Mwakoro 9
Kaotioti nakon Oliver Cowdery ae kaotaki rinanon Iotebwa Timiti te Burabeti, i Harmony, Pennsylvania, n Eberi 1829. E kataetaeaki Oliver bwa e na bwaina te taotaonakin nano ao e kaungaaki bwa e na kukurei ni koroi taian taeka mai iroun te tia rairairi, n te tai moa aei, nakon are e na kataia n rairairi.
1–6, A nang bon rairaki tabeua riki taian rongorongo ni kawai; 7–14, E rairaki Ana Boki Moomon man te kamatebwai ao man ana kamatoa te tamnei.
1 Nooria, I tuangko, natiu, bwa bukina ko aki arairairi ni kaineti nakon are ko bubutiai, ao ni manga moana am bkoroboki ibukin au tia mwakuri, Iotebwa Timiti te Ataei, ngaia are I tangiria bwa ko na reitinako ni karokoa e bane te rongorongo aei, ake I a tia n onimakinna iai.
2 Ao ngkanne, nooria, taian arongorongo briki tabeua ake iai irou, are N na anganiko te mwaaka bwa ko aonga ni ibuobuoki n rairi.
3 Bwaina te taotaonaki n nano, natiu, bwa e bon wanawana aei irou, ao e aki riai bwa ko na rairairi n te tai aio.
4 Nooria, te mwakuri are ko weteaki bwa ko na karaoia bon te koroboki ibukin au tia mwakuri ae Iotebwa.
5 Ao, nooria, bwa ibukina bwa ko aki reitinako n aron are ko moan waaki iai, ngke ko moana am rairairi, are I a tia n anaa te tibwanga anne mai iroum.
6 Tai angurengure, natiu, ngkae I reitaki ma ngkoe n te aro aio, bwa e bon wanawana aei irou.
7 Nooria, ko tuai man oota; ko taku i nanom bwa N na anganiko, ngkai bon akea iangoana iroum ma tii te kan bubutiai ibukina.
8 Ma, nooria, I tuangko, bwa ko riai ni akamatebwaia n am iango; ngkanne ko riai n btitirakinai ngkana e bon eti, ao ngkana e bon eti N na karikia bwa e na cabuee dnanom; ngaia are, ko na enamakinna bwa e bon eti.
9 Ma ngkana e aki eti e na bon akea namakin akanne iroum, ma e na bon iai te abua ni iango iroum are e na karikiko bwa ko na mwaninga te bwai are e kairua; ngaia are, ko aki kona ni korea ae e tabu tii ngkana ko anganaki mai irou.
10 Bwa ngke arona bwa ko a kaman ataa aio ko a kaman arairairi; e ngae n anne, e aki riai bwa ko na rairairi ngkai.
11 Nooria, bon iai riaina ngke ko waaki; ma ko amaaku, ao e a bwakanako te tai, ao bon akea riaina ngkai;
12 Bwa, ko aki noora ae I a tia n angan au tia mwakuri aIotebwa korakorana ae tau, are bon kaboan mwiina? Ao akea i buakomi ae I kabuakakaa.
13 Karaoa te bwai aei are I a tia n tuangko, ao ko na rikirake. Bwaina te kakaonimaki, ao n aki bwaka n te akaririaki.
14 Tei ni matoatoa n te amwakuri are I a tia ni bweteiko nako iai, ao a na akea iran atum ae e na bua, ao ko na bon cuotaki rake n te kabanea ni bong. Amen.