ianareo dia hivadika ho bfanamelohana ho anareo izany.

66 Indro, izay renareo dia tahaka ny afeon’ilay miantso any an’efitra—any an’efitra satria tsy afaka ny hahita azy ianareo—ny feoko satria ny feoko dia bFanahy; ny Fanahiko dia dfahamarinana; ny fahamarinana dia mitoetra ary tsy manam-pahataperana; ary raha ao aminareo izany dia hamoa be dia be.

67 Ary raha tsy amibanjina afa-tsy ny bvoninahitro ny masonareo, dia ho feno fahazavana ny vatanareo manontolo ka tsy hisy haizina ao aminareo; ary izany vatana izay feno hazavana izany dia dmahatakatra ny zava-drehetra.

68 Koa amanamasina ny tenanareo mba tsy hibanjina afa-tsy Andriamanitra ny bsainareo, dia ho avy ny andro izay dhahitanareo Azy; fa hasehony anareo ny tavany ary izany dia ho amin’ny fotoany sy araka ny fombany ary araka ny sitrapony.

69 Tadidio ilay fampanantenana lehibe sady farany izay efa nataoko taminareo; ario lavitra anareo ny ahevi-dravinareo sy ny btokelakareo tafahoatra.

70 Mitomoera ianareo, mitomoera ianareo eo amin’ity toerana ity ary miantsoa fivoriana masina, dia ny fivorian’ireo izay efa mpiasa voalohany ao amin’ity fanjakana farany ity.

71 Ary aoka ireo izay efa anampitandremany tamin’ny diany hiantso ny Tompo ka hisaintsaina ao am-pony mandritra ny fotoana fohy ny fampitandremana izay efa noraisiny.

72 Indro ka jereo, hiahy ny ondrinareo Aho ka hanangana loholona ary haniraka azy ireo ho any aminy.

73 Indro, hohafainganiko amin’ny fotoany ny asako.

74 Ary omeko anareo izay ampiasa voalohany ao amin’ity fanjakana farany ity ny didy, mba hiarahanareo mivory ary handaminanareo ny tenanareo sy bhanamasinanareo ny tenanareo; eny, diovy ny fonareo ary dsasao eo anoloako ny tananareo sy ny tongotrareo mba hahazoako emanadio anareo;

75 Mba hahazoako mijoro ho vavolombelona amin’ny aRainareo sy Andriamanitrareo ary Andriamanitro, fa ianareo dia madio amin’ny ran’ity taranaka mamohehatra ity; mba hahazoako manatanteraka ity fampanantenana ity, rehefa sitrako, dia ity fampanantenana lehibe sady farany izay efa nataoko taminareo ity.

76 Omeko anareo koa ny didy mba hanohizanareo ny avavaka sy ny bfifadian-kanina hatramin’izao.

77 Ary omeko anareo ny didy mba ahifampianaranareo ny bfotopampianaran’ny fanjakana.

78 Mampianara amin’ny fahazotoana tokoa dia homba anareo ny afahasoavako, mba hahazoana bmampianatra anareo misimisy kokoa ny amin’ny foto-pisainana, ny amin’ny fitsipika, ny amin’ny fotopampianarana, ny amin’ny lalàn’ny filazantsara, ny amin’ny zava-drehetra izay mikasika ny fanjakan’ Andriamanitra izay ilaina ho takatrareo;

79 Ny amin’ny zavatra any aan-danitra sy ety an-tany ary any ambanin’ny tany; zavatra izay efa nisy, zavatra izay misy, ary zavatra izay tsy maintsy ho avy tsy ho ela; zavatra izay eo an-toerana, zavatra izay any ivelany; ny bady sy ny fisavorovoroan’ireo firenana, ary ny famaliana izay eo amin’ny tany; ary fahalalana koa ireo firenena sy ireo fanjakana—

80 Mba hahatonga anareo ho vonona amin’ny zava-drehetra, rehefa hirahiko indray ianareo mba hanandriana ny antso efa niantsoako anareo sy ny asa fitoriana izay efa nanendreko anareo.

81 Indro, naniraka anareo Aho ho avavolombelona manambara sy hampitandrina ny olona, ary ilaina ny olona nampitandremana mba bhampitandrina ny namany.

