Tusitusiga Paia
Mataupu Faavae ma Feagaiga 91


Vaega 91

Faaaliga na tuuina mai e ala mai ia Iosefa Samita le Perofeta, i Katelani, Ohaio, i le aso 9 o Mati, 1833. O le taimi lea ua faasaga atu ai le Perofeta i le faaliliuga o le Feagaiga Tuai. Ina ua oo mai i le vaega lena o tusitusiga anamua ua ta’ua o le Apokarifa, sa ole atu o ia i le Alii ma maua mai ai le faaaliga lenei.

1–3, O le tele o le Apokarifa ua sa’o ona faaliliuina, peitai e tele ni faaopoopoga ua i ai na faia e lima o tagata, ua lē moni; 4–6, O le Apokarifa e aogā ia te i latou e faamalamalamaina e le Agaga.

1 E moni, ua faapea ona fetalai mai o le Alii ia te outou e uiga i le aApokarifa—E tele mea ua i ai i totonu ua moni, ma o le tele ua sa’o ona faaliliuina;

2 E tele mea ua i ai i totonu ua lē moni, o ni faaopoopoga na faia e lima o tagata.

3 E moni, Ou te fai atu ia te outou, ua lē manaomia le tau faaliliuina o le Apokarifa.

4 O lea, ai se e faitau i ai, ia tuu atu ia te ia ia amalamalama i ai, ona o le Agaga e faaalia mai le moni;

5 Ma ai se e faapupulaina e le aAgaga o le a maua mai ai e ia le aogā;

6 Ma ai se na te lē mauaina e ala i le Agaga, e lē mafai ona aogā i ai. O lea ua lē manaomia ai ona tau faaliliuina. Amene.