Tusitusiga Paia
Mataupu Faavae ma Feagaiga 89


Vaega 89

Faaaliga na tuuina mai e ala mai ia Iosefa Samita le Perofeta, i Katelani, Ohaio, i le aso 27 o Fepuari, 1833. Ona o le faaaogaina o le tapaa e ni isi o uso muamua o le ekalesia ia latou fonotaga, na taitaiina ai le Perofeta e mafaufau loloto i lenei mataupu; o lea, na ole atu ai o ia i le Alii e uiga i lenei mataupu. O lenei faaaliga, ua lauiloa o le Upu o le Poto, o le taunuuga lea.

1–9, Ua faasa mai le faaaogaina o le uaina, ava malosi, tapaa, ma mea inu vevela; 10–17, O laau-afu, fualaau’aina, aano o manu, ma saito ua faauuina mo le faaaogaina e le tagata ma manu; 18–21, O le usiusitai i tulafono o le talalelei, e aofia ai le Upu o le Poto, e aumai ai faamanuiaga faaletino ma faaleagaga.

1 O Se aUpu o le Poto, mo le lelei o le fono a faitaulaga sili, na faapotopoto i Katelani, ma le ekalesia, ma le au paia foi i Siona—

2 E auina atu i le faafeiloai atu; e lē i se poloaiga po o se faamalosiga, ae ala i le faaaliga ma le upu o le poto, e faailoa atu ai le faatonuga ma le afinagalo o le Atua i le faaolataga faaletino o le au paia uma i aso e gata ai—

3 Ua tuuina mai o se mataupu faavae faatasi ai ma se afolafolaga, ua fuafua i le malosi o lē ua vaivai ma lē ua sili atu ona vaivai o le eau paia atoa, o e ua ta’ua pe mafai ona ta’ua o le au paia.

4 Faauta, e moni, ua faapea ona fetalai mai le Alii ia te outou: Ona o amea leaga ma fuafuaga ua i ai ma o le a i ai i loto o tagata efaufau leaga i aso e gata ai, ua Ou ilapata’ia ai outou, ma muai lapata’ia ai outou, i le tuuina atu ia te outou o le upu o le poto lenei e ala i se faaaliga—

5 E faapea, e tusa ai ma le inu o se tagata i le auaina po o le ava malosi, faauta ua lē lelei lea, pe ua tatau ai foi i le silafaga a lo outou Tamā, tau lava i le faapotopotoina faatasi o outou e osi a’e a outou faamanatuga i ona luma.

6 Ma, faauta, e tatau ai i lea le uaina, ioe, le uaina amama lea o le fua o le vine, o la outou lava faiga.

7 Ma faapea foi, o aava malolosi ua lē mo le manava, ae ua mo le fufuluina o o outou tino.

8 O lenei foi, o le tapaa ua lē mo le atino, pe mo le manava, ma ua lē lelei mo le tagata, ae o se laau-afu mo uno’oa ma povi mama’i uma, ia faaaoga ma le faautauta ma le atamai.

9 O lenei foi, o mea inu vevela ua lē mo le tino po o le manava.

10 O lenei foi, e moni Ou te fai atu ia te outou, o alaau-afu lelei uma ua faauuina e le Atua mo le uiga, natura, ma le faaaogaina e le tagata—

11 O laau-afu taitasi i lona lava tau, ma fualaau’aina taitasi i lona lava tau; o nei mea uma ia faaaoga ma le faautauta ma le afaafetai.

12 Ioe, o aaano foi o emanu ma manufelelei o le ea, o A’u, o le Alii, ua Ou faauuina mo le faaaogaina e le tagata ma le faafetai; ae ui i lea, ia iitiiti ona faaaoga o ia mea;

13 Ma ua lelei ia te a’u le lē tatau ona faaaogaina o ia mea, tau lava na o taimi o le kiona, po o le malulu, po o le oge.

14 O asaito uma ua faauuina mo le faaaogaina e le tagata atoa ma manu, e fai ma matai’ai o le ola, ua lē na o mo le tagata ae ua mo manu foi o le fanua, ma manufelelei o le lagi, ma manu aivao uma e taufetuli pe fetolofi i luga o le lalolagi;

15 Ma o nei mea ua faia e le Atua mo le faaaogaina e le tagata i na o taimi o oge ma le mafatia i le fia ’ai.

16 O saito uma ua lelei mo meaai a le tagata; e faapea foi fua o le vine; o mea uma e fua mai, pe e i totonu o le eleele po o luga o le eleele—

17 Ae ui i lea, o le saito mo le tagata, ma le sana mo le povi, ma ’ate mo le solofanua, ma le kaseme mo manufelelei ma meatuaolō, ma mo manu uma o le fanua, ma le karite mo manu aoga uma, ma mo mea inu vaivai, e pei foi o isi saito.

18 Ma o le au paia uma o e e manatua e tausi ma faia nei upu, ma savavali i le usiusitai i poloaiga, o le a latou maua le amaloloina i o latou pute ma le su i o latou ivi;

19 Ma o le a latou maua le apoto ma ’oa silisili o le emalamalama, o ’oa natia lava;

20 Ma o le a ataufetuli ae lē vaivai, ma o le a savavali ae lē matapogia.

21 Ma o A’u, o le Alii, Ou te tuu atu ia te i latou se afolafolaga, e faapea o le a elaaloa le agelu o le faafanoga ia te i latou, e pei o le fanauga a Isaraelu, ma lē fasiotia i latou. Amene.