82 Koa tsy manana fialan-tsiny izy ary ny fahotany dia eo ambony lohany ihany.

83 Izay afatra-bpitady Ahy dia hahita Ahy ary tsy hafoy.

84 Koa mitomoera ianareo ary miasà fatratra hahazoana manao anareo ho tanteraka eo amin’ny asa fanompoanareo, dia ny handeha any anivon’ny aJentilisa indray mandeha farany, dia ireo rehetra izay hotononin’ny vavan’ny Tompo anarana mba bhamehy ny lalàna sy hanisy tombo-kase ny tenivavolombelona ary hanomana ny olomasina ho amin’ny ora fitsarana izay ho avy;

85 Mba hahazoan’ny fanahiny miala ny fisafoahan’ Andriamanitra, ny afandravan’ny fahavetavetana izay miandry ny olon-dratsy, na eo amin’ity fiainana ity na amin’ny fiainana ho avy. Lazaiko aminareo marina tokoa, aoka ireo izay loholona voalohany hanohy eo amin’ny tanimboaloboka mandra-bpiantson’ny vavan’ny Tompo azy ireo satria tsy mbola tonga ny fotoan’izy ireo; tsy dmadio amin’ny ran’ity taranaka ity ny fitafiany.

86 Mitomoera ao amin’ny afahafahana izay bnanafahana anareo; aza dmaningotra ny tenanareo amin’ny efahotana, fa aoka ho fmadio ny tananareo ambara-piavin’ny Tompo.

87 Fa tsy firy ny andro ho lasa hatramin’izao, dia ahihorohoro ny btany ary hivembena etsy sy eroa toy ny olona mamo; ary hanafina ny tavany ny dmasoandro ka handà ny hanome hazavana; ary ny volana dia hampandroina amin’ny era; ary ho tezitra izaitsizy tokoa ny fkintana ka hiraraka amin’ny tany toy ny aviavy izay mihintsana amin’ny hazony.

88 Ary aorian’ny tenivavolombelonareo dia ho tonga amin’ny olona ny fisafoahana sy ny fahavinirana.

89 Satria aorian’ny tenivavolombelonareo dia tonga ny tenivavolombelon’ny ahorohoron-tany izay hahatonga toreo any anivony, ary ho lavo amin’ny tany ny olona ka tsy hahajoro.

90 Ary tonga koa ny tenivavolombelon’ny afeom-baratra sy ny feon’ny tseletra, ary ny feon’ny tafio-drivotra sy ny feon’onjan-dranomasina miantoraka any ankoatra ny morony.

91 Ary ahisamboaravoara ny zava-drehetra; ary ho ketraka marina tokoa ny fon’ny olona; fa ho tonga amin’ny olon-drehetra ny tahotra.

92 Ary hanidina eo afovoan’ny lanitra ireo aanjely, hihiaka amin’ny feo mahery sady hitsoka ny trompetran’ Andriamanitra, manao hoe: Miomàna ianareo, miomàna ianareo ô, Ry mponin’ny tany; fa avy ny fitsaran’ Andriamanitsika. Indro ary jereo, avy ny bMpampakatra; mivoaha mba hitsena Azy.

93 Ary eo no ho eo dia hisy afamantarana lehibe hiseho eny amin’ny lanitra, ary hiara-hahita izany ny olon-drehetra.

94 Ary hitsoka ny trompetrany ny anjely iray hafa, hanao hoe: Ilay afiangonana blehibe, ny drenin’ny fahavetavetana, ilay nampisotro ny firenen-drehetra tamin’ny divain’ny fisafoahan’ny efijangajangany, ilay manenjika ny olomasin’ Andriamanitra, ilay nandatsaka ny rany—izy ilay mipetraka eo amin’ny rano maro sy amin’ireo nosin-dranomasina—indro, izy no ftsimparifarin’ny tany; izy dia voafatotra ho fehezana; natao mafy ny fatorany, tsy misy olona afaka mamaha izany; koa, efa vonona ny ghodorana izy. Ary hotsofiny maharitra sady mafy ny trompetrany ka handre izany avokoa ireo firenena.

