Mwakoro 89
Kaotioti ae kaotaki rinanon Iotebwa Timiti te Burabeti, i Kirtland, Ohio, ni Beberuare 27, 1833. Ibukin kamanenaan te bakee irouia taari ni moan waakin te Ekaretia, n aia botaki, e kairaki te Burabeti bwa e na iangoa raoi aei; n tokina, e bubutia te Uea ni kaineti ma aio. Te kaotioti aei, e ataaki bwa Taeka ni Wanawana, are ngaia bon te kaeka.
1–9, A tabuaki kamanenaan wain, mooi aika matoatoa, te bakee, ao mooi aika kabuebue; 10–17, Aroka, uanikai, iriko ni man, ao wiita a bon karaoaki ibukin kamanenaakiia irouia aomata ao irouia maan; 18–21, Ongeaba nakon tuan te euangkerio, ni ikotaki ma Taeka ni Wanawana, a karekea te kakabwaia n te maiu n rabwata ao n tamnei.
1 aTaeka ni wanawana, ibukin kabwaiaia te botaki ni ibonga ae rietata, ake a ikotaki i Kirtland, ao te ekaretia, ao aomata aika itiaki naba ake i Tion—
2 E na kanakoaki bwa te kamauri; tiaki n te tua ke n te imanonoaki, ma man te kaotioti ao taeka ni wanawawa, are e kaota ana baire ao ana akantaninga te Atua ni kamaiuakiia ni kabane aomata aika itiaki n te maiu n rabwata ni boong aika kaitira—
3 N anga bwa te tua ae iriana te aberita, are e kangaraoaki nakon aia konabwai ni kawakinna ake a mamaara ao te kabanea ni mamaara i buakoia baomata aika itiaki, are boni ngaiia ke a kona n aranaki bwa aomata aika itiaki.
4 Nooria, e koaua, e taku te Uea nakoimi: Ibukin abuakaka ao babaire are a riki ao a kona n riki i nanoia naake a biangoa karaoan ae buakaka ni karaba ni boong aika kaitira, I a tia ni ckauringngkami, ao ni kaman kauringngkami, man anganingkami taeka ni wanawana aei n te kaotioti—
5 Bwa ngkana a teimatoa aomata nako i buakomi n nim awain ke mooi aika matoatoa, nooria e aki raoiroi, ke e aki eti i matan Tamami, ma tii n tain ikotakimi ni kabane n anga ami mwakuri aika tabu i matana.
6 Ao, nooria, bon te wain ae e na kamanenaaki, eng, te wain ae aaki renganaki man te kurebe n te aroka ae te kurebe, ae karaoaki mai iroumi.
7 Ao, teuana riki, amooi aika matoatoa tiaki ibukin te biroto, ma ibukin kaitiakan rabwatami.
8 Ao teuana riki, te bakee bon tiaki ibukin te arabwata, ke ibukin te biroto, ao e aki raoiroi ibukiia aomata, ma bon te aroka ibukin te ikoaki ao maan ni kabane ake aoraki, ni kamanenaaki ma te iango raoi ao te rabakau.
9 Ao teuana riki, mooi aika kabuebue bon tiaki ibukin te rabwata ke te biroto.
10 Ao e koaua ae I manga tuangkami, ni kabane aaroka aika a kamarurung a tia ni karaoaki iroun te Atua ibukin aron te rabwata, te anua n aomata, ao kamanenaana iroun te aomata—
11 Aroka nako n taia nako, ao uaanikai nako n taia nako; ni kabane aikai a na kamanenaaki ma te iango raoi ao te akarabwarabwa.
12 Eng, airiko ni bman naba ao manin aan karawa, Ngai, te Uea, I a tia ni karaoia ibukin kamanenaana iroun te aomata ma te karabwarabwa; e ngae n anne, a riai ni ckatauaki kamanenaakina;
13 Ao e kakukurei irou bwa a riai n aki kamanenaaki, tii n tain te kamwaitoro, ke n te mwaitoro, ke n te rongo.
14 Ni kabane awiita a karaoaki ibukin kamanenaana iroun te aomata ao maan, bwa okon te maiu, tiaki tii ibukiia aomata ma ibukiia manin te aba, ao manin aan karawa, ao ni kabane maan aika aki manana aika a biribiri ke ni kawakawa i aon te aba;
15 Ao aikai e a tia ni karaoia te Atua ibukin kamanenaana irouia aomata tii n taai n rongo ao n te baki ae korakora.
16 Ni kabane wiita a raoiroi ibukin kanaia aomata; ai aron naba uaanikai man kaai aika kawakawa; ake a uaa, n te tano ke i etan te tano—
17 E ngae n anne, wiita ibukin te aomata, ao koon ibukin te kao, ao aekan te wiita ibukin te aoti, ao aekan te bwaare ibukiia mannikiba ao ibukiia beeki, ao ibukiia ni kabane manin aon te aba, ao bwaare ibukiia ni kabane maan aika a boongana, ao ibukin te mooi ae beebete, n aron naba aekan te wiita ake tabeua.
18 Ao ni kabane aomata aika itiaki ake a uringnga n kawakina ao ni karaoi taeka aikai, n nakonako n te ongeaba nakon tuua, a na karekea te amarurung ni rabwataia ao maiun riia;
19 Ao a na kunea te awanawana ao kaubwain te brabakau ae korakora, ake kaubwai aika a karabaaki;
20 Ao a na abiri ao n aki kua, ao a na nakonako ao n aki mamaara.
21 Ao Ngai, te Uea, I anga nakoia te aberita, bwa te anera ae te tia urubwai e na briaoia, n aroia tibun Iteraera, ao n aki tiringiia. Amen.