Benneg 8
Paltiing a naited ken ni Oliver Cowdery babaen ni Joseph Smith a Propeta, iti Harmony, Pennsylvania, idi Abril 1829 (History of the Church, 1:36–37). Bayat ti pannakaipatarus ti Libro ni Mormon, tinarigagayan ni Oliver, a nagtuloy a nagserbi a para surat, a nagsurat iti panangibasa ti Propeta, a matalugadingan iti sagut ti panagipatarus. Sinungbatan ti Apo ti ararawna babaen ti pannangtedna iti daytoy a paltiing.
1–5, Umay ti paltiing babaen ti bileg ti Espiritu Santo; 6–12, Umay babaen ti pammati dagiti kinadatdatlag ti Dios ken ti bileg a mangipatarus kadagiti nagkauna a kasuratan.
1 aOliver Cowdery, pudno, pudno, kunak kenka, a maipanamnama a kas iti kaadda ti Apo, nga isu ti Dios ken Mannubbotmo, kasta met nga awan duadua nga umawatka iti bpannakaammo iti ania man a banag a cdawatem a sipapammati, a naimpusuan, a mamati nga umawatka iti pannakaammo maipanggep kadagiti nakaikitikitan dagiti daan a dkasuratan, a nagkauna, a naglaon kadagidiay paset ti nasantuan a kasuratak a nasaon babaen ti epanangipakita ti Espirituk.
2 Wen, adtoy, aibagak kenka iti panunotmo ken iti bpusom, babaen ti cEspiritu Santo, ti dumteng kenka ken agnaed iti pusom.
3 Ita, adtoy, daytoy ti espiritu ti pammaltiing; adtoy, daytoy ti espiritu nga inaramat ni Moises iti panangiballasiwna kadagiti annak ti Israel iti natirkagan a daga ti aNalabaga a Baybay.
4 Ngarud daytoy ti sagutmo; aramatem, ket mabendisionanka, ta isalakannakanto kadagiti ima dagiti kabusormo, inton, no saan nga agpayso, papatayendaka ket iturongda ti kararuam iti pannakadadael.
5 O, laglagipem dagitoy a abalikas, ken tungpalem dagiti bilinko. Laglagipem, daytoy ti sagutmo.
6 Ita saan la a daytoy ti sagutmo; ta adda pay sabali a sagutmo, nga isu ti sagut ni Aaron; adtoy, adun a banag ti naibagana kenka;
7 Adtoy, awan ti sabali a bileg, malaksid ti bileg ti Dios, ti makaipaay kenka iti daytoy a sagut ni Aaron.
8 Ngarud, dika agduadua, ta sagut daytoy ti Dios; ket maiggamamto kadagiti imam, ket agaramidka kadagiti nakaskasdaaw nga aramid; ket awanto ti bileg a makaagaw manipud kadagiti imam, ta aramid daytoy ti Dios.
9 Ket, ngarud, ania man ti dawatem kaniak nga ibagak babaen dayta a wagas, itdekto kenka, ket maaddaankanto iti pannakaammo maipanggep iti dayta.
10 Laglagipem nga awan ti maaramidam no awan ti apammati; ngarud agdawatka babaen iti pammati. Dimo tagibassiten dagitoy a banag; dimo bdawaten dayta saan a nasken.
11 Agdawatka tapno maammuam dagiti kinadatdatlag ti Dios, ken tapno amakaipataruska ken makaawatka iti pannakaammo manipud kadagiti amin a nagkauna a kasuratan a naitalimeng, a sagrado; ken maibatay iti pammatim maaramidto kenka.
12 Adtoy, siak ti nangibaga iti daytoy; ket siak met laeng ti nagsao kenka manipud idi punganay. Amen.