95 Ary hisy afahanginana mandritra ny antsasak’adiny any an-danitra; ary aorian’izany avy hatrany no hanokafana ny lambam-baravaran’ny lanitra toy ny hamelarana bhoronan-taratasy avy nahorona, ary haseho ny dtavan’ny Tompo;

96 Ary ny olomasina izay ety an-tany, izay velona, dia hampahavitrihana sy ahakarina mba hitsena Azy.

97 Ary ireo izay efa matory ao am-pasana dia ahivoaka satria hovohana ny fasany; ary hakarina koa izy ireo hitsena Azy eo afovoan’ny andrin’ny lanitra—

98 An’i Kristy izy ireo, ny avoaloham-bokatra, ireo izay hiara-hidina Aminy voalohany, ary ireo izay ety an-tany sy ao am-pasana izay hakarina voalohany mba hitsena Azy; ary izany rehetra izany dia amin’ny alalan’ny feo sy ny fanenon’ny trompetran’ny anjelin’ Andriamanitra.

99 Ary aorian’izany dia hitsoka ny anjely iray hafa, izany no trompetra faharoa; ary amin’izany dia tonga ny fanavotana ireo izay an’i Kristy amin’ny fiaviany; izay efa nandray ny anjarany tao amin’ilay atranomaizina izay efa voaomana ho azy ireo mba hahazoany mandray ny filazantsara ka bhotsaraina araka ny olona ao amin’ny nofo.

100 Ary ankoatra izany dia haneno ny trompetra iray hafa, dia ny trompetra fahatelo; ary amin’izany dia hivoaka ny afanahin’ireo olona izay hotsaraina sy hita ho eo ambanin’ny bfanamelohana;

101 Ary ireo no ambiny amin’ny amaty; ary tsy velona indray ireo raha tsy efa mifarana ny barivo taona, raha tsy aorian’ny fiafaran’ny tany.

102 Ary haneno ny trompetra iray hafa, dia ny trompetra fahefatra, hanao hoe: Ho hita eo anivon’ireo izay hitoetra ambara-pahatongan’izany andro lehibe sady farany izany, dia ny fiafarana, ireo izay mbola hitoetra ho amaloto.

103 Ary haneno ny trompetra iray hafa, dia ny trompetra fahadimy, dia ny anjely fahadimy—manidina eo afovoan’ny lanitra—izay manolotra ny afilazantsara maharitra mandrakizay amin’ny firenena, ny foko sy ny samy hafa fiteny ary ny mponina rehetra;

104 Ary izao no ho fanenon’ny trompetrany, milaza amin’ny olon-drehetra, na any an-danitra na ety an-tany na ambanin’ny tany—fa ny sofina atsirairay dia handre izany, ary ny lohalika rehetra bhitsaoka, ary ny lela rehetra hiaiky, raha reny ny fanenon’ny trompetra, hanao hoe: dMatahora an’ Andriamanitra ka omeo voninahitra izy izay mipetraka eo amin’ny seza fiandrianana mandrakizay mandrakizay; fa efa tonga ny ora fitsarany.

105 Ary ankoatra izany dia hitsoka ny trompetrany ny anjely iray hafa, dia ny anjely fahenina, hanao hoe: aLavo izy, ilay nampisotro ny firenen-drehetra ny divain’ny fisafoahan’ny fijangajangany; lavo izy; lavo!

106 Ary ankoatra izany dia hitsoka ny trompetrany ny anjely iray hafa, dia anjely fahafito, hanao hoe: Vita; vita! Ny aZanakondrin’ Andriamanitra dia efa bnandresy sy dnanosihosy ny famiazam-boaloboka irery, dia ny famiazam-boaloboky ny firehetan’ny fisafoahan’ Andriamanitra Tsitoha.

107 Ary amin’izany dia hosatrohana ny voninahitry ny heriny ireo anjely ary hofenoina ny avoninahiny ireo bolomasina ka handray ny dlovany sy hatao emitovy Aminy.

108 Ary amin’izany dia hitsoka ny trompetrany eo an-tsofin’ny manan’aina rehetra ny anjely voalohany ary ahanambara ny asa miafin’ny olona sy ny asa maherin’ Andriamanitra ao amin’ny barivo taona voalohany.

109 Ary amin’izany dia hitsoka ny trompetrany ny anjely faharoa ary hanambara ny asa miafin’ny olona mbamin’ny eritreritra sy ny fisaintsainan’ny fony ary ny asa maherin’ Andriamanitra amin’ny arivo taona faharoa—

110 Ary dia izany hatrany ambara-pitsokan’ny anjely fahafito ny trompetrany; ary hijoro eo ambonin’ny tany sy eo ambonin’ny ranomasina izy ary hianiana amin’ny anaran’ilay mipetraka eo amin’ny seza fiandrianana fa tsy hisy intsony ny afotoana; ary hofatorana i bSatana, ilay menarana ela izay atao hoe ny devoly, ka tsy hovahana mandritra ny darivo taona.

