ພາກທີ 89
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາ, ທີ່ເມືອງເຄີດແລນ, ລັດໂອໄຮໂອ, ວັນທີ 27 ເດືອນກຸມພາ, 1833. ດ້ວຍເຫດວ່າພວກອ້າຍນ້ອງໃນສະໄໝເລີ່ມຕົ້ນໄດ້ໃຊ້ຢາດູດຢູ່ໃນການປະຊຸມຂອງເຂົາເຈົ້າ, ສາດສະດາຈຶ່ງໄດ້ຮັບການແນະນຳໃຫ້ໄຕ່ຕອງກ່ຽວກັບເລື່ອງນີ້; ດັ່ງນັ້ນ, ເພິ່ນຈຶ່ງໄດ້ທູນຖາມພຣະຜູ້ເປັນເຈົ້າກ່ຽວກັບເລື່ອງນີ້. ການເປີດເຜີຍເທື່ອນີ້, ຊຶ່ງຮູ້ຈັກກັນວ່າເປັນ ພຣະວາຈາແຫ່ງປັນຍາ, ຄືຜົນທີ່ຕາມມາ.
1–9, ການໃຊ້ເຫລົ້າອະງຸ່ນ, ເຫລົ້າປຸກ, ຢາດູດ, ແລະ ເຄື່ອງດື່ມຮ້ອນຖືກສັ່ງຫ້າມ; 10–17, ສະໝຸນໄພ, ໝາກໄມ້, ຊີ້ນ, ແລະ ເມັດພືດຖືກກຳນົດໄວ້ເພື່ອຜົນປະໂຫຍດຂອງມະນຸດ ແລະ ສັດສາວາສິ່ງ; 18–21, ການເຊື່ອຟັງກົດຂອງພຣະກິດຕິຄຸນ, ລວມທັງພຣະວາຈາແຫ່ງປັນຍາ, ຈະນຳພອນຝ່າຍໂລກ ແລະ ຝ່າຍວິນຍານມາໃຫ້.
1 ກພຣະວາຈາແຫ່ງປັນຍາ, ເພື່ອຜົນປະໂຫຍດຂອງສະພາມະຫາປະໂລຫິດ, ຊຶ່ງຊຸມນຸມກັນຢູ່ໃນເມືອງເຄີດແລນ, ແລະ ສາດສະໜາຈັກ, ແລະ ໄພ່ພົນຂອງພຣະເຈົ້າໃນຊີໂອນນຳອີກ—
2 ເພື່ອສົ່ງຄວາມປາດຖະໜາດີ; ບໍ່ແມ່ນໂດຍພຣະບັນຍັດ ຫລື ຂໍ້ບັງຄັບ, ແຕ່ໂດຍການເປີດເຜີຍ ແລະ ພຣະວາຈາແຫ່ງປັນຍາ, ໂດຍສະແດງເຖິງລະບຽບ ແລະ ກພຣະປະສົງຂອງພຣະເຈົ້າກ່ຽວກັບຄວາມລອດໃນຝ່າຍໂລກຂອງໄພ່ພົນທັງໝົດຂອງພຣະເຈົ້າໃນຍຸກສຸດທ້າຍ—
3 ປະທານໃຫ້ເພື່ອເປັນຫລັກທຳພ້ອມດ້ວຍ ກຄຳສັນຍາ, ຊຶ່ງໄດ້ປັບໃຫ້ເຂົ້າກັບຄວາມສາມາດຂອງຄົນອ່ອນແອ ແລະ ຄົນອ່ອນແອທີ່ສຸດໃນບັນດາ ຂໄພ່ພົນທັງໝົດຂອງພຣະເຈົ້າ, ຜູ້ທີ່ເປັນ ຫລື ສາມາດຖືກເອີ້ນວ່າໄພ່ພົນຂອງພຣະເຈົ້າ.
