ພາກທີ 9
ການເປີດເຜີຍທີ່ມອບໃຫ້ຜ່ານໂຈເຊັບ ສະມິດ ຜູ້ເປັນສາດສະດາແກ່ອໍລີເວີ ຄາວເດີຣີ, ທີ່ເມືອງຮາມໂມນີ ລັດເພັນໂຊເວເນຍ, ເດືອນເມສາ 1829. ອໍລີເວີຖືກຕັກເຕືອນໃຫ້ອົດທົນ ແລະ ຖືກຊຸກຍູ້ໃຫ້ເຕັມໃຈທີ່ຈະຂຽນໃນຊ່ວງໄລຍະນັ້ນ ຕາມການບອກຂອງຜູ້ແປ, ແທນທີ່ຈະພະຍາຍາມແປ.
1–6, ມີບັນທຶກບູຮານເຫລັ້ມອື່ນໆທີ່ຍັງບໍ່ໄດ້ແປເທື່ອ; 7–14, ພຣະຄຳພີມໍມອນໄດ້ຖືກແປໂດຍທາງການສຶກສາ ແລະ ໂດຍການຢືນຢັນທາງວິນຍານ.
1 ຈົ່ງເບິ່ງ, ເຮົາກ່າວກັບເຈົ້າ, ບຸດຂອງເຮົາວ່າ ເພາະເຈົ້າບໍ່ໄດ້ ກແປຕາມທີ່ເຈົ້າປາດຖະໜາຈາກເຮົາ, ແລະ ໄດ້ເລີ່ມຕົ້ນອີກທີ່ຈະ ຂຂຽນໃຫ້ຜູ້ຮັບໃຊ້ຂອງເຮົາ, ໂຈເຊັບ ສະມິດ, ຜູ້ລູກ, ສະນັ້ນເຮົາຈຶ່ງຢາກໃຫ້ເຈົ້າຂຽນຕໍ່ໄປ ຈົນກວ່າເຈົ້າຈະສຳເລັດບັນທຶກນີ້, ຊຶ່ງເຮົາໄດ້ຝາກຝັງໄວ້ນຳລາວ.
2 ແລະ ຈາກນັ້ນ, ຈົ່ງເບິ່ງ, ເຮົາມີ ກບັນທຶກ ຂອື່ນອີກ, ຊຶ່ງເຮົາຈະໃຫ້ພະລັງແກ່ເຈົ້າ ເພື່ອເຈົ້າຈະໄດ້ຊ່ວຍແປ.
3 ຈົ່ງອົດທົນ, ບຸດຂອງເຮົາ, ເພາະມັນເປັນຄວາມສະຫລຽວສະຫລາດຂອງເຮົາ, ແລະ ມັນບໍ່ສົມຄວນທີ່ເຈົ້າຈະແປໃນເວລານີ້.
4 ຈົ່ງເບິ່ງ, ວຽກງານຊຶ່ງເຈົ້າຖືກເອີ້ນໃຫ້ເຮັດ ແມ່ນທີ່ຈະຂຽນໃຫ້ຜູ້ຮັບໃຊ້ຂອງເຮົາ ໂຈເຊັບ.
5 ແລະ, ຈົ່ງເບິ່ງ, ເປັນເພາະວ່າເຈົ້າບໍ່ໄດ້ສືບຕໍ່ດັ່ງທີ່ເຈົ້າໄດ້ເລີ່ມຕົ້ນ, ຕອນເຈົ້າໄດ້ເລີ່ມແປ, ເຮົາຈຶ່ງໄດ້ເອົາສິດທິພິເສດນັ້ນໄປຈາກເຈົ້າ.
6 ຢ່າ ກຈົ່ມ, ບຸດຂອງເຮົາ, ເພາະມັນເປັນຄວາມສະຫລຽວສະຫລາດຂອງເຮົາ ທີ່ເຮົາຈັດການກັບເຈົ້າໃນວິທີນີ້.