111 Rehefa izany dia ahovahana mandritra ny fotoana fohy izy mba hahazoany manangona ny miaramilany.

112 Ary i aMikaela, ilay anjely fahafito, ilay arakanjely dia hanangona ny miaramilany; dia ny tafiky ny lanitra.

113 Ary hanangona ny miaramilany ny devoly, dia ny tafiky ny helo, ka hiakatra mba hiady amin’i Mikaela sy ny miaramilany.

114 Ary amin’izany dia ho tonga ny aadin’ilay Andriamanitra lehibe; ary ny devoly sy ny miaramilany dia horoahina hankany amin’ny toerany ihany ka tsy hanana hery intsony mihitsy amin’ny olomasina.

115 Fa i Mikaela dia hiady ny adiny ary handresy ilay amikatsaka ny seza fiandrianan’ilay mipetraka eo amin’ny seza fiandrianana, dia ny Zanakondriny.

116 Izany no voninahitr’ Andriamanitra sy ny anohamasinina; ary tsy hahita bfahafatesana intsony izy ireo.

117 Koa lazaiko marina aminareo tokoa ry asakaizako, ataovy ny fivorianareo masina, araka izay efa nandidiako anareo.

118 Ary satria tsy manana finoana ny rehetra, dia mikatsaha fatratra sy amifampianara ny teny bfahendrena ianareo; eny, katsahonareo ao amin’ny dboky tsara indrindra ny teny fahendrena; katsahonareo ny fianarana amin’ny alalan’ny fandinihana ary koa amin’ny alalan’ny finoana.

119 Mifandamina ianareo; omano ny zavatra rehetra ilaina, ary manorena atrano, dia tranon’ny vavaka, tranon’ny fifadian-kanina, tranon’ny finoana, tranon’ny fianarana, tranon’ny voninahitra, tranon’ny filaminana, tranon’ Andriamanitra;

120 Mba ho amin’ny anaran’ny Tompo ny fidiranareo; mba ho amin’ny anaran’ny Tompo ny fivoahanareo; mba ho amin’ny anaran’ny Tompo ny fifampiarahabanareo rehetra amin’ny fananganana ny tanana ho amin’ny Avo Indrindra.

121 Koa aatsaharo ny resaka kitoatoanareo rehetra, ny btsikanikaninareo rehetra, ny dfaniriana ara-nofo rehetra, ny efiavonavonanareo sy ny hamaivanan-tsainareo rehetra ary ny fanaovanareo ratsy rehetra.

122 Manendre mpampianatra iray eo anivonareo, ary aoka tsy indray ho mpitondra teny ny rehetra; fa aoka hiteny tsirairay ary hihaino izay lazaina ny rehetra, ka rehefa avy miteny ny rehetra, dia ho azo aorina ny rehetra amin’ny alalan’ny rehetra, mba hananan’ny olona tsirairay zo mitovy.

123 Ataovy izay ahifankatiavanareo; atsaharo ny bfitsiriritana; mianara mifampizara araka ny takian’ny filazantsara.

124 Atsaharo ny afidonanaha-poana; atsaharo ny tsy fahadiovana; atsaharo ny bfifanomezan-tsiny; atsaharo ny fatoriana mihoatra noho izay ilaina; vonjeo aloha ny fandrianareo mba tsy hahatonga anareo ho reraka; mifohaza aloha mba hahatonga ny vatanareo sy ny sainareo ho mavitrika.

125 Ary ambonin’ny zava-drehetra, dia atafio ny tenanareo toy ny kapaoty ny famatoran’ny afiantrana, dia ny famatoran’ny fahatanterahana sy ny bfiadanana izany.

126 aMivavaha mandrakariva mba tsy ho kivy mandra-bpiaviko. Indro ka jereo, ho avy faingana Aho ary handray anareo ho any Amiko. Amena.

