Benneg 91
Paltiing a naited babaen ni Joseph Smith a Propeta, iti Kirtland, Ohio, idi 9 ti Marso 1833 (History of the Church, 1:331–332). Makumikom ti Propeta a mangipatpatarus iti Daan a Tulag iti daytoy a panawen. Iti pannakadanonna iti dayta a paset ti nagkauna a sinurat a managan Apocrypha, nagdamag iti Apo ket naawatna daytoy a panangiwanwan.
1–3, Agarup umno ti pannakaipatarus ti Apocrypha ngem adu ti linaonna nga innayon ti ima dagiti tao a saan a pudno; 4–6, Mairanud dagiti paglawagen ti Espiritu.
1 Pudno, kastoy ti kuna ti Apo kadakayo maipanggep iti aApocrypha—Adu dagiti banag a linaonna a pudno; ket agarup umno ti pannakaipatarusna;
2 Adu dagiti banag a linaonna a saan a pudno, nga innayon ti ima dagiti tao.
3 Pudno, kunak kadakayo, a saanen a kasapulan ti pannakaipatarus ti Apocrypha.
4 Ngarud, asino man a mangbasa, amaawatanna koma, ta ipakita ti Espiritu ti kinapudno;
5 Ket asino man a paglawagen ti aEspiritu mairanudto iti daytoy;
6 Ket asino man a saan nga awaten ti Espiritu, saanto a mairanud. Ngarud saan a masapul ti pannakaipatarusna. Amen.