7 ຈົ່ງເບິ່ງ, ເຈົ້າບໍ່ເຂົ້າໃຈ; ເຈົ້າຄິດວ່າເຮົາຈະມອບມັນໃຫ້ເຈົ້າ, ເມື່ອເຈົ້າບໍ່ໃຊ້ຄວາມຄິດມີແຕ່ຈະທູນຖາມເຮົາ.
8 ແຕ່, ຈົ່ງເບິ່ງ, ເຮົາກ່າວກັບເຈົ້າວ່າ ເຈົ້າຕ້ອງ ກສຶກສາມັນຢູ່ໃນຈິດໃຈຂອງເຈົ້າກ່ອນ; ແລ້ວເຈົ້າຕ້ອງ ຂທູນຖາມເຮົາ ຖ້າຫາກວ່າມັນຖືກຕ້ອງຫລືບໍ່, ຖ້າຫາກມັນຖືກຕ້ອງ ເຮົາຈະເຮັດໃຫ້ ຄຊວງອົກຂອງເຈົ້າ ງຮ້ອນຮົນພາຍໃນຕົວເຈົ້າ; ສະນັ້ນ, ເຈົ້າຈະ ຈຮູ້ສຶກວ່າມັນຖືກຕ້ອງ.
9 ແຕ່ຖ້າຫາກມັນບໍ່ຖືກຕ້ອງ ເຈົ້າຈະບໍ່ມີຄວາມຮູ້ສຶກເຊັ່ນນັ້ນ, ແຕ່ເຈົ້າຈະ ກງົງງັນໃນຄວາມຄິດ ຊຶ່ງຈະເຮັດໃຫ້ເຈົ້າລືມສິ່ງທີ່ຜິດ; ສະນັ້ນ, ເຈົ້າຈະບໍ່ສາມາດຂຽນສິ່ງທີ່ສັກສິດ ນອກຈາກເຈົ້າຈະໄດ້ຮັບມັນຈາກເຮົາ.
10 ບັດນີ້, ຖ້າຫາກເຈົ້າຮູ້ເລື່ອງນີ້ມາກ່ອນ ເຈົ້າກໍຄົງ ກແປໄດ້; ເຖິງຢ່າງໃດກໍຕາມ, ມັນບໍ່ສົມຄວນທີ່ເຈົ້າຈະແປໃນຕອນນີ້.
11 ຈົ່ງເບິ່ງ, ມັນສົມຄວນເມື່ອຕອນເຈົ້າໄດ້ເລີ່ມຕົ້ນ; ແຕ່ເຈົ້າໄດ້ ກຢ້ານກົວ, ແລະ ເວລາໄດ້ຜ່ານໄປແລ້ວ, ແລະ ມັນບໍ່ສົມຄວນໃນຕອນນີ້;
12 ເພາະ, ເຈົ້າບໍ່ເຫັນບໍວ່າເຮົາໄດ້ມອບພະລັງໃຫ້ຜູ້ຮັບໃຊ້ຂອງເຮົາ ກໂຈເຊັບ ຢ່າງພຽງພໍ, ຊຶ່ງໂດຍສິ່ງນັ້ນ ຈຶ່ງທົດແທນກັນ? ແລະ ເຮົາບໍ່ໄດ້ກ່າວໂທດເຈົ້າທັງສອງຄົນແນວໃດ.
13 ຈົ່ງເຮັດສິ່ງນີ້ທີ່ເຮົາໄດ້ບັນຊາເຈົ້າ, ແລະ ເຈົ້າຈະຮຸ່ງເຮືອງ. ຈົ່ງຊື່ສັດ, ແລະ ຢ່າຍອມຕໍ່ ກການລໍ້ລວງ.
14 ຈົ່ງຍຶດໝັ້ນໃນວຽກງານ ຊຶ່ງ ກວຽກງານນັ້ນເຮົາໄດ້ ຂເອີ້ນເຈົ້າ, ແລະ ຜົມເສັ້ນໜຶ່ງເທິງຫົວຂອງເຈົ້າກໍຈະບໍ່ເສຍໄປ, ແລະ ເຈົ້າຈະຖືກ ຄຍົກຂຶ້ນໃນວັນສຸດທ້າຍ. ອາແມນ.