127 Ary ankoatra izany, ny fandaminana ny trano voaomana ho an’ny fiadidiana ny asekolin’ny mpaminany, voaorina ho fampianarana azy ireo ny zavatra rehetra izay ilain’izy ireo, dia ireo rehetra bmpitarika ny fiangonana, na amin’ny teny hafa, ireo izay voantso ho amin’ny asa fanompoana ao am-piangonana, manomboka amin’ny mpisorona avo ka hatramin’ny diakona—

128 Ary izao no ho fandaminana ny tranon’ny fiadidiana ny sekoly: Izay voatendry ho filoha na ho mpampianatra dia ho hita hijoro eo amin’ny toerany, ao amin’ny trano izay homanina ho azy.

129 Koa izy dia ho voalohany ao an-tranon’ Andriamanitra, eo amin’ny toerana izay haharenesan’ny mpiangona ny teniny mazava sy miavaka tsara ka tsy ilana ny hitenenany mafy.

130 Ary rehefa miditra ny tranon’ Andriamanitra izy, satria izy dia tokony ho voalohany ao an-trano—indro, izany dia mahafinaritra, mba hahatonga azy ho faka tahaka—

131 Aoka izy handohalika ka ahanolotra ny tenany amin’ny vavaka eo anoloan’ Andriamanitra ho marika na ho fahatsiarovana ny fanekempihavanana maharitra mandrakizay.

132 Ary rehefa misy miditra ao aoriany dia aoka hitsangana ny mpampianatra, ary amin’ny tanana misandratra ho amin’ny lanitra, eny, mivantana, no iarahabany ny rahalahiny na ireo rahalahiny amin’ireto teny ireto:

133 Moa va ianao rahalahy na ianareo rahalahy? Izaho miarahaba anao amin’ny anaran’i Jesoa Kristy Tompo, ho marika na ho fahatsiarovana ny fanekempihavanana maharitra mandrakizay, dia fanekempihavanana izay andraisako anao aamim-pirahalahiana omban’ny finiavana izay mitoetra, tsy miova ary tsy mety lefy, ny mba ho namanao sy ho brahalahinao amin’ny alalan’ny fahasoavan’ Andriamanitra, ao amin’ny famatoran’ny fitiavana, ny mba handeha tsisy tsiny araka ny didin’ Andriamanitra rehetra, amin’ny fanateran-tsaotra mandrakizay mandrakizay. Amena.

134 Ary izay hita ho tsy mendrika izany fiarahabana izany dia tsy hanana toerana eo anivonareo, fa tsy havelanareo aholotoiny ny tranoko.

135 Ary izay miditra ka mahatoky eo anoloako, ary rahalahy izy na rahalahy izy ireo, dia hiarahaba ny filoha na ny mpampianatra amin’ny fanandratana ny tanana amin’ny lanitra, miaraka amin’io vavaka sy fanekempihavanana io ihany, na amin’ny fanaovana Amena ho marik’izany ihany.

136 Indro, lazaiko aminareo marina tokoa, izany no fianarana ho anareo ho fifampiarahabana ao an-tranon’ Andriamanitra, ao amin’ny sekolin’ny mpaminany.

137 Ary antsoina ianareo hanao izany amin’ny alalan’ny vavaka sy ny fanateran-tsaotra araka izay hampitenenan’ny Fanahy, amin’ny ataonareo rehetra ao an-tranon’ny Tompo, ao amin’ny sekolin’ny mpaminany, mba hahatonga izany ho fitoera-masina, ho tabernakelin’ny Fanahy Masina, ho afampiorenana anareo.

138 Ary tsy hisy horaisinareo ho eo anivonareo ao amin’ity sekoly ity afa-tsy izay madio amin’ny aran’ity taranaka ity;

139 Ary izy dia horaisina amin’ny alalan’ny ôrdônansin’ny afanasan-tongotra, satria noho izany antony izany no nananganana ny ôrdônansin’ny fanasan-tongotra.

140 Ary ankoatra izany, ny ôrdônansin’ny fanasan-tongotra dia tokony hokarakarain’ny filoha na ny loholona mpiahy ny fiangonana.

141 Izany dia hatomboka amin’ny vavaka; ary aorian’ny afandraisana ny mofo sy ny divay dia hisikina ny tenany araka ny btoromarika omena ao amin’ny toko fahatelo ambin’ny folon’ny tenivavolombelon’i Jaona momba Ahy. Amena.