4 ຈົ່ງເບິ່ງ, ຕາມຄວາມຈິງແລ້ວ, ພຣະຜູ້ເປັນເຈົ້າໄດ້ກ່າວດັ່ງນີ້ກັບພວກເຈົ້າ: ເປັນເພາະ ກຄວາມຊົ່ວຮ້າຍ ແລະ ແຜນການຊຶ່ງມີຢູ່ ແລະ ຈະມີຢູ່ໃນຫົວໃຈຂອງມະນຸດທີ່ ຂວາງແຜນຮ້າຍໃນຍຸກສຸດທ້າຍ, ເຮົາຈຶ່ງໄດ້ ຄເຕືອນພວກເຈົ້າ, ແລະ ເຕືອນພວກເຈົ້າລ່ວງໜ້າ, ໂດຍໃຫ້ພຣະວາຈາແຫ່ງປັນຍາແກ່ພວກເຈົ້າໂດຍການເປີດເຜີຍ—
5 ວ່າຕາບໃດທີ່ຄົນໃດຄົນໜຶ່ງດື່ມ ກເຫລົ້າອະງຸ່ນ ຫລື ດື່ມເຫລົ້າປຸກໃນບັນດາພວກເຈົ້າ, ຈົ່ງເບິ່ງ ມັນບໍ່ດີ, ທັງບໍ່ຖືກຕ້ອງໃນສາຍພຣະເນດຂອງພຣະບິດາຂອງພວກເຈົ້າ, ເວັ້ນເສຍແຕ່ຢູ່ໃນການຮ່ວມຊຸມນຸມຂອງພວກເຈົ້າ ເພື່ອຖວາຍສິນລະລຶກຂອງພວກເຈົ້າຕໍ່ພຣະພັກຂອງພຣະອົງ.
6 ແລະ, ຈົ່ງເບິ່ງ, ນີ້ຄວນເປັນເຫລົ້າອະງຸ່ນ, ແທ້ຈິງແລ້ວ, ເປັນເຫລົ້າອະງຸ່ນ ກບໍລິສຸດຈາກໝາກອະງຸ່ນຈາກຕົ້ນຂອງມັນ, ຊຶ່ງພວກເຈົ້າໄດ້ເຮັດ.
7 ແລະ, ອີກເທື່ອໜຶ່ງ, ກເຫລົ້າປຸກບໍ່ແມ່ນສຳລັບທ້ອງ, ແຕ່ແມ່ນສຳລັບການລ້າງຮ່າງກາຍຂອງພວກເຈົ້າ.
8 ແລະ ອີກເທື່ອໜຶ່ງ, ຢາດູດບໍ່ແມ່ນສຳລັບ ກຮ່າງກາຍ, ທັງບໍ່ແມ່ນສຳລັບທ້ອງ, ແລະ ບໍ່ດີສຳລັບມະນຸດ, ແຕ່ເປັນສະໝຸນໄພສຳລັບແຜຟົກຊ້ຳ ແລະ ສັດທີ່ເຈັບປ່ວຍທັງໝົດ, ຊຶ່ງໃຫ້ໃຊ້ດ້ວຍຄວາມພິຈາລະນາ ແລະ ຄວາມຊຳນານ.
9 ແລະ ອີກເທື່ອໜຶ່ງ, ເຄື່ອງດື່ມຮ້ອນແມ່ນບໍ່ດີສຳລັບຮ່າງກາຍ ຫລື ທ້ອງ.
10 ແລະ ອີກເທື່ອໜຶ່ງ, ຕາມຄວາມຈິງແລ້ວ ເຮົາກ່າວກັບພວກເຈົ້າວ່າ ກສະໝຸນໄພທີ່ມີປະໂຫຍດທັງໝົດ ພຣະເຈົ້າໄດ້ກຳນົດໄວ້ສຳລັບສຸຂະພາບ, ທຳມະຊາດ, ແລະ ຜົນປະໂຫຍດຂອງມະນຸດ—
11 ສະໝຸນໄພທັງໝົດໃນລະດູຂອງມັນ, ແລະ ໝາກໄມ້ທັງໝົດໃນລະດູຂອງມັນ; ທັງໝົດເຫລົ່ານີ້ມີໃຫ້ໃຊ້ດ້ວຍຄວາມຮອບຄອບ ແລະ ດ້ວຍ ກຄວາມຂອບພຣະໄທ.
12 ແທ້ຈິງແລ້ວ, ກຊີ້ນຂອງ ຂສັດ ແລະ ຂອງສັດມີປີກໃນອາກາດ, ເຮົາ, ພຣະຜູ້ເປັນເຈົ້າ, ໄດ້ກຳນົດໄວ້ເພື່ອຜົນປະໂຫຍດຂອງມະນຸດດ້ວຍຄວາມຂອບພຣະໄທ; ເຖິງຢ່າງໃດກໍຕາມ ມັນຄວນຖືກນຳໃຊ້ດ້ວຍ ຄຄວາມປະຢັດເທົ່ານັ້ນ;
13 ແລະ ມັນຈະເປັນທີ່ພໍໃຈແກ່ເຮົາທີ່ຈະບໍ່ໃຊ້ມັນ, ຍົກເວັ້ນແຕ່ໃນລະດູໜາວ, ຫລື ໃນເວລາອາກາດເຢັນ, ຫລື ໃນຍາມອຶດຢາກເທົ່ານັ້ນ.
14 ກເມັດພືດທຸກຊະນິດໄດ້ຖືກແຕ່ງຕັ້ງໄວ້ເພື່ອປະໂຫຍດຂອງມະນຸດ ແລະ ສັດສາວາສິ່ງ, ເພື່ອເປັນໄມ້ຄ້ຳຊີວິດ, ບໍ່ພຽງແຕ່ສຳລັບມະນຸດເທົ່ານັ້ນ ແຕ່ສຳລັບສັດຢູ່ໃນທົ່ງນຳອີກ, ແລະ ຝູງນົກຂອງຟ້າສະຫວັນ, ແລະ ສັດສາວາສິ່ງທຸກຊະນິດທີ່ແລ່ນ ຫລື ເລືອຄານຢູ່ເທິງແຜ່ນດິນໂລກ;
15 ແລະ ສິ່ງເຫລົ່ານີ້ພຣະເຈົ້າໄດ້ສ້າງສຳລັບຜົນປະໂຫຍດຂອງມະນຸດ ໃນເວລາທີ່ມີຄວາມອຶດຢາກ ແລະ ຫິວໂຫຍເທົ່ານັ້ນ.
16 ເມັດພືດທຸກຊະນິດແມ່ນດີສຳລັບເປັນອາຫານຂອງມະນຸດ; ທັງໝາກໄມ້ຈາກເຄືອກໍຄືກັນ; ສິ່ງທີ່ອອກໝາກ, ບໍ່ວ່າໃນພື້ນດິນ ຫລື ເທິງພື້ນດິນກໍຕາມ—
17 ເຖິງຢ່າງໃດກໍຕາມ, ເຂົ້າຫວີດແມ່ນສຳລັບມະນຸດ, ແລະ ເຂົ້າສາລີແມ່ນສຳລັບງົວ, ແລະ ເຂົ້າໂອດແມ່ນສຳລັບມ້າ, ແລະ ເຂົ້າຣາຍແມ່ນສຳລັບສັດມີປີກ ແລະ ສຳລັບໝູ, ແລະ ສຳລັບສັດທັງໝົດຢູ່ໃນທົ່ງ, ແລະ ເຂົ້າບາເລແມ່ນສຳລັບສັດທີ່ມີປະໂຫຍດທັງປວງ, ແລະ ສຳລັບເຄື່ອງດື່ມອ່ອນໆ, ດັ່ງເມັດພືດຊະນິດອື່ນໆ.
18 ແລະ ໄພ່ພົນທັງປວງຂອງພຣະເຈົ້າ ຜູ້ທີ່ຈື່ຈຳທີ່ຈະຮັກສາ ແລະ ເຮັດຕາມສິ່ງທີ່ກ່າວມານີ້, ໂດຍການດຳເນີນໄປໃນການເຊື່ອຟັງບັນຍັດ, ຈະໄດ້ ກຮັບພະລານາໄມໃນຮູສາຍບືຂອງພວກເຂົາ ແລະ ມີໄຂໃນກະດູກຂອງພວກເຂົາ;
19 ແລະ ຈະພົບ ກສະຕິປັນຍາ ແລະ ຂຸມຊັບແຫ່ງ ຂຄວາມຮູ້, ແມ່ນແຕ່ເປັນຂຸມຊັບທີ່ເຊື່ອງຊ້ອນຢູ່;
20 ແລະ ຈະ ກແລ່ນ ແລະ ບໍ່ເມື່ອຍລ້າ, ແລະ ຈະຍ່າງ ແລະ ບໍ່ເປັນລົມ.
21 ແລະ ເຮົາ, ພຣະຜູ້ເປັນເຈົ້າ, ມອບ ກຄຳສັນຍານີ້ໃຫ້ແກ່ພວກເຂົາ, ວ່າທູດຜູ້ທຳລາຍຈະ ຂຜ່ານພວກເຂົາໄປ, ດັ່ງລູກຫລານຂອງອິດສະຣາເອນ, ແລະ ບໍ່ຂ້າພວກເຂົາ. ອາແມນ.